منتدى عالم الأسرة والمجتمع - هل تصرفي كان صحيح ام خاطئ

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - هل تصرفي كان صحيح ام خاطئ (http://www.66n.com/forums/showthread.php?t=238067)

هل تصرفي كان صحيح ام خاطئ

السلام عليكم ورحمة الله تعالى وبركاته

إخواني اخواتي الأعزاء اعضاء منتدى الأسرة والمجتمع
عندي موضوع يقرقع في صدري واريد منكم المشورة لأنكم إخواني واخواتي اللي اثق برأيهم واعتز بمشورتهم في الحقيقة بغيت اقول الموضوع مو خاص فيني وانه لصديقة عزيزة علية لاكن والله قلبي ماطاوعني ولا عرفت اكذب عليكم والفق السالفة في انسانه مجهوله وماراح استمر وامثل عليكم ان الموضوع لصديقتي ومصيري ازلق بكلمة منا ولا منا فحبيت اقول الصدق والصراحة ان الموضوع خاص فيني انا

هذا طال عمركم والله يسلمكم كانت لي صديقة واعتبرها اعز صديقاتي واخت لي مو مجرد صديقة وبس اقول لها اشياء ماسبق وقلتها لأخواتي اللي هم من لحمي ودمي واحبها واعزها واحترمها واقدرها ولو تطلب النفس ترخص لها وهي كذلك تبادلني نفس الشعور والأحاسيس ورغم بعد المسافات بيننا إلا إنا نتواصل ببعض دائما وبشكل مستمر وحاليا هي تسكن في منطقة تبعد عن منطقتنا حدود 2000 كيلو لها هناك مقيمة تقريبا 7 سنوات لاكن لما اسافر لمنطقتي اتواصل معاها وازورها وهي تزورني وإتصالاتنا ماتنقطع عن بعض دائما نتواصل

المهم الله يسلمكم هي إمرأة متزوجة وعندها 8 بنات وزوجها وهي اسرة محافظة ولله الحمد من يوم عرفناهم وهم ناس ملتزمين ويخافون الله نحسبهم كذلك والله حسيبهم وتربيتهم لبناتهم تربية سنعة وطيبة كلها ذوق وأدب وحشمه ومحترمين جدا طبعا بناتها من وهم اطفال كان دائما يلعبون مع غولادي لما نسير على بعض او ازواجنا يطلعون مشاريع خارج منطقتنا كنا نتجمع انا وهي في بيت واحد وناكل ونشرب مع بعض لفترات تمتد لشهر وشهرين وكانوا ازواجنا يجون يأمنونا وبعدين يرجعون للكتايب اللي هم يعملون فيها خارج المنطقة طبعا من خلال جلوسنا مع بعض واختلاطنا ببعض كلن منا عرفت طبع الأخرى وزادت توطدت علاقتنا ببعضنا وحبينا بعض اكثر واكثر طبعا بنتها الكبيرة في سن ولدي الكبير بالضبط والبنت الحين ماشاء الله تبارك الله عليها كبرت وحلوت ومتفوقه في دراستها وكلها اخلاق وادب وحشمه وكمان ولدي كبر لاكن مالاحظت عليه إلامتأخر ان الولد يكبر وعنده شئ يكبر بقلبه معاه عنده شعور تجاه البنت هاذي ويفكر فيها صراحة انا على بالي صغير ومثل هالأمور ولدي مايفكر فيها واقول توه صغير لاكن فاجئني يوم جاب شهادت نجاحه يوريني هيه والحمدالله جايب مستوى طيب وممتاز وهذامن فضل الله عز وجل علينا انا بسته وباركت له ودعيت له بالتوفيق وعقبها سألته وش تريد هدية نجاحك ياولدي قال سلامتك يا امي ما اريد ولا هدية لاكن بقول لك شئ خاص بيني وبينك شلته في غرفة لحالنا وسألته قال انا ما ابغىىهدية انا بكلمك بموضوع خاص فيه قلت له تفضل قال يا امي تذكرين فلانه بنت فلان قلت ايه قال ابيك تكلمين امها وتحجزونها لي من الحين حتى اخلص دراستي واتوظف واتقدم لها اخطبها رسمي انا الصراحة افكر فيها وماراح اتزوج غير هالبنت وانا خايف احد يخطبها قبلي واهلها يوافقون ويزوجونها وانا ما ابغى غيرها وانا الحين بجتهد في دراستي وبجيب اعلى الدرجات واتوظف علشان احقق حلمي واتزوج البنت هاذي ان شاء الله
انا سكتت وقلت له خير ان شاء الله طبعا وانا مذهوله من كلامه لأن البنت اصلا سافرت من منطقتنا وعمرها تقريبا 7 سنوات وكبرت وتغطت خلاص والولد جالس يفكر فيها بالرغم من انا حتى لو زرنا اهلها في ديرتنا ولدي يجلس في بيت جده ومايروح معانا لزيارتهم انا وابوه والبنات نروح نزورهم ونرجع

