|
ايها البيوت المسلمة!
السلام عليكم
للأسف الزواج و بنات الناس اصبحوا كالسلع يشترطون كما يريدون فالأحرى ان ينظروا الى انفسهم سابقاً الزواج لا يكلف عشرات الألوف لكن الآن مئات الألوف يسروا ولا تعسروا فلا استغرب كثر الفساد الأخلاقي للفئتين فقد سهلوا الحرام و صعبوا الحلال كثرت الإنجرافات فلن استغرب الفرق في المستوى التعليمي مثلاً ليس بعذر و هذا من الأصل الفلاني و هذه من الأصل الفلاني ليس بعذر عضل الفتيات صك من صكوك جهنم رفض المسلمين بدون عذر او بعذر قبيح احد ابواب الفتنة و مخالفة لقول الحبيب صلى الله عليه و سلم يا امة ناقصة يا امة كانت امة محمد اصبحت امة مهند |
رد : ايها البيوت المسلمة!
ياخي اعرف بيت من تدق !!
لا تدق بيت ناس مستواهم المادي عالي و تقول ليش رفضوني !! لا تدق بيت ناس بناتهم بنات دلال و انت على قد حالك و تقول رفضوني !! لا تدق على بيوت ناس لايهمها الا المظاهر و تقول رفضوني لاا تدق بيوت ناس لا تهتم لامر الدين ثم تشتكي ابحث عن البيت المتدين الطيب الذي يريد الستر لبناته و باذن الله ستجد طلبك عندهم .. اما اذا كنت قد طرقت ابواب ناش مشهود لهم بالصلاح و التقوى و رفضوك جميييعا فابحث في الموضوع قد يكون السبب فيك فعلا .. فعالجه او قد تكون عين او حسد ... فابحث في الرقية الشرعية او قد يكون شخص يريد بك السؤ فينشر عنك ماليس بصحيح .. فتاكد واذا لم يكن اي مما فات ... فاصبر ... نصيبك لسه ماجا الله يوفقك بالزوجة الصالحة الي تسعدك وتسرك |
رد : ايها البيوت المسلمة!
عفوا
شروط البنات مو مفروض تكون مفصلة على مزاج الخاطب ! تقول الفرق التعليمي ليس بعذر .. ليش ماهو عذر ؟ لانه ياثر سلبا على البنت صار ماهو عذر طيب وفرق العمر لما تكون خطيبتك اكبر منك بخمس او سبع سنوات ؟ |
رد : ايها البيوت المسلمة!
السلام عليكم ..~
اخوي لاتقارن زمن اول بزمنا الان. ... الان. زمن الغلاء ليس من المعقول سوف تقدم مهرا قليلاً مثال 15000 ريال فهذا لايكفي لشي ..~ ومثلما قالت الاخت. نورة ابحث عن البيوت التي تناسب حالتك المادي.فلا يعقل بان حالتك ميسوره وتريد فتاه عاشت طوال حياتها خدم وحشم ومال إذا اخذت هكذا فانت مجبور بان تعيشها مثل معيشتها ...~ كما ان الفتاه تريد ان تختار شريك حياتها وتضع مواصفات كما انتم ايها رجال تضعون مواصفات تريدونها في شريكة حياتكم فالبعض منكم يطلب امور تعجيزيه ثم يقول لاتغلو المهور إذا انت تطلب من مستوى اعلى منك.فمن المؤكد سيكون مهرها اكثر لانها تعودت على ذلك النحو !! بالنسبة للمستوى التعليمي. البعض تتخوف بانها جامعيه وهو مثلا ثانوي فيطمع براتبها فكثير من الرجال هكذا فيصبح غير مسؤل عن شيء !!..~ اما عن الاصل فهذه عادات قديمه و? يمكن تغيرها ..~ |
رد : ايها البيوت المسلمة!
اخوي خل عنك اليأس وحاول تحصل وحده على مستواك ليه تنظر لفوق وانت مو قادر ليه الاحراج الان وليه تحرج نفسك في المستقبل
مد رجولك على قد لحافك ودور احد على مستواك في كل النواحي وانت ماحملت ذنوب الناس على ضهرك كلن ذنبه على جنبه وكل واحد مكتوب رزقه قبل ينولد وانشالله بتحصل اللي ترضاك زوج لها وترضاها زوجه لك بس عليك بالدعاء ولاتنسى تدعي لي :) موفق |
رد : ايها البيوت المسلمة!
