|
نفس او عين
انا دخلت المنتديات من كم سنه و اكتشفت شي غريب عجيب علي اول مره اسمع عنه....
تعرفون شو اللي اكتشفته؟؟؟؟ اكتشفت العين و النفس!!! اول مره اعرف شي عن النفس... طيب العين اللي كنت فاهمتنه انه نفسه الحسد... بس البنات يشرحونها بطريقه ثانيه...:( يعني اللي كنت اقراه في المنتديات... ان اي وحده ما تزوجت يعني فيها عين او نفس (اللي فهمته من النفس ان في ريال نفسه فيها و يبي يتزوجها و ما قدر)... اي وحده عندها مشكله بعد زواجها بفتره بسيطه تفسر عين و نفس... وانا دخت السبع دوخات.. مب فاهمه شو السالفه... :23::23::23::23::23::23::23: سبع فيسات لزوم السبع دوخات:23::22::25: و قلت لنفسي.. أهااااااااااااااااااا علشان جذى انا ما تزوجت و انا صاكه الثلاثين.... اتاريني لأني رفضت العاشق الولهان و تعلقت نفسه فيني...:25::25: بس فعلا انا ابي افهم شو سالفة العين و النفس؟؟؟!!!! انزين ليش العين و النفس كنت اقراها بس عند النساء؟؟؟!!! الريال اللي ما تزوج و ما يتوفق في اي زواجه او خطوبه... هذا بعد عنده عين و نفس:(:( بس للتوضيح... انا طبعا ما أؤمن بهذه الأشياء... الحسد طبعا اصدقه لأنها وارد في السنه... بس العين و النفس اللي سمعتها .....الصراحه ما أؤمن بها.... احنا ما عندنا عين و نفس ... لهالسبب أبي افهم الموضوع...:d فهمووووووووونييييييييييييييييي يا جماعه بليييييييييييييييييييييييييييز |
رد : نفس او عين
حبيبتي هالامور اللي تتكلم عن ماوراء الطبيعة او الميتافيزيقيات لايمكن لاحد ان يجزم بها
انا سعودية وسمعت هالكلام ولكني مااؤمن بها الزواج رزق من الله ومن يتوكل على الله حق توكله سيرزقه من حيث لايحتسب بنظري انه الانسان يلجأ في بعض الاحيان لهالتبريرات الواهية حتى يريح نفسه عن البحث عن الاسباب الحقيقية للمشكلة وصار العين والحسد شماعة نعلق عليها كل مشاكلنا للاسف الشديد الله يرزقك الزوج الصالح التقي النقي المخموم القلب الاعزب الحنون اللي يحبك وتحبينه ( ويرزقني معاك :) ) |
رد : نفس او عين
اقتباس:
أحسن الكلام |
رد : نفس او عين
على حسب عمري ان فهمك خطا والله اعلم انا او انتى المخطئه
النفس مرادف للعين والحسد خاص لايلزم ان يتبعه عين والله اعلم |
رد : نفس او عين
الحسد مسبب للعين..
كل من اصاب أحدا بعينه فقد حسده. و التعبير بالعين لأنها السبب الذي ينتج عنه الحسد... قال ابن القيم ما معناه في كتابه ( الطب النبوي ) أن العين الحاسدة تتكيف مع الشي المشاهد فتنفث سما غير مشاهد ينتج عنه الإصابة و المرض . و استشهد بالحية التي تسقط الحمل بمجرد نفثها سما محسوسا. و من باب تصحيح الأخطاء اللفظية لا تقل : يا أخي و الله أني احسدك على نبلك و طيبك. بل قل: أغبطك. لأن الحسد : تمني زوال النعمة عن الأخر و أخذها. ( إستعينوا على قضاء حوائجكم بالكتمان فإن كل ذي نعمة محسود) و الغبطه : تمني مثلها لا زوالها عن الأخر |
رد : نفس او عين
حبيبتي انا سعوديه ولست مؤمنه بهذي الخرابيط , شوفي العين مذكوره في السنه , يعني صح ؟؟ والحسد ايضا موجود , اما انو كل وحده ماتزوجت معناته انها فيها نفس مادري ايش ؟؟ انا انصحك تتوكلين على الله والرزق مكتوب لك قبل ماتنولدين , ولاتكثرين التفكير في هذي الامور
|
رد : نفس او عين
انا على بالي ان تبغين تعرفي الفرق بين الكلمات وحيرتيني اكثر <<<< >دحين معاد صرت افرق احد يفهمنى
اتريكي مستغربه من ان كل شي ياولوة على انه نفس او عين ياختى هي عقليات تتفاوت ليس بالضرورة ان السعوديات يومنو بهذا وانما يدل على ان اكثر المنتديات مليانه بهن انا اسال دايم فين الجنسيات الاخرى واخيرا شفتكم هنا وكلا تبع ثقافته |
رد : نفس او عين
مكانه المناسب
|
رد : نفس او عين
طالما منتي مؤمنة بها وشوله تسألين عنها
عادي إعتقادات مثلها مثل غيرها |
رد : نفس او عين
ذكرتيني برسالة جتني عالواتس اب تقول
اذا نجحتي لا تقولي لحد اذا انخطبتي لا تقولي لحد اذا اتزوجتي لا تكلمي حد اذا حملتي لاحد يدرا اذا ولدتي لا تقولي وبالنهاية اذا حصل شي قالوا عين وين عين وماحد يدري :) :) العين و الحسد موجودين ...بس موضوع النفس ماقد سمعت فيه بالزواج اسمع فيه باشياء ثانية يعني لو اختي شافت عندي بوزة و اخذتها و اقتطعت تقول اكيييد عطيتيني ياها و نفسك فيها :) ماجبتيها من قلبك :) و يكون صحيح :) بعض الاحيان بس اما نفس في الزواج مادري ماعتقد صراحة هي كلها اعذارررر .. كل شي نصيب و بيد رب العالمين ربي يرزقك و كل عزابيتنا الازواج الطيبين الصالحين |
| الساعة الآن 03:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©