الى رجل الرجال والبليغ ارجو مساعده
 

السلام عليكم ورحمه الله وبركاته
انا من كم يوم عرضت مشكلتي بس مالقيت الحل واتمنى ترشدوني وتساعدوني بحلها
المشكله اني اكتشفت زوجي يخوني وكشفته عن طريق الايميل طرش لها كلام شوق وحب وبعدين مسحها فشفت الرساله من سله مهملات مانمسحت والله احساس مؤلم جدا ماتوقعته انه يخون انا متزوجه من 6 سنين كنت عايشه احلى عيشه واحبه بجنوووون وهو يحبني دايم يقولي انتي مافي مثلك واني مو مقصره معاي في شي بس ليش يخون واجهته واعترف لي وضل يبكي ويترجاني اني اسامحه وقالي اعطيني فرصه اخيره قالي بعطيك الي تتمنينه اي شي اطلبي فلوس وسفره بس لا تتركيني بس والله ليت هالاشياء بتنسيني خيانته والله تعبت كثير ودموعي ماتوقف لاني ماتوقعته منه قالي راح اعوضك عن كل شي بس والله موقادره اسامحه والله كسر قلبي صرت لا اكل مثل الناس ولااقدر انام الشك راح يذبحني هو يشتغل اسبوعين دوام واسبوعين اجازه وهو في جزيره اهو وعدني انه مايعيدها ثاني مره بس بعدني مش واثقه فيه المشكله يوم يكون في شغله كيف اطمن انه مايرجع ويخوني تعبانه بجد كثيير كيف اقدر اثق فيه كيف اقدر انسى خيانته والله كل يوم احاول انسى واشغل نفسي في اشياء ثانيه بس يرجع الهم اكثر من اول شو اعمل كيف اجتاز هاذي المشكله كيف ارتاح وانسى اتمنى مساعدتي والله ضايعه ومااعرف شو اعمل عشان ارتاح

رد : الى رجل الرجال والبليغ ارجو مساعده