|
خطيبي ورايه بالزفه-مستجدات بالرد -78-
السلام عليكم
كيف الحال الله يتقبل منا ومنكم صالح الاعمال وكل سنه وانتو بخير مقدما عندي مشكله موترتني مرا امس تناقشت مع خطيبي عن الزفه قالي مايبغى يدخل قاعه النساء لانه حرام قلتله ماينفع تحرمني من فرحتي وجلسنا ساعتين تنتاقش ومو راضي يقتنع مررررا تضايقت قلتله حالي حال اي بنت تبغى تفرح بهاليوم قلي لا صعبه مارضاها نفسي وقفلت منه وقلت مصدعه يلا باي وناويه اطنشه وفكرت الغي الزواج عشان يتعلم ايش الحل معه والشباب ليش بعضكم يرفض الزفه؟ ايش فيها وليش مو زي البنات مو من حقي انزف مع زوجي وافرح |
رد : خطيبي ورايه بالزفه
احنا عندنا يدخل آآآآآآآآآآآآآآآآآآآآآآخر الحفله.. يعين 3\4 القاعه فاضيه... اللي يبقى بس الأهل المقربون فقط...
ممكن تقترحين عليه هالإقتراح... |
رد : خطيبي ورايه بالزفه
اقتباس:
بس انا ابغى الزفه شكلي بايخ وانا انزف لحالي ابغى تتصور الزفه كامله وهو يشوف ان هالشي مو من حقي تعبت معه |
رد : خطيبي ورايه بالزفه
اسمحي لي يا انسانة طفشانة .. الموضووووووع عادي ولا تكبرينه واذا مش راضي ينزف عادي صوري فيديو وراح يشووووفه بعدين معاكي .. وصدقيني يمكن انها خيره .. لا تصرين يمكن ربي العالمين يبغى يصرف عنك نظره معجبة من الحاظرين والله ماتسوى تنقلب حياتكم فوق تحت بسبب عين حاسده .. توكلي على الله وتحصني وادخلي انتِ ولا تزعلين ولا شيء هي حرية شخصية ووجهة نظر عنده احترميها ولا تخلين الشيطان يدخل بينكم افرحي بأيامك ولا تقلبينها نكد عليك وعليه.. والله يوفقك ويتمم عليك ويرزقك بالذرية الصالحة ..
|
رد : خطيبي ورايه بالزفه
اقتباس:
كيف النظام عندكم؟؟ لأن عندنا العروس تدخل اول و بعدها بساعه يدخل المعرس و يقعدون حوالي نص ساعه و ياخذ عروسته و يطلع... و بعدين على فكره... أنا ما الوم المعرس... لأنه موقف صعب الصراحه... تخيلي نفسج تدخلين على 500 رجل... نفس الإحساس عنده... لا تظنين انهم يحبون هالشي... الرجال اللي اعرفهم يقولون احساس غلط غلط غلط غلط... تحس 500 حرمه تطالع فيك!!!! |
رد : خطيبي ورايه بالزفه
كلام بسمة امل صحيح
بعضهم عيونهم ماترحم بالعكس يمكن تكون خيرة لك |
رد : خطيبي ورايه بالزفه
والله هو يقول حرام راجعى اراء العلماء وشوفى اذا فعلاً حرام ......اكيد انتى ما تحبين تبدأى حياتك بشىء حرام وممكن نتنازل شوية عن نزواتنا عشان حياتنا تصير ببركة الله ولا شو ....وكل عام وانتى بخير
|
رد : خطيبي ورايه بالزفه
اذا تفكري تكنسلي الزواج عشان موضوع تافه مثل هذا !!
يعني لازم تحترمي رغبته عموما الله يسهل اموركم بس نصيحه افرحي و خذي الامور ببساطة ترا كلها الزفه 10 دقايق مي محوجه تسير عليها مشكلة ،،، |
رد : خطيبي ورايه بالزفه
أنا عكسك ، كنت متفقة مع زوجي إنه ما ينزف و كان مقتنع ..
يوم الزواج قال بينزف .. الصراحة ، إذا هو رافض فخلاص ماله داعي ينزف و تكبر المشاكل .. و كويس إنه يراعي ربنا .. :) |
رد : خطيبي ورايه بالزفه
اقتباس:
عموما الزفة وما أدراك مالزفة، بالنسبة لنا غالباً ماعندنا زفة، ولو طلبت مني خطيبتي قد أوفق على ذلك، لكن يا أخيتي الطهبلة وحب الظهور والزفة وما أدراك ما لزفة لن تقدم ولن تؤخر، وإنما الذي يقدم ويؤخر هو حسن تعاملك مع زوجك ورضاه وأحترامه وتقديره، وأنتبهي زين تراك أنتي البنت، بمعنى حافظي على نفسك وأنتبهي لأسلوبك جيداً مع زوجك، يعني أنتي الخسرانة لو حدث شيء لايحمد عقباه، وجزاه الله خير زوجك أنه صبر على تصرفاتك السيئة من أول الملكة وأنتي لاميول ولا أهتمام به، وصراحة أنا كبر عيني زوجك لما قال مابي أدخل عند الحريم لأن الرجل فيه دين، ويابخت من تتزوج شاب فيه دين لأن أكثر الشباب غير متديين وهذا له انعكسات سلبية، والله يرزق أخيتي زوج مثل هالزوج يارب. روحي حبي يدك مقلوبة على أن أعطاك ربك هالزوج، وأنتبهي تخربين مستقبلك بيدك، وأبعدونا ياعالم عن الشكليات تنجحون بحياتكم. |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©