منبع الاحزان محتاجه لكم يااروع اخوان
 

السلام عليكم ورحمة الله وبركاته
مبارك عليكم الشهر الفضيل
اسمحو لي على الغياب ولكن يعلم ربي بالظروف اللي مريت بها بفترة غيابي بس مااقول الا الحمد لله على كل حال
بالنسبه لاخباري وضعي على ماهو عليه من سئ الى اسوأ ولكني صابره ومحتسبه الاجر عند رب العالمين
ماادري اذا تذكروني والا لا؟ اللي ما يعرفني اتمنى يشوف مواضيعي قبل لا يقول رايه علشان ما يهاجمني ويظلمني
بالفتره الاخيره تعرفت على شخص بالسفر يعني صار لنا اسبوعين فقط هو من دوله خليجيه مجاوره وهو طلبني للزواج يبغاني اتطلق ويتقدم لي وانا شرحت له كل ظروفي بالتفصيل ومن بعدها صمم اكثر على الزواج مني وهو متمسك فيني واااجد وهو انسان ماعليه قصور ملتزم ومثقف ومحترم وحتى التدخين ما يدخن وحالته الماديه اكثر من ممتازه بس انه متزوج من بنت عمه وعنده عيال وهو اصغر مني بثلاث سنوات وانا طبعا رفضت لان مثل ماتدرون ان ابوي مايرضى بنته تتطلق ولو كنت بتطلق كان تطلقت من زمان مو الحين بعد ما كبرت وعيالي كبرو
هو يقول بخليك على راحتك وعيالك ما بمنعك ومنهم ومابقصر عليهم واذا ماتبين تجين ديرتي انا اجيك
واللي تامرين فيه انا حاضر و الحين هو طلب مني افكر بالموضوع وارد عليه
بس انا قلت له مستحيل اوافق على طلبك عشا ن ابوي يرفض اني اتطلق وعشان مااهدم بيتك وانت حياتك مستقره مع بنت عمك وعندك منها عيال ومرتاح معها وماابي ابني سعادتي على تعاسة غيري وعشان عيالي بس هو ملزم وقال لاتقررين الحين فكري وردي علي
وانا محتاااره ومادري شنو ارد عليه بس عقلي يقول لي لالالالا مستحيل وحتى لو انا متاكده انه سعادتي مع هالشخص وانا مستكثره هالشخص علي بصراحه لاني ماتعودت السعاده بحياتي ابد وانا اشوفه مصدر سعادتي عشان كذا دايم اقوله مستحيل اوافق على طلبك
وبما انكم كنتو معي نعم الاخوان واقرب لي من اهلي ماقدرت اقرر هالقرار المصيري بدون مااستشيركم
في انتظار رايكم يااروع اخوان
ومشكورين مقدما والله يجزيكم خير

رد : منبع الاحزان محتاجه لكم يااروع اخوان
 

رد : منبع الاحزان محتاجه لكم يااروع اخوان
 

اللهم امين
اي اختي انا متاكده منه لانه رزين وواعي ونيته فعلا زواج
مشكوره اختي على ردك وان شاء الله في ميزان حسناتك يارب

رد : منبع الاحزان محتاجه لكم يااروع اخوان
 

رد : منبع الاحزان محتاجه لكم يااروع اخوان
 

صابرة ومحتسبة الأجر عند رب العالمين !!
وتعرفتي على شخص !!

لا تجتمع السيئة والحسنة

هناك تناقض في كلامك وأعتقد أن حياتك كذلك
إذاً أقول أنكِ لا تستحقي أن تكوني زوجه وأم لإطفال
لأن من تبيع شرفها لا تستحق الوجود


((كلامي سيحذف لأنه بعيد عن المجاملة))

رد : منبع الاحزان محتاجه لكم يااروع اخوان
 

اختي اوراق ملونه عيالي هم اللي يطلبو مني اتطلق واتزوج ومن زمان بس انا اللي رافضه
اما بالنسبه لزوجي فهو لحين على ماهو عليه حتى الصيام ما يصوم ياكل وقدام عياله والخدم

رد : منبع الاحزان محتاجه لكم يااروع اخوان
 

اختي الفاضله

كل رمضان وانتي بخير واسال الله ان يجعلكي من صوامه وقوامه

القاعده تقول ..................مابني على باطل فهو باطل

انتى على ذمت رجل فلا يحق لكي .......التفكير في غير الا اذا تطلقتي ........

هذا الرجل ........اسال الله له الدايه ................فالمفروض ان يظمر ما في نفسه حتى تتطلقي ثم يبدا في موضوعه

في رايي ................حبا في الله ...وحبا في ابوكي ...وحبا ..في اولادكي
ولكي لا تستحي من الله عندما ترفعين يديكي تدعينه ............................اسعي في طلاقك فان تم .......فسيعوضكي الله بهذا الرجل او غيره

لكن لخبطة الاوراق ........حرام ...ولن تاتي بخير

رد : منبع الاحزان محتاجه لكم يااروع اخوان
 

زائر فقط
انا علاقتي فيه كلها احترام وادب ولو ما كانت كذا ما طلبني للزواج
واذا ما كنت تعرف ظروفي لاتحكم علي ياخوي الفاضل
مشكور وجزاك الله خير

رد : منبع الاحزان محتاجه لكم يااروع اخوان
 

اختي

حتى لو اكل قدام عياله وماصام
فليس اسواء من فرعون .......................فلا تكوني اقل من اسيا عليها السلام
اصبري وقولي رب ابن لي عندك بيت في الجنه ونجني من هذا الي مايصوم وعمله ...

رد : منبع الاحزان محتاجه لكم يااروع اخوان
 

رجل اهبل
مشكلتي اني مااقدر اواجه ابوي واقوله ابي اتطلق لاني مااقدر اعارضه تعودت اطيعه بكل شي وبدون ماافكر واخاف لو لمحت له بس يصير فيه شي واكون انا السبب ساعتها ما بسامح نفسي ابد
مشكور اخوي على ردك والله يجزيك خير