طبعا انا كلمت ابوه عاد ابوه مطفوق بالمرة فرح وانبسط من ابنه وقال خلاص كلمي ام البنت واحجزيها قلت له ترى هي انسانه مو قطعت ارض ولا بيت ولا سيارة علشان احجزها له وكمان الولد توه صغير وباقي مستقبله بعيد شويه ويحتاج انه يكبر ويأمن مستقبله وبنت الناس ماني حاجزتها يمكن ولدنا لاسمح الله يكبر ويغير رأيه او يصير له شئ لاسمح الله ومانبغى نقطع على البنت نصيبها طبعا زوجي اصر على رأيه وقال لا كلمي امهاوالولد يخلص الثانوية ونتقدم للبنت رسميا خلاص انا بزوجه وبعطيه بيت وهو راح يتوظف وانا بشوف عياله ومدري ايش المهم خنبق الين قال بس على راسي وانا مصرة على رأي اني ما اكلم ام البنت فلما شافني رافضة الفكرة شفته شال الجوال ويبغى يتصل باأبو البنت ويكلمه وانا مسكته ورفضت انه يكلمه بسةمارضي الين انا اكلم ام البنت ورضخت لكلامه ورحت اتصلت على امها والله العظيم اني جلست حدود ساعة ونصف وانا اكلمها وماادري من فين ابتدي احترت وش اقول لها وكنت كلةما بفتح السالفة معاها ينربط لساني ومن هنا وهنا وفاتحتها بالموضوع طبعا هي رحبت وهلت واستبشرت خير وقالت ماراح نلاقي احسن منكم ويشرفنا نسبكم وانتي اختةعزيزة وغالية وانا عن نفسي ما ازيد على السمن إلا العسل وماعندي مانع ابدا وبكلم ابوها وارد لكم خبر طبعا هي قالت لي ان اختها كلمتها عن بنتها تريدها لولدها لاكن هي مو مرتاحة لأخلاق ولد اختها ولا لأختها وقالت لي لو فيه نصيب ماراح يكون الا لكم ان شاء الله تعالى طبعا عندنا بالجنوب البنات ينخطبون وهم يدرسون بالمتوسطة وكثير اعرفهم يتزوجون بهاذي المراحل مدري ليش هالعاده عندنا البنت ماتنجح من ثاني متوسط الا وخي مخطوبة سبحان الله النصيب

وانا لا اخفيكم والله اني احب البنت وعندي رغبة انها تكون من نصيب ولدي لاكن عقب ما يتأمن مستقبله مو وهو بهاذا السن

طبعا الحين الولد وابوه مبسوطين علشان اني كلمتها وانا ضميري يأنبني واحس اني اخطأت بهذا التصرف وصديقتي للحين ماردت عليه طبعا انا وعدتها اتصل فيها عقب يومين وباقي ما اتصلت عليها

طبعا اناعندي هنا واحد عنده السكر ومصفي ومع الفرحة بهذا الخبر إلا زاد صفى زيادة ويخطط من الحين بيفضحني من الناس يقول خلاص انا بكلم ابوها وبشتري لها طقم ذهب ونجيب لها شنطة ونشبك البنت للولد وكل واحد منهم يدرس حتى يخلص دراسته وبعدين نسوي العرس لهم طبعا الشنطة هاذي عندنا بالجنوب مشروطة يكون فيها لوازم الخطوبة والشبكة الخاصة بالعروسة

وانا الحين وضعت الموضوع بين يديكم ونوروني يابنات هل انا غلطت ولا سويت الصح احس إني بظلم البنت بهاذا التصرف

وانا في انتظاركم وانتظار مشورتكم بدون ما احدد اي عضوة لاكن ودي ان يشاركون اخواتي العضوات اللي تربطني فيهم اخوة وصداقة ومحبة قوية والله يعلم اني اثق في كلامهم اللي راح ينورني بعد الله سبحانه وتعالى

ولكم مني جزيل الشكر والعرفان