|
طلبات الخطيبه بين الخطا والصواب ؟
سلام عليكم ورحمة الله وبركاته
اخواني انا حاب اتكلم معكم عن طلبات خطيبتك مثل جوال او لاب توب او اي شي تطلبه خطيبتك وكيف تعرف ان الدلع هذا في صالحك او ليس في صالحك ومتى تقول ان طلبتها كثيره وعن بعض الشغلات اللي تحس ان مالك راي فيها يعني خطيبتك تقول ابي لون الغرفه كذا وابي الاثاث كذا وابي مجلس كذا وانت ساكت ما تدري وش تسوي ومن جهة اخرى تحس لما انك تكلمها عن شي من حقك ماتحب تتكلم فيه مثل تنظيف البيت والطبخ وزيارة اهلك وحتى عن بعض التلمحيات اللي تحس ان خطيبتك تقط كلام مو كويس واذا ناقشتها تقولك ماكنت اقصد شي غلط وانت فهمتني خطا وتبدا تزعل منك وفيه شغله جدا جدا جدا مهمه وانا شخصيا اكرهها كل الكره واتمنى اني مااشوفها من خطيبتي الا وهي طولت اللسان والعناد ودي اتناقش معكم وكل واحد يحط من المخطوبين يحط رايه في هالموضوع وبقولكم راي بس بالاخير لما القى تفاعل فما ادري اخواني اخواتي حاب اناقشكم في هالموضوع علما اني احب خطيبتي وهي برضو تحبني لكن تبقى هناك بعض السلبيات في النقاط السابقه وش رايكم |
رد : طلبات الخطيبه بين الخطا والصواب ؟
بالنسبه للاثاث ولون البويه ..
خل الاختيار مشترك .. لان هذي مملكتها ..ولو مارتاحت ..بيجي يوم يمكن بعد ثلاث ربع سنوات .. تلاقي الستاير عند الباب ..والكنب مكوك عند الباب ..وتنتظر منك تطلعه .. لانه ماعجبها ..<<<<<<<<<هذي انا .. وبتضطر انك تروح تاخذ لك واحد ثاني .. فريح نفسك من الحين وخذ على ذوقها ...وحسب ميزانيتك ..وهذا اهم شي .. لانك بالاول والاخير بتصبغ بتصبغ ..فاختار اللون الي هي تبيه ..وريح راسك .. |
رد : طلبات الخطيبه بين الخطا والصواب ؟
قبل هي ماتقول رأيها وتحسه فرض من وجهة نظرك ..انت استشيرها يعني قول لها ايش رايك ايش تحبي لون الشيء الفلاني ولايش تميلي لموديلات الموبيليا كلاسيك ولا مودرن وايش تفضلي لون الاضاءه وانت قول لها على ذوقك والشيء اللي تحبه وشاركها بالخيارات وحاول تميل مع وجهة نظرها اكثر لانها هي اللي بتجلس بالبيت وقت اكثر وهي اللي راح تكون لمساتها انثويه وتعرف اكثر بهالشغلات..
وبالنسبه لطلباتها وقت الخطوبه ..يا اخي دلعها ماوراك شي وان كنت بتعرف هالدلع بصالحك او ضدك على حسب مواقفك معاها وعلى حسب طلباتها لانه كل شي ان زاد عن حده .. واستشارتك عن اسلوبها بتغيير دفة الحوار عن المواضيع اللي تكون مهمه من وجهة نظرك يمكن لانها تحس انك تتأمر عليها او لانها تشوف انه بدري الكلام بهالمواضيع الان زي المطبخ واهلك والتنظيف وهكا .. خطوبة مباركة..وزواج سعيد بإذن الله . |
رد : طلبات الخطيبه بين الخطا والصواب ؟
خلها تدلع شوي يابن الحلال
اذا في قدرتك تدلعها دلعها انت الكسبان في النهاية وبكرى اذا جت تحت جناحك شد عليها شوي , بالمعقول بس الحين خلها تحس بفترة الخطوبة وانها ملكة متوجة على عرشك |
رد : طلبات الخطيبه بين الخطا والصواب ؟
انا مع الاخت توتي
و حابه اقولك خد رايها واستشريها بالمعقول و اقولك ايش صار مع ولد خالتي هدا يا طويل العمر لما جا يتزوج كنت ميزاتيته محدودة وكانت العروسة تبغى فرش من المحل الفلاني وكنب من المحل الفلاني وهيا تبغى تختار غرفة النوم اوكي ما قولنا شي لكن المشكلة هوا ما يبغى يزعلها وما عندوا فلوس وكل ما راح مكان مع اهله على قد ميزانيته يكلمها يستشريها وهيا تقول لا الين طلعت روحنا خلاصة الكلام خذ رايها واستشريها لكن في الاخير اشتري على قد ميزايتك ولا تضغط على نفسك و استشير اهلك في الاشياء الي تلتبس عليك وبالتوفيق يارب |
رد : طلبات الخطيبه بين الخطا والصواب ؟
الله يهديها، إذا أسلوبها بالطريقة اللي أنت عرضتها مو مقبولة صراحة، أهم شي أنت يجب أن تكون قائد فذ بحنكتك وأخلاقك وأسلوبك وقياديتك بحيث تجعلها تتحول من أسلوب الأوامر الفضة إلى أسلوب المشاركة في البناء والأختيار، لا أريد أن أفسر شخصيتها من خلال ماعرضته أنت، لكن مثلها تحتاج وقفة حازمة مع لطف ولين بعض الشيء، أبتعد عن العناد معها وسلوك نفس الطريق التي تسلكه من خلال ردود أفعالها، وفقكما الله إلى الخير وحسن ورقي التعامل وصلاح النية والقول والعمل.
