|
اخت الزوج
السلام عليكم
بنات حبيباتي كيف نتعامل مع اخت الزوج هل اعتبرها مثل اختي واتودد اليها واهديها واشكي لها من جارة مثلا او صديقه او................... مشاكل عامه ام يفضل ان تكون العلاقةة رسمية وفي حدود وابدو غامضة امامها لا تعرف عني وعن تعاملاتي مع الناس شيئً والمزاح الى اي درجه هل امزح معها كما امزح مع اختي ام ان الامر يختلف ويجب مراعاة طريقة المزاح وان يكون في حدود اذا كنت اتعامل معها بحسن نية وهي كذلك لكنها تمادت وبدأت بالاستهزاء صراحة او بطريقة اللمز كيف اتعامل معها الموضوع للنقاش والاستفاده ملاحظه الموضوع لا يخصني انا مغتربه وبعيده عن حمواتي وعلاقتي بهن جيدة والحمد لله انتظر تفاعلكن اخواتي العزيزات |
رد : اخت الزوج
الصراحة، بيوم من الايام و لاول و اخر مرة كانت،، كلمت وحدة من أخوات زوجي الي كانت تتودد لي ..
أعطتني نصيحة أخت لآختها ( وانا على نيتي احسبها تبغى لي الخير) و هي اكبر سوسة .. امي وقت عرفت، قالت لي: اصحك بيوم من الايام تفتحي قلبك لأخت زوجك و تشتكي عن زوجك .. لانه بيجي يوم و تقول لاخوها ( تدلعها و هي قالت عنك كذا ) ؟؟؟ و بالفعل، ماصرت أبدا احكي لها شي .. و شوفي كيف ؟ بعد ما مر عالموضوع هذاك 5 سنوات .. وكنت بس اخد رايها بشي بسيط جدا قامت دحين فتحت السيرة لزوجي واخواتها و كذبت و قالت زوجتك كم مرة أشتكت عنك و أنا كنت اسكت و ما اقول لك قلت لزوجي، لو هي صادقة خليها تقول ايش قلتلها ؟ لانها كدابة و أنا عارفة حالي ايش تكلمت و هي مرة وحدة و قلت لزوجي ايش قلتلها و بجد طلعت نصيحة امي ذهبية .. ربي يغفر لها ذنوبها و يرزقها الفردوس الاعلى |
رد : اخت الزوج
والله ياروح الله يكون في عونك
وربك يستر من فتره حكيت لوحدة منهن وشكيت لها من غيرة زوجي وكانت تنصحني ان هذا طبعه وهو عصبي وووووووووووو الله يستر بس كلام امك الله يرحمها ويغفرلها ويجعل قبرها روضه من رياض الجنه حسيته خوفني وبالذات ماتوقعتيه لقيتيه لا حول ولا قوة الا بالله بس ايش رايك مثلا مشاكل عامه مثل نشكيلها من جاره او صديقه خاصة انها لا تعرفها ولايمكن تلتقي معها !!!! |
رد : اخت الزوج
يازينك يااونا فديتك يا شيخه موضوع في الصميم
وبعطيكي من الاخر الزبدة أخوات الزوج العلاقة معهم المفروض تكون سطحيه حق وقتها من غير مياااانه لأنهم بصراحه ماينعطوا وجه انا كنت في البدايه والله مثل أخواتي في التعامل اكتشفت انهم سوس من تحت لتحت وفيهم حسد من ناحيتي بحكم انه أخوهم مؤ مقصر بشئ معي فصرت معهم السلام وبالغ الاحترام اضحك أوك امزح ماختلفنا بس بحدوووود مره صاروا محترمين ماتتخيلي وبطلو من الكلام والنفاق مع انهم بنات خالي بس سبحان الله دائماً بنات العائله فيهم شئ مؤ طيب فالأفضل كل مين يمسك حده ويعرف مع مين يمزح وكذا000 موقفه يارب أونتي |
رد : اخت الزوج
أونا
