|
اخواتي واخواني هل الطلاق مخيف
هلا بنات اتمنى الجميع يعطيني رايه وخصوصا الاخت الفاضلة الحكيمة سيدة الموقف
سبق وكتبت موضوع لي في قسم ساعدني والاخ متفائل ما قصر معي الله يجزيه كل خير هل الطلاق مخيف ناوية اطلب الطلاق لكني خايفة اندم وافكر شو راح يصير بعد الطلاق هل راح ياخذ الاولاد مني او راح يعطني الاولاد وهل راح يصرف علينا اولا خصوصا اني انا علاقتي باهلي جدا رسمية وابوي قالي اذا ناوية تطلقي اطلقي لكن لا تجيبي الاولاد معاك واخوي قالي حياك الله لكن كم راح يستحملني اخوي شهر سنة وبعدين راح يمل مني وهو عنده بعد مسوؤليات وخايفة اظلم الاولاد بطلبي الطلاق منه مع اني حاولت وصبرت واعطيته فرصة للتغير ولكن كله على الفاضي المشكلة ما فيه عندي شهادة جامعية ابوي دخلني قسم شريعة سنة وما توفقت فيه كان اصول الدين والحديث صعب علي وانا كان نفسي بدراسة المحاماة ولانه من قوانين ابوي اني فاشلة وما راح انجح طلعني من الجماعة وما اعطاني فرصة ثانية اظطريت بعدها اخذ دورات كمبيوتر وسكرتارية واشتغلت فترة سنتين وبعدين تنيلت قصدي تزوجت كانت ساعة باطلة ومحولة لما وافقت عليه لو يرجع فيني الزمن ما اتزوج الا في عمر 36 اكون ناضجه وفاهمة الحياة وعندي خبرة وماخذه دورات واقل مشاكلي مع الزوج ولكن اكيد هناك فيه حكمة من الله كنت ادعي الله انه يرزقني الزوج الصالح بس علشان اطلع من عند اهلي من سؤ معاملتهم من قسوة وضرب واهانة وسب ولعن ودعاوي من امي وابي بعدم التوفيق ما فيه اي سبب غير انه احنا ضحايا مجتمع متخلف واباء جهلة الله يسامح ابائنا يجبرونا على اشياء نعملها بس علشان نخلص من معاملتهم القاسية والشديدة اظطريت اوافق عليه سؤالي خصوصا للمطلقات هل تنصحوني بالطلاق او الصبر عليه لاني صرت افكر بخيانته لانه هاجرني بالفراش من شهور |
رد : اخواتي واخواني هل الطلاق مخيف
اجبت لكم موضوعي من قسم ساعدني اللي كتبته من فترة
لسلام عليكم ورحمة الله وبركاته من اين ابدء من البداية او النهاية انسانة محطمة 35 سنة قصتي بختصار متزوجة منذ سنين لا اذكر نشات في اسرة قاسية جدا وانحرمت من الحب والحنان فقد كان ابي وامي لغة التفاهم لديهم الضرب والصراخ والسب والشتم واللعن افقدوني الثقة بنفسي فلا اقدر على اتخاذ قرار سليم في حياتي درست سنة اولى جامعة ثم خرجت من الجامعة بسبب ظروف وبعدها اخذت دورات واشتغلت ابي استمر في قساوته علي وضربه لي على اتفه سبب عقدني لدرجة انني اصابتني حالة نفسية منه ومن معاملة امي السيئة لن تصدق اذا قلت لك انني كنت استلم الراتب واعطيه له كاملا ولا يعطيني ريال واحد منه غير الضرب والمذلة والاهانة يفتقدون للرحمة لا ادري اي قلب لديهم استعنت بالله وكنت اقوم الليل وادعي الله ان يرزقني بزوج صالح وبعد شهر جاء عريس الهم والبلاء ولكنه بالنسبه لي عريس لقطة لانني سوف اتخلص من عذابي عند اهلي