|
رد : طلبات الخطيبه بين الخطا والصواب ؟
أخي الفاضل..
كل شيء يزيد عن حده لن يكون في صالح أحد. الهدايا جميلة وحلوة ومطلوبة دون شك .. لكن وضعها في إطارها ومناسبتها أفضل في رأيي .. أما إن أحببت أن تهديها بدون مناسبة فليكن ذلك بالمعقول دون إفراط زائد .. ودون أن تثقل على نفسكِ إن كانت مادياتك لا تساعد على ذلك. وتذكر أن ما تعتاده خطيبتك منك الآن ستتوقع استمراره بعد الزواج .. يعني إن أكثرت من الدلع والهدايا منذ الآن بمناسبة وبدون مناسبة .. فهذا هو ما ستتوقعه منك خطيبتك فيما بعد .. فإن تغير منك هذا فلا تتوقع منها أن تكون متفهمة أو راضية. أما تأثيث المنزل .. فطبعاً يفترض أن يكون لها رأي .. تناقشا معاً وحاولا أن تصلا إلى أرضية مشتركة .. وشوي عليك وشوي عليها .. يعني مثلاً أنت تختار أثاث المجلس على ذوقك وهي تختار أثاث غرفة النوم على ذوقها .. أنت تختار الأرضيات وهي تختار الستائر .... وهكذا. ومن حقك بالطبع أن توضح لها ما تتوقعه من اهتمامها بشؤون بيتكما فيما بعد .. ولكن تلطف يا أخي ولا تشعرها بأنك تأمرها مثلاً. أما تلميحاتها .. فليس بالضرورة أنها تقصد معنى سيئاً .. وبدلاً من أن تتخذ موقفاً متحفزاً (انتي تقصدين كذا؟!!!) .. كن ذكياً في الحوار وأعطها مجالاً لتشرح وجهة نظرها فتفهم أنت قصدها بهدوء ودون صدامات وزعل. أما طول اللسان .. فهو مرفوض جملةً وتفصيلاً من كلا الطرفين .. ولكنني لم أفهم هل هو عيب موجود فيها بالفعل أم أنك فقط تتمنى ألا يكون فيها؟ |
رد : طلبات الخطيبه بين الخطا والصواب ؟
انا مجرد محتار من الاسلوب الغير واضح منها وكثرة الطلبات كان البنت تقولي من الحين ابي اضمن حقوقي وماادري اسلوبها فيه فرض شخصيه ولا يتهيئ لي
يعني مثلا تقولي ابي ادرس في كلية خاصه او معهد خاص اذا ما انقبلت بالحكومي تلمح لي عن جلسات ازالة الشعر بالليزر وانها تبي تسويها بعد الزواج وتكلف الجلسه 1800 ريال كل شهرين تقريبا اخرتها امس يوم خرب لاب توبها وقلت لها يمكن برمجه وبعد ساعه قالت لي لا الفيش محترق وقلت لها انشالله اجيب لك لاب تـوب جديد وفيه شغله اخرى زواج الرجال في مدينه والنساء في مدينه اخرى المهم البنت سوت كروت الدعوه للنساء فقط (على حسابها) وحاطه اسمها قبل اسمي وانا اللي اعرفه ان اسم الزوج يكون اول المهم انا قلت لها قبل تطبع الدعوه ان المفروض اسمي اول قالت مايفرق انا وانت واحد ومشيت الموضوع ولما طبعتهم وعطتني كروت اعطيهم لاهلي اهلي علقو وقالو المفروض اسمك اول بدون مااقولهم وفعلا حزت في خاطري شي بسيط انا يا اخواني واخواتي ترى احب اقول اللي بقلبي واسمع راي الناس الحكماء وسبحان الله يخف شي من اللي بقلبي |
رد : طلبات الخطيبه بين الخطا والصواب ؟
سبحان الله وبحمده
|
رد : طلبات الخطيبه بين الخطا والصواب ؟
انا بصراحه اللي ماحبيته ان خطيبتي تطلب كل هالطلبات مره وحده وكذا من قبل حتى زواجنا ولا وش رايكم
|
| الساعة الآن 07:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©