|
مشكلتي مع زوجي،،ساعدوووني
بسم الله الرحمن الرحيم
السلام عليكم ورحمه الله وبركاته أنا متابعه لهذا المنتدى من ثلاث سنوااات ومرررره استفدت الله لا يحرمني منكم بعرض مشكلتي واتمنى ألاقي عندكم حل لأني والله تعبت نفسيا متزوجه من خمس سنوات وعندي بنت طبعا مشكلتي بمعامله زوجي لي:( الحمد لله كريم ومايقصر معاي أنا وبنتي بس اسلوبه مررررره جاف مستحيل يضحك او يتكلم معي بس أوامر!! تصدقون من تزوجته ما قالي كلمه حلوه او مدحني بالعكس ما اسمع منه الا انتقادات وتجريح دايم ماد البوز بالبيت ويدور مشاكل أكله دايم جاهز وملابسه دائم نظيفه وجاهزه والبيت نظيييف وما عمري سمعت منه يعطيكي العافيه او مشكوووره يعشق بنته لحد الجنون ويدلعها بالكلام وماتنام الا جنبه على السرير وانا والله ماكني معهم يطلع ويدخل البيت مستحيل يسلم او يسآل على الصامت مستحيل يعطيني رأيه بأي شي يخصنا كله ماعلي منك بكييفك ابدااااا مايهتم فيني أعطيكم مثال كنا طالعين قبل يومين ومروقين جئت قلتله وشرايك ابغي اترك حبوب منع الحمل أنا لي سنه أكلهم ومرررره تعبتني وش قال!! عصب قال أنا وش علي منك تسأليني وتهاوشنا وقال انتي إنسانه وغلط علي بالكلام طبعا جرحني زي دااايم بس من يوم وانا دمعي علي خدي من القهر وأحسس أني مؤ طايقه اشوووفه والله مررررره تعبت معه من تزوجت وهذا اسلوبه معاي ودايم أقوله مبغى منك الا كلمه حلوه وحنان بس مافيه فايده والله ما قصرت معاه بشي مررررره مهتمه فيه بس ماشوف شي منه طبعا مع أهله والناس غيررررر انسان يمز زح ويضحك ويمدح أنسان ثاني ياربي والله مدري وش اصلح معاه |
رد : مشكلتي مع زوجي،،ساعدوووني
أختي الله يكون في عونك .. طيب ما جربتي تسأليه إنت ليه كدا تعاملك معايا جاف ؟؟ .. |
رد : مشكلتي مع زوجي،،ساعدوووني
انت قلتي هذا طبعه
فيه مثل غيري جبل ولا تغيري رجل بالكلمة الطيبة واللين والصبر عليه تقدري تاخذي كل شي منه الكلمة الطيبة بتطلع الحية من الوكر فما بالك بالبشر |
رد : مشكلتي مع زوجي،،ساعدوووني
كان الله في عونك اختي الكريمه الصراحه لازم تعرفين سبب جفائه منك احتمال احد معطيه نصائح ان مايعطي زوجته وجه وانه اذا عطاها وجه مايصير رجال وينزل قدره واذا كذا فعلا ماراح يتغير الا اذا احد فهمه كيف ان الزوجه كل ماعطيتها حنان وكلام حلو تعطيك اكثر وهذا من عن طريق صديق او قريب يكون زوجكيسمع منه ... لاني احس زوجك يستخدم طريقة زمان وامهاتنا طبعا ماكانو كلهم كذا لكن اغلبهم وهذا اللي لاحظته في مجتمعنا من كبار السن هذا طريقتهم من زمان وهي الجفاء مع الزوجه وفي رجال يستحون يطلعون اللي بداخلهم يعتبرونه عيب وانقاص من قدرهم لازم يفهم ان هذا غلط ومالك الا الصبر وراح تفرج باذن الله تعالى |
رد : مشكلتي مع زوجي،،ساعدوووني
اولا : مرحبا بك أختي حرم النقيب بين اخوانك و اخواتك.. و إن شاء الله تلاقي الخير.