والله انك صادق
الدنيا انقلبت اول عندنا كانو يبالغون في المهر والذهب ............يعني 150 تقريبا اليوم اصبح الرجال عقال يتفاخرون انهم لا ياخذون مهر لكن الحريم استخفوووو صار صحيح مافي مهر والذهب لانه غالي صار يكتفون ب 50 الف بس لكن صار عنهم بلاوي زرقاء ......................المهر ارحم منها -مطلوب كزفيره لتززين العروس وطبعا يص معها كل الال والاصدقاء الي جايين بدري فصار لازم كوفيرتين وبعد وحده ثالثه للعجز يعني 15 الف يالله تسد - مطلووب صاله ولازم صاله محترمه يعني لو انك متزوج في ايام الدراسه يبيللم على الاقل 15 الف حتى لو الاستراحه مجرد براحه .........مالي شغل اذا محد يفهم معنى براحه - لازم وواجب تجيب كوشه عشان العروسه مسكين تجلس عليها .......ليلة العمر .يعني 5-7500 هذا اذا كوشه مشي حاللك - يبيللك مصممت زفه بالفين ريال ...عشان تدرب العروسه والاطفال الي حولينهم كيف يضهر قدام الجمهور وشلون يشيلووو الورد لا ويبييللك ورد طبيعي مو صناعي ...وع ...طبيعي ب 500 ريال و 50 لسواق السياره الي بيوصله - يبيللك ثلاث او اربع حريم يصبون القهوه كل وحده 1100 ريال وحده خامسه تصلح القهوه ؟........ - يبيللك وحده مهليه توقف عند الباب ترحب بالي جا والي ما جاء ..1100 ريال - يبيللك ......عشاء بوفيه لان الحريم معاد يبووون مفطحات ...عشان السمنه ...زيعني اقرب فندق 5 ستار الوجبه 85 ريال مضروبه في 500 حرمه ....وعليك الحسبه - يبيللك ...حرمتين يمسكون وراعين خلق الله كل وحده 500 ريال \0شغالاات \) - وكله كوم وفستان الزواج كوم .....ااذ طلعت دبيبه وما جا عليها فساتين الوزواج الي توجر او دلوعه وقالت وع بياجر لي فستان فالله يعينه 10000 تفصل فستان - يبي للك طقاقه اقل شي 5000 ريال وان كان زواج اسلامي فديجيه اسلامي ب 2500 - يبيللك ليلة زواج في الفندق 5 نجوم يعني 1500 ريال و 50 للعمال الي بشيلو قشها لفوق - اذا سيارتك يعني يبيللك تاجر للك جيب عشان الروسه ما تخش في السيارات الصغيره بفستانها يعني 3500 - يبيللك دعوات كشخه وثلاث تصاميم شي للقارب وشي للصدقا وش للناس الكشخه يعني 3000 على الاقل - يبيللك علب هدايا 500 على قد المعازيم ..من محلااااات يعني 7500 - يبيللك حلاا ويبيللك معجنات ويبييللك مقبلاالات ل 500 كرش ...يعني 15000 ريال - يبللك تنتحر احسن للك من كل هالسوالف في اخر اليوم ..............يقولون للك ....مبروووك والبيت مبارك ونت تقول وش هالبركه الي بتجي من كل هالمصاريف |
رد : ايها البيوت المسلمة!
ضحكتني اضحك الله سنك يا رجل اهبل
المضحك الناس هنا دققوا على المادة فقط انا تكملت عن جميع النقاط السلبية الموجودة في المجمتع ومن بينها الشروط المادية ولله الحمد اقدر اتزوج اربع بيوم واحد بالتكاليف اللي ذكرها رجل اهبل لكن مو هذي نقطة الحوار النقاط اللي اتكلم عنها و من بينها الاعذار الغريبة من اهل البنت والا بالله هذا عذر انه الرجل معاه ثانوي و البنت جامعية يا كثر الجامعيين و الجامعيات اللي عقولهم مخفة او شايفين انفسهم بالله تنفعهم الشهادات العليا وهذي اخلاقم و افكارهم؟ |
رد : ايها البيوت المسلمة!
ولله الحمد قررت و عزمت اتزوج من احد البلدان الطيبة
|
رد : ايها البيوت المسلمة!
اللهم يسر لشباب المسلمين وارزقهم زوجات صالحات، وأنزلن سكينتك على بيوت المسلمين. آمين
"أيتها البيوت المسلمة"* |
رد : ايها البيوت المسلمة!
رجل اهبل أضحك الله سنك ههههههههههههه أيش خليت والله هذا الصحيح الله يعين اللي يتزوج .............شااااب
|
| الساعة الآن 05:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©