ومعاملتهم السيئة والصعبة كنت احلم برجل وسيم وطويل وشخصية ومركز لكن الذي تقدم لي عكس كل الصفات التي كنت احلم بها اظطريت اوافق عليه غصب عني واوهمته انني احبه ومقتنعه به لكي يتم الزواج باسرع وقت ممكن وقلت له سوف ابيع ذهبي من اول يوم لكي تسدد ديونك كان مهري 25 الف فقط مع العرس وكل شي وفعلا تزوجت في يوم عرسي طلبت من والدي ان ياخذني للصالون ونحن في السيارة قال لي انت لن تستمري مع هذا الزوج وسوف تطلقين من ثالث يوم اي اب هذا لا رحمة لا شفقة لا اسلوب ولا حنان ليته ميت لكان ارحم لي من هذا العذاب بعض الاباء يكونون عذاب وبلاء على اطفالهم قضيت 23 سنة معاه بالقهر والضرب والاهانه والسب والشتم لم اعرف حنان الاب ولا رحمة الام وافقت على اول عريس الذي هو زوجي الان اسئل الله ان يخلصني منه بدون طلاق امين صحيح كان لي بيت لوحدي وحرية في البيت تنام وقت ما تشاء وتجلس وقت ما تشاء لكنني لم اكن احبه صفاته كريم نوعا ما على اولاده ويحبهم ويشتري لي اغراض البيت من اكل وشرب فقط يشهد الله انني قائمة بكل حقوقه وواجباته كاملة بدون تقصير يوميا البيت نظيف ومرتب فواحات في البيت الفطور والغدا والعشا جاهز ملابسه مرتبه ومكوية اطفاله نائمين والبيت هدوء ومريح انا دائما نظيفة ومرتبه ويوميا اتحمم ولوشن وعطر وبخور اصل رحمه واقوم بواجب الضيافة لاخواته واقاربه جلست امه عندي سنتين وانا يوميا احممها وفطورها وغداها وعشاها جاهز وفي وقته واعطيها الدواء في مواعيده واحني شعرها واكوي ملابسها وانظف غرفتها يشهد الله لم اقصر معها بشي وبعد الزواج منعني من الصديقات والجارات والعمل والسفر والخياط والصالون الغى شخصيتي تماما وانا سمعها وطاعة حاضر سيدي وامرك اعترف لم اكن احبه وتزوجته غصب عني ولكني امنت بان هذا اختيار الله لي ونصيبي من الدنيا ويجب ان اتقبله بكل عيوبه زوجي انسان حقود ولئيم لا يسامح اخطائي والاخطاء اللتي ارتكبها بسببه هو من اول ما تزوجنا حرمني من الطلعة والفلوس صرت اخذ فلوس من محفظته وهو يعلم انني اخذ الفلوس من محفظته لكن ياخي ماذا افعل هل اذهب الى الحرام واجيب الفلوس ام اخذ من محفظته بدون يدري لاني لو اطلب درهم واحد يحاسبني عليه لم اسئل عن دينه ولا خلقه كان همي ان اخرج من بيت ابي واخلص من معناتي معاه وسوء معاملتي وخصوصا اني شخصية جدا حساسة انفر منه ولا يوجد تناغم بيننا ولكنني حاولت ان اتقبله وان ارضى في نصيبي وعرفت ان الله سوف يعوضني وان كل البيوت لا تبنى على الحب ومشت حياتي معاه بالصبر والدعاء والتقرب له وعمل الاصناف من الاكل والتفنن بتغير الديكور ماذا يريد هذا الرجل الاحمق لا اعرف يا سيدي عندما تزوجته منعني من كل شي من الشغل والجارات والصديقات والطلعات والفلوس مع انه مقتدر ولانه صدمني كنت اروح السوبرماركت من وراه واشتري كل شي نفسي فيه واخذ مبلغ قليل من محفظته ولكنه يعتبرني