السلام عليكم ورحمة الله وبركاته
كنت عايزة اسال حضراتكم على حاجة محيرانى قوى والناس بيخوفونى منها
خطيبى كان جايبلى قطة فى عيد ميلادى
هى من النوع الكويس وبحميها علطول ومطعماها عشان الامراض
بس الناس بيخوفونى منها علشان موضوع المرض بتاعهم والانجاب
بس انا اعرف بنات عندهم القطط بتاعتهم وبلدى كمان وجابوا اولاد
وناس تانية بتخاف من القطط اصلا ومش بتقرب منهم ومع ذلك ربنا مكرمهمش ولا جابوا اولاد
مرات ابن خالتى عندها قطة وبتنام كمان فى حضنها ومعاها ولد ماشاء الله هى متجوزة من سنتين
لكن خالتى بتخاف من القطط ومش بتحبهم ومع ذلك مش انجبت
فانا بصراحة خايفة من الموضوع ده ومش عارفة اعمل ايه
والمشكلة انى مش ينفع ارميها عشان بحبها ومتعلقة بيها جامد وعشان كمان خطيبى اللى جايبها
ياريت طمنونى بالله عليكم