ثانيا: الله يكون بعونك ثالثا: أغلب الرجال - مع الأسف - لا يعرف خطورة مشاعر الأنثى حين تُجرح. ف من ابتلاها الله بهذا النوع من الرجال.. أعتقد أنها لو احتسبت الأجر و صبرت أنه باب من أبواب الخيرات فتحه الله عليها. ترا أختي في نوعية من الرجال.. عندهم اعتقاد أن المرأة لا تعطيها وجه ولا تجاملها.. ما تجي الا بالعين الحمراء.. حقيقة صعب جدا تغيير هذه القناعات عندهم أختي الكريمة.. لكن: تفقدي حالك معاه .. يعني .. شوفي كيف تعاملك معاه بشكل حقيقي ع شان تصلي للتغيير المطلوب المعقول. ثم: حاولي انك تستغلي أوقات هدوءه و ثراء عاطفته ، فهو بالأخير بشر .أكيد له حالات من الهدوء و الإرتياح و الحميمية معك .. تقدري تقولي له مثلا: أنا احبك و أعزك فوق ما تتخيل... بس اشوفك تعاملني بقسوة و جفاء !!! يا ترا في شيء أنا غلطانة فيه او مقصرة معاك و ما ادري؟؟ حاولي أختي الكريمة تشتكي له شعورك و استياءك بحذر .. يعني تختاري الوقت المناسب ، و الكلمات المناسبة اللي يفهمها و تكون كلمات بسيطة حسب بيئته و ثقافته ، ع شان ما يقول لك من وين جبتي هذا الكلام أو مين علمك..؟؟ أو أقل شيء ع شان ما يتجاوز استفهامك و يرميه وراء ظهره.. ترا مهم جدا أن المرأة لما تفضفض لزوجها بما يجرحها أنها تختار الكلمات و الجمل اللي هي من بيئة الرجل نفسه... لأن بعضهم .. لما يسمع كلام منمق زيادة أو مثلا كلام ما تعود يسمع مثله في البيت خلال عمر من العشرة مع زوجته ...بالتأكيد بيتجاهلها تماما و فوق هذا بيرجع يسخر من كلام الزوجة و أنها تأثرت بالفضائيات أو شي من هذا القبيل. كان الله في عونك .. و لا تنسي كذلك باب الدعاء له بأن الله يحسِّن خلقه ، و يرزقه من الأخلاق ما يجعله قرة عين لك و لأولادك |
رد : مشكلتي مع زوجي،،ساعدوووني
اسأل الله لكي التوفيييييييييييق |
رد : مشكلتي مع زوجي،،ساعدوووني
الله يسخره لك يارب ادعي والحي على الله بالدعاء انه يسخره لك ويحنن قلبه عليك والزمي الاستغفار وشغلي سورة البقرة في بيتك
اول مايدخل من خارج البيت استقبليه بابتسامة وضميه وادعيله الله يعطيك العافية حاولي تعامليه مثل ماتعامله طفلته وتستقبله وتحبه مشكلة بعض الرجال الله يهديهم مايحسو بقيمة الكلمة الحلوة لزوجاتهم حاولي تحللي نمط شخصيته في مقياس بوصلة الشخصية وتتبعي النصايح المثلى للتعامل مع هالنمط والله يحنن قلبه عليك |
رد : مشكلتي مع زوجي،،ساعدوووني
يمكن في أحداث بالماضي لها تأثير ... تجربة سابقه له .. أمر صار بينكم .. علاقتك بأهله .. علاقته بأهلك في شي ناقص .. أفهم انه في رجال جافين جفاف الربع الخالي بس رده على موضوع حبوب منع الحمل مو طبيعي ولا منطقي .. مو بس موضوع جفاف |
رد : مشكلتي مع زوجي،،ساعدوووني
و هو يلاعب بنته قولي له... بنتك باجر تتزوج... ترضى احد يعاملها بأسلوب معاملتك لي؟ خلي هالنقاش يدور بينكم...
|
رد : مشكلتي مع زوجي،،ساعدوووني
من لقبك زوجك عسكري ودائما العسكري لايفرق بين البيت والعمل بالمعاملة ولكني حاولي مناقشة اسلوب تعامله معكي بالاجازة اللا سبوعية ومراجعة طريقة تعاملك معه فقد تكونين انت تطرحين مواضيعك باوقات غير مناسبة له .
|
| الساعة الآن 11:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©