سارقة بعت له ذهبي بعد يوم العرس تخليت عن شخصيتي وطمسها نهائيا زاد وزني قليلا بسبب الحمل والولادة والرضاعة انجبت له ااولاد يفتخر فيهم امام الجميع سنين وانا محرومه من السفريات كباقي النساء سنين وانا محرومة من الصالونات كباقي النساء لا يعطيني مصروف لي ولاولادي يخرجني مرة في الاسبوع انا واولادي ونشتري اغراض البيت الضرورية وكان الحياة فقط اكل وشرب المراءة تاكل وتشرب في بيت زوجها ينام 3 ايام متواصلة خارج البيت ولا يفكر ان يتصل يتطمن على اولاده لماذا يجبر الرجل الزوجة على عمل امور لا تريدها وكان مكافاة نهاية الخدمة خيانة بشعه ولا اعرف اذا متزوجها او لا اخي الكريم الا تعتبر انه رجل احمق ومستهتر ووقح متغرب وعليه ديون واقساط مدارس وعنده اكتئاب طيب الاكتئاب له علاج الصلاة بوقتها الاسترخاء الرياضة ترفه هرمون الصلاة لماذا الوناسة والدلع والضحك للخبيثة ونحن اهل بيته الوجه العابس والتذمر والشكوى لماذا لا يرضى فيني وبعيوبي مثلما انا راضيه بعيوبه وبخاياناته عصبي مزاجي يقلل من شاني امام الجميع لا يتحمم اذا رجع من شغله لا يفرشي اسنانه يخونني من 3 سنوات ومسكت عليه ادله قوية ولكنه انكر وقلب الموضوع علي واتوقع انه بعد الخيانة تزوجها اكثر من مرة يضرب يتركني من 3 سنوات كل اسبوع ويسافر لها يومين ويتركنا بدون مصروف اظطر ان اخذ فلوس من محفظته بدون علمه ولكنه يدري وساكت ولكني توقفت عن هذا الامر وقلت له ان يترك لنا مبلغ احتياطي للبيت ولكنه يترك 100 ريال فقط او 50 وكانه يصرف على اولاد شارع وليس اولاده يهجرني من سنة كاملة بالفراش مع انني يوميا جاهزة له واغير بالملابس والمكياج والشعر وحاولت من تغير شخصيتي وتطوير ذاتي لا يرغب فيني اخذ قرض نص مليون واضاعه كاملا بدون ان نستفيد منه وما زلنا نتجرع الديون راتبه من 6 شهور لم ينزل ونعيش على بطاقات الائتمان لا يصلي واذا صلى الصبح بعد ان تطلع الشمس يسهر يوميا خارج المنزل للاعة اربعة الفجر اخر كلام تم بيني وبينه عندما حدث نقاش عقيم ككل مرة قلت له انني سوف ابقى هنا مع اطفالي في البيت ولا يربطني فيك غير الاحترام فقط واقوم بجميع حقوقه الا الفراش بسبب عدم رغبته فيني وهجره لي منذ فتره طويلة ويقول لي دائما انا صابر عليك من اجل الاطفال فقط هل ظلمت نفسي بهذا الزواج وهل سوف يحاسبني الله على ما فعلت انا حاليا لا استطيع طلب الطلاق بسبب وجود اطفال لا ذنب لهم ولا اريد العودة عند ابي ولا يريد اعطائي حقوقي كامله ماذا افعل الشيطان اصبح يوسوس لي بالحرام استغفر الله عندي سؤال هل عندما يذهب للخبيثة ويعطيها حقها بالفراش الا يفكر بزوجته اليس لها حق بالفراش ايضا |
رد : اخواتي واخواني هل الطلاق مخيف
بنات ما عندي همه للعبادة ولا طاقة استنفذت كل طاقتي بمشكلتي مع زوجي
