انا واختي عفاف
 

السلام عليكم لو سمحتو شاركت هنا لاني اريد حل لمشكلتي وان شاءالله اجد عندكم الحل
مشكلتي لها اسبوع الان وهي انا واختي عفاف من ابوي
صارت بينا مشكله وراح اقول لكم بالتفصيل ابغى اعرف انا ظالمتها او هي ظالمتني واعذروني لو طولت عليكم بس انا بهم مايعرفه الا ربي
بدت المشكله من خطبة اختي رنا وهي اختي من امي وابوي جاها ولد عمي يبغاها وهي متررده فرفضت في البدايه فقال له ابوي خذ اختها وهي اختي(تهاني ) من ابوي وكانت تريده ولكن ولد عمي رفض لحبه وتعلقه برنا وبعد مرور كم يوم وافقت رنا على الخطبه الحمدالله وفي فتره التحاليل وجدنا ان اختي الكبرى من ابي تقول لولد عمي لاتتزوج منهن لان امهم شديده وهكذا وهذا الكلام قاله ولد عمي لخواني عصب بي الكلام الي سمعته فاكتبت بالبلاك وهن موجودات عندي مدري ليه يدخلو امي بسوالف ناس متخلفه
وانا ورنا نتكلم بالبلاك وهن ساكتات ولم يقلن شي فجات عفاف عندي بالبلاك وتسالني هل خالتي وافقت على ولد عمي قلت لها لا>>مابغى اعلمها انها وافقت
قالت سمعت انها وافقت قلت من قال لكي قالت اهل عمي قلت مدري قالت مبروك هههههه>>انا قهرتني لما اضحكت وحسيت انها مستهزئ
عديت كلامها هذا بس خليت بنت عمي تشوف كلامها هذا وان اختي مستهزئه
المهم تهاني ترسل لرنا كلام بس عشان ترفع ضغظها زي انا اكره اهل عمي و اسم زوجك يفشل وكذا المهم بعد كم يوم ارسلت صديقه لي تهنئه بالبلاك لاختي رنا على الخطوبه قمت وصورت المحادثه وحطيتها صورت عرض
قامت عفاف تضحك وتقول انتم مهايطيه والله لاحوس امكم ومن هالافاظ سكت وطنشت وقلت لاختي رنا لا تتكلمي قامت تهاني قالت لعفاف سلكي لهن ويضحكن رنا عصبت وتلفظت عليهن وانا بعد تلفظت عليهن لمهم يسبنا ونسبهن وكل هذا بالبلاك وقدام الكل اليوم الي وراه زارونا اهل عمي وقلت لهن وش صار وزودت بالكلام قلت تلفظت عليكم هم عصبو وانا هدفي والله انهم ينتبهو لاختي رنا منهن بعدين تراضينا انا وخواتي بوقت الحفله تهاوشن بنات عمي مع خواتي من ابوي وقالو ليه تتكلمو على اخوي واهلي بالبلاك عفاف قالت ماتكلمنا قالن الا اختكن قالت لنا قصدهن اناقالت عفاف هي الي تكلمت عليكم وجن عندي قلت والله تكذب انا ماتكلمت ولا شي بعدين قامت عفاف ترسل لي دعاوي وكلام وتقول راح اواجهكي فيهن قلت حتى انا بواجهكي وماهمتيني لانك كذبتي علي

والله هدفي خوفي على رنا لان عفاف ياما ظلمتني وتكلمت علي ورب الكعبه ماكذب عليكم لو اقول لكم انها تكلم شباب باسمي والله والي علمتني اخت واحد من الشباب بعد ماكشف انها عفاف وياما سرقت مني اذتني كثير وخفت تاذي رنا لان رنا تكلمت عليها هذا الي خلاني اكبر السالفه عند اهل عمي

هل انا ظلمتها او هي ظلمتني

رد : انا واختي عفاف
 

معليش بقولكم الكلام الي زودته عشان تحكمو بالعدل انا قلت كلامها فعلا الي قالته على اهل عمي زي انا قالو لي اهل عمي ان خالتي موافقه >هنا تكذب لان مالها علاقه بهل عمي لدرجه يخبروها باخبارنا وكلمة تهاني لما قالت اسمه يفشل بس زودت بكلام بسيط بس هي فعلا تكلمت عليهم بس هي لما قالت اني انا الي متكلمه على اهل عمي هنا كذبت وربي كذبت بالعكس انا فرحت لهالخبر عشان كذا انا بهم

رد : انا واختي عفاف
 

وعليكم السلام والرحمه

شوفي خيتو. لا انتي ظلمتيها ولا شيء ؛ والأمور هذه تحصل بأكثر البيوت
مادام أختك الله يهديها راعيه كذب ومكالمات وأمور شينه.
الأفضل لك و لاختك تتجنبوها ؛ واحذفيها من عندك وش تبين فيها.
ولا تأخذين وتعطين معها واضح أنها مو سويه ، ولا ترا بتكبر الأمور أكثر وماتدرين وش تنوي عليه.
وحتى بنات عمك المفروض ماتنقلين لهن الكلام ولاهن ينقلون الكلام
لأنه والله هذه فتنه ؛ لازم تحطين حد لا تسمعين لكلام خواتك ولابنات عمك.
يعني لاتسمحين لهن كل شوي وحدة تجيب لك حكي.
خلاصه كلامي خليك رسميه معاهم والله جربي وترتحين.

رد : انا واختي عفاف
 

الطريقة اللي إنت عملتيها بإختصار ،، اسمها ( نمــــــــــــــيمــــــــــــــة ) ,,
أقري في النت عن النميمة ، و عقوبة النمام ..

و خلي عقلك كبير بعد كذا في تصرفاتك مع الآخرين ..

و لا تضعي لنفسك تبريرات عن أسباب كذبك على أهل بيت عمك و نقلك لكلام خاطئ ..
و ما كان له داعي تصرفاتك و إنك تنسخي كلام أختك و تعطيه لأهل بيت عمك

لإنه كل اللي عملتيه ، بيضر أختك .. ما بيحميها ..

.
.

اقري معاي :

النمام. وهو من ينقل الحديث بين الناس على جهة الإفساد بينهم

وفي رواية لمسلم : (لا يدخل الجنة نمام )

رد : انا واختي عفاف
 

الله يسعدكسارب كلامك ريحني الله يجزاكي الجنه وربي اعلنتها توبه اتدخل بهالامور مره ثانيه لاني والله اول مره اسوي كذا وهذا الي مخليني احس بالذنب

رد : انا واختي عفاف
 

مشكور وانا عارفه ان الي سويته غلط بس والله من اذيتها لي خفت على اختي خاصه انها صغيره وهذا الي خلاني اسوي كذا ولاول مره اصير بهالتصرف بس والله وربي عالم بنيتي عشان كذا انا حسيت بالذنب غصبا عني لاني اول مره اسوي كذا

رد : انا واختي عفاف
 

عفوا لكن ليه تذكرين الأسماء ؟

ليس لدي تعليق على الموضوع

اسأل الله أن يهديني وإياك وكل مسلم للحق