زواج من نوع اكشط و اربح
 

السلام عليكم ورحمة الله وبركاته
أسعد الله صباحكم بكل خير
راح ادخل بالموضوع ع طووول ، ياجماعة أنا ملكتي بإذن الله بتكون قريبة وشايلة هم جدا لان الزواج عندنا مثل مايقولون اكشط و اربح يعني هالشخص اللي راح ارتبط فيه ما شفته ولا شيء والأدهى والأمر إنه حتى بعد الملكة مافي مكالمات ولا زيارات ، وانا مو عاجبني هالوووووضع، يعني مو معقولة أكون على عماي بعد الملكة ولا اكلم خطيبي واعرف كيف اسلوبه كيف وضعه ايش يحب وايش يكره .. مدري كيف اقنع اهلي اني اكلمه بعد الملكة وواذا وفقوا اهلي كيف يقولون لخطيبي اني ابغاه يتصل علي ... مرررة محتارة ومتوترة لاني مو حابة هالنوع من الزواج :(

رد : زواج من نوع اكشط و اربح
 

الله يهديج ,,, ليش الخوف
انتي استخرتي ... وما خاب من استخار
هذا كلنا تزوجنا ماعرفنا ولاشفنا علي قولتج اكشط وربح يانصيب يأن خيبا

رد : زواج من نوع اكشط و اربح
 

ههههههههههههه
حلوه اكشط وربح
انا تزوجت كذا وقشط ...وربحت ..............

والله انها طريق غلط ولكن عادات المجتمع
وعيال اليومين ذي والله ....لك عليهم ....وينخاف من تقلباتهم
اقضبي بيتك وانتي ونصيبك ...................وحمدي ربك ....ونشا الله انكي تقشطي وتربحي

رد : زواج من نوع اكشط و اربح
 

وعليكم السلام ورحمة الله وبركاته
وش فيه زواج اكشط واربح على قولتك !
تبين الراحه وترتحين من وجع الرأس لاتكلمينه ولا شيء.
تدرين ليش لأنه حالياً ماشفت متملكين يتكلمون بشي فيه فائدة
كل واحد يتميلح ويخرط على الثاني ، والي يبي يتحكم فيك وأنتي للحين ماجيتي بيته
وآخر ماتوصلوا له ههههههه يقول نوميني ٌ( داد على غفله )
شوفي سؤالفهم بالمنتدى وأحكمي من أول حاجه يبيك تحبينه.

رد : زواج من نوع اكشط و اربح
 

والله ياقلبي. اذا تقدري تكلمي اهلك. ويسمحوا لك
كان بها ...حاولي مع امك اذا بترضا وتكلم ابوك. وشوفي رايهم
والف مبرووك. ربي يجعله الزوج الصالح لك

رد : زواج من نوع اكشط و اربح
 

الزواج عندنا مو اكشط واربح
نسأل عنة ونعرف شخصيتة دينة تعاملة نعرف اصدقاءة واهلة طلعاتة
معقولة مافية نظرة شرعية عندكم
حاولي تقنعين اهلك تكلمينة وان شاء الله يلينون ويوافقون
اذا وافقوا امك تكلم امة وتقولة اذا يبي يكلمها ماعندنا مانع ونرحب بهالشيء
والا اخوك يقولة مباشرة

ولو ماوافقوا لاتتضايقين ياما ناس ماشافوا بعض وماكلمو وتوفقوا وحبو بعض والعكس صحيح



موفقة يارب*

رد : زواج من نوع اكشط و اربح
 

لا تشيلي هم اللي يحبه واللي يكرهه

لأنك لن تقبلي بما يرى كفاية خداع

كل وحده تقول ابي اعرف وش يحب وش يكره

رد : زواج من نوع اكشط و اربح
 

اختي
اشوف قبل المكالمات فيه شيء اهم..... وهو انك تشوفيه وهو يشوفك.....مرة هذا الشيء مهم.... لو حتى صور

ماعندك اخ او عم او خال متفهم
كلميهم اشرحي لهم الوضع
الله يكتب لك مافيه خير وخيرة

رد : زواج من نوع اكشط و اربح
 

اختي الكريمة حاولي اقناع امك او اقرب شخص لك ان الرؤية الشرعية سنة نبوية و امر مطلوب جدا في الاسلام ... و خليها تشوف كلام شيخ على الرؤية الشرعية و ضرورتها مو معقولة العادات تكون مخالفة للشرع و السنة النبوية نفسها ؟؟؟ ... و بعدها على الاقل حاولي تبادل الصور معه بدون لقاء مباشر ... مع كل هذه المحاولات عليك الاكتاااااار من النوافل و السجود و الصدقات و صلاة الليل و الدعاء و التضرع و البكااااااااء بين يدي الله تعالى ... و تقي ان الله رحمان لن يردك خائبة ضعي تقتك في الله تعالى ... و بعد كل هذا مهما حدت اعلمي ان الخير في ما اختاره الله و ان الابتلاء ضرورة يعلم بها الله تعالى المؤمن من المدعي.

رد : زواج من نوع اكشط و اربح
 

هههههههههههههههه اما اللي يقول نوميني ذا تحفه على الاخر صراحه ضحكت عليه الين قمت اكح

وانا صراحه اشوف انهم يتكلمون بالعكس احسن ومنها يتألفون على بعض بس كل شي بحدود

يعني يبقون شوي سوالف لبعد الزواج