يادوب اصلي الصلوات الخمس واقرء صفحتين من القران واستغفر وانا شغاله بالمطبخ حاسة حيلي مهدود من مشاكلي معاه الغريب انه اذا صار اي نقاش معاه يقلب الكلام علي ويجلس يذكرني باخطائي من 14 سنة علشان يغطي على عيوبه انسان اناني ومغرور ومتكبر ومتغرطس وشايف حاله تقبلته بكل عيوبه وبلاويه وحاولت اشتغل على الوازع الديني له واتعمد احط محاضرات وهو في الحمام وانا في المطبخ علشان يسمعها واشتري كتب واحطهم بالعماده جنبه علشان يقرئهم وادعي له بالهداية واتكلم معاه بموضوع الصلاة والتقصير لكنه معتبرني عدوته مو زوجه انسان متخلف ما عنده ثقافة ولا يعرف حقوق الزوجه ولا يعرف احتياجات المراءة ولا يفهم نفسية الزوجة وانها تمر بمرحلة نفسية كل شهر وفترات الولادة والحمل اكثر من مرة اقوله بدل لا تجلس بالساعات على النت في شغلك على افلام احرام والاغاني والافلام المصرية افتح اقرء عن احتياجات الزوجة وفهم نفسية الزوجة وطريقة تفكير الزوجة انسان ما يسمع غير نفسه ومصر يذكرني في الماضي اللي انتهى من زمان يعاملني كاني ملائكة مو بشر واني لازم اطبق قاعدة لا ارى لا اسمع لا اتكلم واكثر من مرة قلت له انت ما يناسبك شخصية ضعيفة مثل شخصيتي انت يناسبك الشخصية القوية اللي تطالب بحقوقها بالقوة وما تتنازل تخيلوا كل شهر يشتري موبايل وبيته ما يترك فيه ريال واحد والله اجلس ادور الريال علشان اشتري علبة لبن ما فيه عنده عشرة موبايلات ومية رقم مو عارف كيف افسر حالته وشخصيته انسان حقود ولئيم وما ينسى ولا يغفر الزلات امي مرة قالت كلمة من 14 سنة ولين اليوم يقولي امك كانت تقول عني كذا وكذا والله ما اسامحها اي رجل احمق هذا هذا من فئة الذكور وليس الرجال |
رد : اخواتي واخواني هل الطلاق مخيف
حسبي الله ونعم الوكيل فيه الله يخلص حقي منه يا عظيم لاتقولوا لي لا تدعي عليه
تخيلوا صارلي سنة اقوله اعطيني فلوس اشتري عباية وجلابيات للبيت وصارلي 5 شهور اقوله اعطيني فلوس نشتري بنطلونات للاولاد صارت ضيقة عليهم ومن يومين اقوله قبل العيد جهزلي 2000 علشان اشتري عباية وملابس لي ولاولادي وقام يصرخ علي وقلب الموضوع وقالي اللي معاي راح اعطيكم اياه وامس تخيلوا رايح مشتري تليفون ب1900 مو قهر والله اني ميته قهر واليوم شكله راح عند الخبيثة لانه ما فطر معنا شكلها عازمته على طاجن مغربي الله يشغلها بحالها خطافة الرجال قصدي الذكور اتصل من الساعة 1 الظهر قال انه معزوم على الفطور ولسه ما جاء اكيد معاها الله يخلص حقنا منه يا عظيم واخر نقاش بيني وبينه قلت له الاسبوع الجاي خذ اولادك معك لما تغيب يومين كاملين عن البيت اقصد ياخذهم معاه عند الخبيثة طبعا عصب ورفض وقالي ما دام هذا البيت مفتوح اولادي يبقوا فيه عايشين واذا مو عاجبك الوضع من بكرة احجزلك بيت اهلك تسافري عندهم لاني في بلد قريب منهم بنات انا عندي اكثر من خيار اما اخبر اخته الكبيرة وخصوصا انها توقف مع الحق وتحبني ودائما تدافع عني امامه او اطلب منه يروح