الزواج والتدخين ؟
 

السلام عليكم ورحمة الله وبركاته

اول شي مبارك عليكم الشهر وكل عام وانتوا بخير
اشحالكم اعضاء منتدى الاسره والمجتمع
اناا عندي مشكله والي هي انا الحمدلله تقدم لي واحد من اسره محترمه واهله طيبين واهلي قالوا حقي بنسئل عنه واذا طلع رجال كفوا وافقي ولا ترفضين بس فيه عيب والي هو التدخين ...
اناا ماعرف شي عن حياة المدخنين لان محد من اهلي او اقاربي يدخن الحمدلله
اباكم تجاوبوني على اسئلتي و لا تبخلون علي بنصايحكم وتجاربكم
الرجال ينرفض بسبب انه يدخن ؟ والي يدخنون معرفوا بانهم مصاحبين ناس مب زينه او لهم صحبه مخربتنهم او ماله دخل ؟ وهل التدخين بياثر على صحة عيالي وحتى تربيتهم في المستقبل ؟ واخر سؤال ادري يمكن مبالغ فيه بس ابا اتاكد اذا الرجال طلع زين بس عيبه التدخين اقدر اشرط انه مايدخل في البيت عندي يدخن برع ولا ماله داعي !

رد : الزواج والتدخين ؟
 

وعليكم السلام
على حسب اذا انت تتقبلين ريحة الدخان اولا
وهل راح يدخن عندك وبالسياره
وهل راح يدخن بالبيت او بيطلع برا
لان التدخين في البيت مزعج ويقلب ريحة البيت دخان ولاتروح خاصه اذا كان صغير وفرش مو رخام او مودرن
على حسب شخصيته اذا هو يشوف الزواج طرفين وراح يحترم الطرف الاخر فاتوقع عادي لوكان مدخن
ولكن اذا كان من النوع اللي يشوف انه يصرف عليك وانت مجرد تابعه فما انصح .

الله يوفقك الى مايحب ويرضى

رد : الزواج والتدخين ؟
 

عادي الانسان المدخن مثل غيرة
انا عندي اخوان مدخنين واخوان غير مدخنين
اخلاقاً وصلاة مافية فرق والحمدلله محافظين وهم يدخنون
عادي تشرطين عليه لو بغيتي بالنسبة لنا ماقد شفنا اخوي يدخن ابد
لابغا يدخن يطلع برا البيت بالحوش وحتى بالسيارة مايدخن بس فيه ناس يدخنون واهلهم معهم
استخيري واسألو عنه كويس
موفقة يارب

رد : الزواج والتدخين ؟
 

انا وافقت على زوجي مع علمي انه مدخن لكنه انسان محترم وماقد دخن قدامي ومايدخن فالبيت ويحاول اني ماشم منه ريحه الدخان اول مايدخل يستحم ويفرش ودايم يقول ادعي لي والله اكره ونفسي اتركه والله حاولت ودايم انصحه بس ماادري ليش حاط فباله انه صعب يتركه فيااختي قرارك يعتمد على شخصيه زوجك حاولي تسألو عنه اكثر وتتاكدو من صلاته اذا تمام استخير وفوضي امرك لله واطلبيه يكتبلك الخير

رد : الزواج والتدخين ؟
 

وعليكم السلام ورحمة الله وبركاته
اهلا بك اختي الفاضله ,, تقبل الله منا ومنكم صالح الأعمال
اسمحيلي بهذه المداخله البسيطه

لا اعتقد ان التدخين سبب لمنع تكوين اسره مسلمه , الدخان معصيه وانا اعتبره وبآء , وكم من شخص مدخن دينه وخلقه افضل بعشرات المرات من شخص لايدخن , اقول لك هذا الكلام بحكم معاشرتي
للرجال واوضح هنا نقطه معينه انا لا انصح ولا اقلل من مصيبة التدخين فهو مصيبه ووباء ليس فيه
من الخير مثقال ذرة
أسأل الله سبحانه وتعالى بهذا الشهر الفضيل وبهذه الساعه المباركة ان يبعد شبابنا وشباب المسلمين عن هذه العاده السيئة

؟من وجهة نظري نعم يؤثر على تربية الأبناء ومستقبلهم اما الصحه حقيقة انا لا اعلم عنها شي
اما تربية الأولاد ومستقبلهم اعتقد انه مؤثر وانا من وجهة نظري ان اغلب الآباء المدخنين
لابد ان نجد ان ابنآئه يوجد بهم مدخنين والسبب بنظري تقليد لوالدهم او تهاون الأب بهذه الآفه
وعدم حرصه على ابنائه بعدم تعاطيها لأنه وبكل بساطه لايستطيع ان ينهاهم عن شي هو يفعله !!