نحن مثل مالنا أخوات زوج، نحن كمان أخوات أزواج لنساء أخريات .. عندي زوجة اخوي مثل زميلتي، تحكي لي كل شي .. بس فين المشكلة ؟؟؟؟؟؟؟؟ أني أنا ممكن مع أخواتي، لساني يزل و أغلط بيوم من الايام و اقول شي بحسن نية .. وتحيك أختي مثلا و تعمل لها مشاكل عرفتي كيف ؟؟؟ فتلاقيني حذرة بكلامي مع أخواتي بخصوص زوجة اخوي، لأني اعرف انه أخواتي بيوصلوا اي شي لوحدة من أخواتي هذه أختي شرانية هههه فعلشان كذا، ريحت حالي و بعدت نفسي شوي من زوجة اخوي ،، عشان مصلحتها و لأني احبها .. . . يعني حتى لو أخت زوجك طيبة، تخافي من الي حوالينهم عالاقل ببداية الزواج و لحد ماتعرفيهم،، اذا شفتيهم طيبين خلاص الحمدلله و الشكر لانه قابلت زميلات لي، و الله اهل أزواجهم احن عليهم من أهاليهم |
رد : اخت الزوج
أهل الزوج
ام الزوج ابو لزوج اخو الزوج اخت الزوج خذوا مقطوع من شجرة افضل و اريح لراسكم من التفكير بهذي الطريقه واضيف غيرة الزوجة لها دور في هذا الامر |
رد : اخت الزوج
مرحبااا
كان ب ودي افتح موضوع تحت موضوع الاخت عن حرريم الاخوان انا عندي 2 حريم اخوان وانا اخت زوج وحيده لهم الاولي كانت عايشه بره الرياض واول ماجات امي كانت تقولي سوي خير معها وانتي ماعندك اخوات واعتبريها زي اختك وماما الله يحفظها عندها قاعده في حياتها و في حياتي انه اعملي خير وارميه في البحر اي كلمه اي سالفه اي نظرة عل ظوووووووول شووف اختك طالعت فيني شوف اختك اشترت شوف اختك جابت شوف اختك وعلي هذا الحال وهذا جزء جدا بسييط من اجزاء لو اكتبها تنفع مسلسل يالله االموضوع عندكم وش طريقه التعامل مع حريم الاخوان خاااصه غيرتهم |
رد : اخت الزوج
أشوف التعامل الرسمي أو شبه الرسمي أسلم الطرق للتعامل مع أي كان .
واللي اليوم صاحبك ما تعرف كيف يكون قلبه عليك بعد فترة .. تزوجت صغيرة واعتبرت أهل زوجي هم أهلي لدرجة أهملت بوصل أهلي . واللي تقول لي انتِ مثل بنتي واللي مثل أختي لكن وبعد التجربة وبعد ما تجربيهم بمحك خقيقي ما لك أخت غير أختك بنت امك وابوك ولا ام غير أمك اللي ولدتك . خلي ونسيك ومكان شكوتك وتفريغ همك عند رب العالمين وبس . |
رد : اخت الزوج
اخت الزوج هاذي من سابع المستحيلات مهما ضحكتو على بعضكم
مستحييييل تبلعك يعني خذيها من الاخر :d تراقبك مراقبة وش شريتي وين مشورتي اخوها والغيرة شغاله عاد لو طلعت حماتك تحبك اووووف يا أكلتها اكل هالحركات الحمدلله بس اما زوجة الاخو هاذي حكاية ثااانية الله يعينكم بس انا توي من فترة افكر في زوجه اخوي نويت اكتب لكم عنها بجد صارت تصرفاتها تزعلني لكن الشكوى لله الطناش افضل شي لهم خليها تشتكي من اليوم لبكره وش هالمحبة اللي نازله عليها تجي تشتكي لي من اخوي والمشكله انا بعيني شايفتها غلطانة وانصحها و اعطيها حلول بس ابد ماهي مقتنعه تقول مااقدر ما اتحممل طيب يعني وش منتظرة مني مثلا اوقف في صفك واتشاكل مع اخوي لا و المشكله اني شايفته هو صح و هي غلط استغفر الله يارب تجينها شمال تجيك يمين الواحد يطنشهم افضل حل و يريح راسه ولا يحااول يتدخل الوحده تاخذ لها يتيم ازين لها لا ام ولا خوات :d |
رد : اخت الزوج
اقتباس:
اووووووووووووووو معقوله الاقارب اكثر شر الله يعاون اوكي فهمتك يعني لازم في جو رسميات الله ويوفقك مع زوجك ويسعدكم سعيدة بمشاركتك حبيبتي |
| الساعة الآن 02:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©