المحكمة ويطلقني وابقى انا مع الاولاد في البيت اللي هو مستاجره لنا ويعطيني مصروفنا كل اسبوع او كل شهر او الخيار الثالث اقوله خذ ملابسك واطلع برة البيت وما ودي اشوف وجهك وخليك عند الخبيثة عيش عندها خصوصا انها صاحبة صالون وعندها خير فيه خيار رابع لكن هذا مستحيل يصير لانه عنيد ومغرور ومتكبر وهو اطلب منه يروح عند استشاري اسري ويجمعنا احنا الاثنين ونبدء صفحة جديدة وينسى الماضي كله لكن انا متاكدة مليون بالمية ماراح يوافق لانه عنيد وما يسمع غير حاله بنات شو اعمل انا نفسيتي تعبانة خلاص ما بدي اكمل الحياة معاه وانا مقتنعه مية بالمية بقراراي هذا لكني خايفة بعد الطلاق شو راح يصير |
رد : اخواتي واخواني هل الطلاق مخيف
الله يفرج همك كلمي اخته وتشاوري معها في الموضوع وادعي ربك وانت باختبار من الله انتبهي لاتفقدين فيه الامل
|
رد : اخواتي واخواني هل الطلاق مخيف
|
رد : اخواتي واخواني هل الطلاق مخيف
اقتباس:
|
رد : اخواتي واخواني هل الطلاق مخيف
:* |
رد : اخواتي واخواني هل الطلاق مخيف
هلا عزيزتي
كل كلمة قلتيها صحيحة انا خايفة اني ظلمت زوجي بزواجي منه بسبب اهلي بس علشان اطلع من عندهم تعتقدي الله راح يحاسبني لكني عاملته بما يرضى الله وما قصرت معاه ولا في اي حق سواء خدمة او تنظيف بيت او تربية اطفال او حقوق شرعية تخيلي انت ماخذه واحد مو طايقته ومع هذا كنت يوميا اعطيه حقه الشرعي كل ليلة بعد ما اخلص شغل البيت اروح احضر العشا واروح الحمام شاور ولوشن وعطر وبخور ولبس حلو اشكال والوان عزيزتي بغض النظر عن اني ما كنت متحملته واني تزوجته غصب عني لا تنسى البيت اللي تربيت فيه ما فيه حب ولا حنان ولا رحمة ولا عطف ولا ام مثقفة تفهمني الحقوق اللي لي وعلي ولا اب رحيم وبعدين ما عندي من الخبرات ولا المواقف اللي واجهتني وخلت عندي مناعة وقوة وخبرة وحنكة وثقافة بالزواج كان تفكيري محدود ويا دوب الله يعين وبعدين احنا تربينا في بيئة محافظة وكل شي ممنوع حتى الجارات ما كانوا اهلي يسمحوا لنا نروح عندهم يعني بغض النظر عن المشاكل اللي تعرضت لها وعملتها في اول زواجي ابقى في الاخير انا بشر مو ملائكة والله هو الوحيد اللي يسالني ويحاسبني على اخطائي مو هو هو يقولي انت اللي مخرب عليك عقلك ولسانك طبعا علشان تسكتي على عيوبه وبلاويه راح اجاوب على كل اسئلتك باذن الله |
رد : اخواتي واخواني هل الطلاق مخيف
ما شاء الله سيدة الموقف كفت و وفت
و رأي من رأيها وعندي شئ بضيفه يمكن زوجك مسحور من الحرمه اللي تتكلمي عنها والله اني أعرف صديقة لي تقول ان اخوها يسافر للمغرب ومتعرف على وحده ويبغى يتزوجها وتضيف ان اخوها يقول ساحره في الجمال وهو رجال كبير مزوج أكبر اولاده اخر مره تقول راح سافر وله 3 شهور مايدورن عنه شي حتى جواله مقفل |
| الساعة الآن 12:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©