اختي الفاضله تقدري تشرطي عليه يبطل الدخان عايدي هذا الشرط يكتب بعقد القران وليس هناك مشكله
على فكرة انا اعرف شباب من الزملاء كانوا مدخنين بشكل فضيع جدا وللأمانه هم إثنين
بعد ماتزوجوا واحد منهم بطل التدخين من اول اسبوع من زواجه والثاني تقريبا بعد شهر بطل
اعتقد هذا بفضل الله ثم بفضل زوجاتهم يعني انتي وشطارتك اختي الفاضله

وفقني ووفقكم الله

رد : الزواج والتدخين ؟
 

أبحثي عن عيوب وسلبيات التدخين وشوفي اذا تتقبلينها
مثلاً
بالنسبة للاشياء البسيطة
رائحة منتنة في الفم مهما تفرش
صفار الاسنان
رائحة الدخان في البيت والملابس _ مهما تعطر بالعكس مع العطر يصير كوكتيل
أذكر خالي كل ثيابة مخرمه , بسبب تساقط ذرات الدخان المحترق

المشاكل الأكثر أهمية
غالباً بيكون عنده مشاكل في التنفس والصدر
في مرحلة من المراحل يؤثر على الناحية الجنسية
يؤثر على الأبناء , أقصد الأجنة
وغير ذلك
وانا عندي قناعة أن الانسان مايوصل للتدخين وهو شخص متدين او متحفظ , بالتأكيد أنه ماتقبل الدخان الا وهو متقبل أشياء قبلها
مثل المرأة اللي تمشي سافرة تماماً , نقدر نقول لا عادي تراها مطوعة بس سافرة ؟
يعني لاتنسن إن الدخان حرام
وإياك أن تقبليه على اساس انك تغيريه , لأنك لو بنيتي حياتك على هالإفتراضة وماتحقق ممكن تصير مشاكل كثيرة , زوجك ماله ذنب فيها , لانه كان واضح معك من البداية
عموماً إنتي شوفي وضعك ايضاَ وشوفي فرص الزواج عندك وعمرك وغير ذلك , واحسبيها بطريقه عملية
لكن إذ فيه فرصة يتقدمك شخص مشابه له في الصفات أو أفضل وغير مدخن , طبعا إرفضه
ولا تاخذين قرارك بناء على اراء الغير , يظل فيه إختلاف في المجتمعات وكل ثقافه مستمده من مجتمعها
يعني ببساطة بعض المجتمعات ممكن يجيك متدين ويدخن :-)
عندنا بالسعودية , مستحيل هالشيء
لذلك نعطي هالتصنيفات
ومن لهجتك حسيتك مو سعودية
موفقة

رد : الزواج والتدخين ؟
 

رد : الزواج والتدخين ؟
 

حبيبتي أنا كتير حاسة فيكي لأنه خطيبي يدخن وبالأولا كتير كنت خايفة ومنزعجة من هاد الموضوع بس بعد ما عرفت خطيبي منيح وحكيت معاه عرفت إنه وهو ما حبب يدخن وبيقولي إنت بتساعدني بعد الزواج أبطله وبس نستقر ما رح يشغلني شي غير البيت وولادنا فحبيبتي أنصحك كوني صريحة وإحكيلو عن تخوفك والله يوفقك يا رب

رد : الزواج والتدخين ؟
 

اسألي نفسج... بتقدرين تعيشين مع مدخن او لا؟

تدخينه كيف؟ مدخن شره و بتاع مزاج يعني؟... في ناس يدخنون كم باكيت في اليوم.. و في ناس يعني 2-4 كفاية عليهم في اليوم....

بس اعرفي شي واحد... التغيير صعب صعب صعب... الرجل واضح و صريح و قال انه يدخن.... هل يرفض الرجل لهذا؟ نعم في بعض الأحيان يرفض... انا ارفض الرجل المدخن إذا ما ابدى استعداد انه ناوي يترك... لأني ما عندي استعداد اعيش مع مدخن من ناحية الرائحه و كل شي... و ما ابي ادخل في معركه اترك التدخين و علشان خاطري و علشان صحتك... فآخذها من قصيرها مثل ما يقولون و ارفض...

إذا التدخين عندج مشكلة.. اسإليه...
- كم سيجاره في اليوم؟ (و اطلبي الوضوح في الموضوع... و هالشي ما فيه مستحى لأنه زواااج و انا بصراحه اسأل هالأسئله لأني أنا اللي راح اعيش مع الشخص فلازم أقدر كيف راح تكون الحياه معاه...)
2- من متى تدخن؟
3-هل تدخن داخل البيت؟ او بس برع البيت؟
4- عند نية تترك التدخين و ارجو الإجابة الصريحه؟ (اللي يلف و يدور اعرفيه انه ما راح يتركه)
5-هل حاولت قبل انك تترك التدخين و شو اطول مدة قضيتها بدون تدخين؟

رد : الزواج والتدخين ؟
 

و نقطه ثانيه... اللي يقول لج انتي بتساعديني و بتخليني اترك التدخين... هالكلام مجرد فرضيااااات... جاوبيه ابدأ بالتقليل من الحين إلى وقت عقد القران... على أساس وقت العقد يكون خفف إلى ربع الكمية اللي يدخنها.. و في فترة العقد إلى موعد الزواج يتركه تماما...