|
خيانه زوجي
السلام عليكم ورحمه الله تعالى وبركاته
بعرض مشكلتي واتمنى المساعدة انا متزوجه من 6 سنين ولا جا باحلامي انو زوجي يخوني بعد الحب الكبير مابينا اكتشفته خيانته من الايميل كان باعث لها كلام حب وشووق مثل مايقولي بظبط ماتصورته يقولي لغيري هالكلام والله انا دايما يمدحني ويقول محد مثلك واني مومقصره معاه بس ليش يخون وين الكلام والوعود الي كان يقولها لي وين حلفه لي انو ماعنده غيري حبه الاول والاخير واجهته واعترف قال بس اتسلى على البنت ويضحك عليها انا ماتحملت وكنت خلاص بنفصل عنه صار يبكي ويترجاني اسامحه وان اعطيه فرصه ثانيه بكيت والله ثلاث ايام متواصله ودموعي مو راضيه توقف واحس بضيق مو طبيعي انصدمت منه ولاني احبه بجنووون ماتحملت خيانته بعد كل الي عملته له بعد الحب يروح ببساطه ويخوني والله كسرني قالي راح اعطيك فلوس واي شي تبغينه راح ماقصر معك بس ترضين علي ليت هالاشياء تخفف شي من الم خيانته قلتله مااريد شي منك ابغي ترد الثقه الي ضاعت وعدني انه يتغير ويرجع مثل اول واحسن بس المشكله النار الي بقلبي موقادره اتحملها اتذكر كلامه لها والله صعبه تعباااانه لا اقدر انام لا اقدر اكل كيف اخفف من نفسي كيف ارتاح الحين كيف اعطيه حناني وحبي احسه صعب يطلع مني شي الحين بعد الخيانه صعب ارجع مثل اول هو بصراحه يحاول معي بس موقادره ابغي حل ابغي انسى مو قادره شو اعمل عشان ارتاح ساعدوني واعطوني حل شو اعمل كيف اتغلب على هاذي المشكله |
رد : خيانه زوجي
اه من الرجال بس حسبي الله ونعم الوكيل اسمعي يا قلبي من كلامه بائن انه ندمان والإنسان مؤ معصوم من الغلط اعطيه فرصه ثانيه انا معاكي صعب صعب جداً لانه كسر بالنسبة لكي بس اضغطي شوي على نفسك علشان حبك له وأكيد هو بعد يموت عليكي وعارف انتي مين وبنت مين يعني بيطقطق على البنت هذي وبس نزوه وبتعدي ان شا الله
الله يصبر قلبك يارب موقفه |
رد : خيانه زوجي
حبيبتي هذي مو خيانة هو جاه الشيطان وبدا يتسلى اما الحب الحقيقي هو حبو لك والبااقي تسلية لا تتدمري حياتك بسببها
الرجال كلهم هيك الا من رحم رب وهم ما يحسبونهاا خيانة هم يعتبروها تسلية ولعب وتضييع للوقت الله يهديهم بس انت ما تسامحيه بسرعة عشان ما يكررها وطلبي منو هدية غاالية او سفرة وخلاص مادامو نادم اعتذر وبكى لا تقهري حالك وهذا مو بسبب تقصيرك او نقص فيك هذا بسبب قللة دينو وخوفو من الله حاولي تعززي عندو ها الجانب والله ينسيك حبيبتي |
رد : خيانه زوجي
حبيبتي الرجل لاتثقي فيه ان ماراح يحب غيرك
عن تجربة اقولك زوجي يحبني واحبه بجنووون حتى شعر حاول يكتب فيني ومرتاح معي على حد كلامه ويقولي مافيه مثلك بعد بحث سنه كامله وقصص حدثت امامي بكلامه مع النساء وبعث لهن احلى كلام تزوووج بوحده موظفه وجميله لكن والله ماتغير علي ولاكانه تزوج لتني حبيته بصدق واسعدته وريحته ماقدر ينساني حبي نفسك ودلعي نفسك وخططي لحياتك الرجل ليس كل شي ياعمري |
رد : خيانه زوجي
اختي لا تعطين اي احد حب 100 %
لان لو جا يوم وانجرمتي منه ما تنصدمين تتحطمين تتعبين عرفتي اللي اتمرين به صدمه اختي لذلك متاثره كثير لا احد فينا معصوم من الخطا الشيطان لعب عليه قال له العب اكتشف ووو من هالكلام اكيد مجرد رسايل امبين انه يحبك وشاريك وهي مجرد لعبه وطايحه من عينه اكيد انتي المعززه والشريفه في نظره صدقيني بعض الرجال احيانا يناقض نفسه يلعب ويقول كلام حب وفي نفس الوقت يحتقر هالشي ولا يرضاه لاهله لذلك حاولي اتهدين نفسك والحياه تجارب وتقوي الواحد واتعلمه واتخليه حذر حبيه لكن لا تتوقعي بيكون ملاك او حبه واخلاصه مثلك اكيد ندم انتي سامحي رب العباد يسامح فخلي قلبك كبير وانتي قدها ان شاء الله |
رد : خيانه زوجي
ياشين الرجال وخيااانه الرجااال كلهم خونه الا من رحم ربي
والي يقهر اكتر لو الرجال خان قالولها اصبري ولو الحرمه خانت يطلقها بدون ادنى تردد والله يا بنات حوااا كيف احنا مساكين |
رد : خيانه زوجي
انا رجل لكن اعتبر المراة مثل الزجاج اذا حافظت عليها تشوف صورتك فيها واذا كسرتها جرحتك وصعب تنسى اللي صار لها من خيانه وهذي حقيقه لكن الله يكون في عونك ورايي من راي الاعضاء اللي قبلي اصبري واحتسبي والله يكون في عونك ان شاء الله
|
رد : خيانه زوجي
كلهم خونه اقصد قليلين الدين والمروة والشهامة
اكثر رجال اليوم ذكور لا يريدون تحمل المسؤولية ويريد كل يوم يتزوج ويطلق لو يصحله ما راح يقصر واذا ما تزوج راح يخون لانه الخيانة وراثة بالدم عندهم يقولون الرجال بصريون طيب وين وقل للمؤمنين يغضوا من ابصارهم ما يعرفون من الدين غير التعدد واذا جيتي تسئلي عن صلاة الفجر اللي هي الفرض اخر شي يفكر فيه مو كلهم علشان لا يزعل الرجال الله يكتب اجرك امين الصبر طيب والدعاء واشتغلي على الوازع الديني لزوجك |
رد : خيانه زوجي
مشكورين للي ردو علي بس ابغي حل كيف اقدر انسى كيف ارجع مثل قبل شو اعمل عشان انسى خيانته كيف اعيش حياتي مثل قبل كيف اعرف انه مايعيدها ثاني مره لاني احس بضييق شدييد انا بهم الله العالم فيه
|
رد : خيانه زوجي
اقتباس:
جزاكي الله خير على تفهمك لجنس الرجال وعلى حسن ردك |
| الساعة الآن 05:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©