زوجتي لا تريد اطفال في السنة الاولى من زواجنا ..
 

سلام عليكم
لاني متابع لهذا المنتدى من وقت ما ملكت قبل سنتيت حبيت استشيركم بموضوع محرج شوي :o

انا تزوجت قبل شهر والحمدلله واعاني من مشكله وهي ان زوجتي تتمنع دائما عند طلبي لـ ...
بحكم انها تقول يألمني وهذا ممكن لانها توها ماتعودت ......!!!! طيب وين المشكله؟!

المشكله انها ماتبي اولاد السنه الاولى وانا مانعها من حبوب منع الحمل لاني قريت انها مضره خصوصا لوحده حديثه الزواج ولاني مابي استخدم " الكاندوم" مافيه حل الا العزل

لكن انا العزل مايرضيني لانه ينقص المتعه

فهي اذا ماعزلت تزعل مني !:(

ابي رايكم هل فيه حل ممكن يرضينا اثنينا ولا مافيه الا اني احاول اقنعها نعتمد على حساب ايام االتبويض
رغم انها عنيده ولا راح تقتنع !

اذا عندكم حلول ايه المتزوجون المخضرون اسعفوني !
للمعلوميه قريت بالنت كثير عن ذا الموضوع لكن ماوجدت حل مقنع

رد : بدون عنوان +18
 

السلام عليكم أخوي...

كم أعماركم اول شي...

و ثانيا... حبوب الحمل مب مضره بالشكل اللي الكل يتخيله إذا استعملت بالطريقه الصحيحه و تحت اشراف الطبيبه... و تقدر تاخذها اول ست شهور و بعدين توقفها...

خذوا فترة مع بعض شويه... افهموا بعض... و تعودوا على بعض... و استناسوا مع بعض...

و إذا انت ما تبي الكوندوم... و ما تبي تعزل... فلازم تسمح لها تاخذ الحبوب على الأقل ست شهور و بعدين توقفها...

و أنا اتكلم من تخصصي... اول ست شهور.... عاااااادي...

و إذا على أيام التبويض... تراها مووووووووووووووووووووووووووووووول مب مضمونه... و ما ألومها ترفض تتبعها...

رد : بدون عنوان +18
 

انا استعملت حبوب منع الحمل اول شهرين من الزواج وبس وقفتهم حملت على طول
جسم عن جسم يختلف والنسوان مو مثل بعض
خليها تستعمل حبوب خفيفة لمنع الحمل
استشيروا طبيبة نسائية احسن حل

رد : بدون عنوان +18
 

ربي يهنيكم ببعض ,,, انا اللي اعرفه ان الحبوب قبل اول حمل تسبب مشاكل ,, ولو على التنظيم الطبيعي غير مضمون ,, ( البحر خلفي والعدو امامي ) ,, وبعدين ما كل النسوان زي بعض ,, انتو امشو لدكتوره خليها تطمئن على نفسها اول وتشوف رأي الدكتوره

لا تفكرو كثير بالموضوع خلوها على الله واللي جا من الله حياه الله

رد : زوجتي لا تريد اطفال في السنة الاولى من زواجنا ..
 

استخدمت الحبوب 6 شهور قبل اول حمل

ولله الحمد حملت


وكثير سمعت انهم ما احملوا طوهم منع حمل كعلاج واول ما اقطعوها احملوا طبيعي


عموما

موضوع التبويض غير مضمون ابدا ابدا


مع الوقت هي بنفسها بتقتنع اذا عنيده اترك الموضوع

من نفسها بتقول ابي احمل

رد : زوجتي لا تريد اطفال في السنة الاولى من زواجنا ..
 

أنا أنصحك بالتريث سنتين لا تورط حالك

رد : زوجتي لا تريد اطفال في السنة الاولى من زواجنا ..
 

يعني ليه الوحده تأخذ مانع للحمل ؟؟؟؟
هذا دليل على عدم محبتها لزوجها وانعدام الثقة
وليه تزوجت أذا مابتحمل كان خلته يأخذ وحده مستعدة تجيب اولاد ولا تورط ولد الناس

رد : زوجتي لا تريد اطفال في السنة الاولى من زواجنا ..
 

زوجتك طبيعيه لكن يمكن تكون جاهله عن الموضوع وتحتاج الى توجيه منك
بالتوفيق

رد : زوجتي لا تريد اطفال في السنة الاولى من زواجنا ..
 

بالعكس زوجتك قرارها حكيم جدا
اولا هى ماتعرفك وانت ماتعرفها اصبرو شوي سنه ع الاقل بعدين انجبو حتى لو كان بينكم فترة خطوبه المحك الحقيقي للحياه هى الزواج
النقطه الثانيه انظظر للموضوع من ناحيه ايجابيه استمتعو بحياتكم اول سنه بهدوو قبل يدخلها طفل يزيد التزامكم ناحيته
الشي الاخر من قال حبوب منع الحمل مضره او حتى تسبب عقم هذا كله موكلام عملي

وديها دكتوره تسوى لها فحص كامل حتى لو عندها مشكله تفحصها من بدري وتحلها باذن الله ثم تكتب لها ع حبوب مناسبه ماتضر ابد واغلب النساء يستخدمونها وماجهم ضرر باذن الله لاكن اهم شي لازم تروح طبيبه تفحصها وتكتب لها المناسب

رد : زوجتي لا تريد اطفال في السنة الاولى من زواجنا ..
 

بارك الله لكما وبارك عليكما وجمع بينكما بخير
رأيها حلو .
أنصحكم تروقون مع بعض أول سنة والله الطفل له التزامات ويمنعكم من أشياء كثير ,,
استانسوا مع بعض الحين وبعد سنة تحمل ان شاء الله
هي من حقها تعيش معاك وتنبسط قبل المسؤولية والأطفال .
حبوب منع الحمل تؤخذ أول 6 شهور عادي .
وأنت تنازل شوي واستعمل الواقي مافي مشكلة .