|
أحتاج الى نصائحكم .. تعبت من التفكير حتى لم أعد أميز بين الامور!!!
السلام عليكم ورحمة الله وبركاته .. عمري 29 تقدم لي شخص لكن ليس بشكل رسمي .. رجل متزوج وعنده طفلتين وبنفس عمري 29 يكبرني ب3 أشهر فقط ... يمتلك محل تجاري لبيع الأقمشه .. رحت لمحله وشفته!! جسمه طويل وعريض وأبيض .. ملامحه مقبوله بعض الشيء لكن مو لدرجة الوسامه .. لكن لهجته فيها بداوه .. وثوبه واسع زي ثياب الشيبان الكبار ... مافيه من حركات الشباب وجاذبيتهم ... وساكن بقريه صغيره جداً ... وقريبه من مدينتي .. وهو قريب مني تقريباً من نفس العائلة .. وبالنسبه لي أنا .. أنا لست جميله جداً .. ولكن فيني بعض المواصفات حلوه .. وأهتم بنفسي .. لكني أعشق الجمال وأتمنى أتزوج من شخص وسيم ومثقف وعقليته منفتحه .. انا متردده حين يتقدم لي بشكل رسمي هل أوافق أم لا؟؟؟ استشرت أختي قالت لي : أكبر مشكله في الموضوع إنه متزوج !!!! ولو أنا مكانك ماأوافق أبــــداً !!! رغم ماأعرف بالضبط وش سر رغبته بالزواج من ثانيه .. وهل بينه وبين زوجته الاولى مشاكل أم لا .. أما بالنسبه لي أنا فلايهمني موضوع أنه متزوج !!! مادام إني راح أسكن بشقه مستقله ومالي علاقه بها ... لكن اللي يضايقني أخاف يكون بدوي ومايهتم بالنظافه الشخصيه ونظافة الاسنان والملابس الحلوه الجذابه لأني بصراحه هالمواصفات تهمني كثيـــــــراً في الرجل وبالنسبه لأمي رأيها إن أوافق عليه بلاتردد لأنها تعرف أمه وتقول بنت حلال وناس معروفين بالطيبه والكرم ... وحالته الماديه ممتازه وعنده محل تجاري وعقارات ... أتمنى من أخواتي المتزوجات تنصحووووووووووني لأني محتاجة أسمع آرائكم بعد مامريتو بتجربة الزواج ... أنتظر ردودكم .. |
رد : أحتاج الى نصائحكم .. تعبت من التفكير حتى لم أعد أميز بين الامور!!!
مساله الثوب و النظافه و لهجته
ترا الرجال تقدري تغيريه انتي بعد الزواج يمكن ما يعرف للاشياء دي وحاولي تعرفي سبب ليه حيتزوجك علي زوجتو عشان لا تتفاجاي بعد فتره بحرمه ثالثه علي راسك بالتوفيق |
رد : أحتاج الى نصائحكم .. تعبت من التفكير حتى لم أعد أميز بين الامور!!!
عزيزتي
على بالك ، الرجال اللي يتعطروا و يتكشخوا ( برة ) .. نفس الشي عند زوجاتهم ؟؟؟؟ تلاقي اللي متكشخ 24 ساعة برة و مع أصحابه ،، في بيته و مع زوجته شوشته منكوشة و ما يفرش أشنانه شهر كامل ، و ما يستحم إلا كل يومين أو 3 .. و يجلس بأظافر طويلة و قرف الله يعزك عزيزتي .. مثل ما قالت أختك ، مشكلته بس إنه متزوج .. لكن النظافة و الإهتمام ،، فهو رايح للعمل .. تبغيه زي شباب اليوم ؟ ثوب محززززق و مخصر و شعر زي شعر القرد و أشكال ( زومبي ) ؟؟؟؟ على بالهم انهم حلوين و يااااااااي .. :p |
رد : أحتاج الى نصائحكم .. تعبت من التفكير حتى لم أعد أميز بين الامور!!!
كيف مايهمك انه متزوج؟؟
المشكله كلها في انه متزوج اذا كانت زوجته راضيه وجاتكم البيت ووافقت على الزواج هذاك الوقت توافقين اما زواج بدون رضاها صدقيني انتي اللي بتخسرين افرضي ان بينهم مشاكل وحب يتزوج غيرها بس عشان تتأدب وتعرف قيمته ولما تعرف قيمته يرجع لها ويترك الثانيه زواجات الزمن هذا صارت بهالشكل زواجات الغرض منها تأديب الاولى فقط واللي فيه خير بيخلي الثانيه معه ويهملها واللي مافيه خير مجرد ماتتغير الاولى للاحسن بيطلق الثانيه |
رد : أحتاج الى نصائحكم .. تعبت من التفكير حتى لم أعد أميز بين الامور!!!
دامه طويل وافقي بدون تردد هههههههههههههه
شوفي اجلسي معه نظريه شرعيه عشان تحكمي واسالي عن اخلاقه وصلاته اكثر موفقه |
رد : أحتاج الى نصائحكم .. تعبت من التفكير حتى لم أعد أميز بين الامور!!!
اذا يمديك تكلمينه او تتواصلين معه قبل العقد
سويها .. من طريقة كلامه ومفرداته تعرفين فكره بشكل عام .. افتحي كذا موضوع من ضمنهم موضوع النظافة الشخصية وحاولي تعرفين منه بشكل مباشر اذا يهتم او لا ضروري تكون مرتاحة وراضية باسلوبه بعد الزواج .. يبي يجي من يقول لك انتي كبرتي وفرصك قليلة ومدري وش يحاولون يقنعونك تعيشين مابقى من عمرك مع رجل منتي مرتاحة معه عشان بس تاخرتي بالزواج ! دخلي منا طلعي مناك ... الله ييسر امورك يا رب |
رد : أحتاج الى نصائحكم .. تعبت من التفكير حتى لم أعد أميز بين الامور!!!
اختي استخيري الله كثيرا واستشيري أكثر وإن لقيت فرصة تتكلمين معه قبل أن يتقدم رسميا بوجود محرم بطبيعة الحالة
يكون احسن وعليك أن تعرفي هل زوجته الاولى موافقة له أن يتزوج أم لا وكيف يعيش مع زوجته الاولى بالتوفيق يا أختي ربي يكتب لك اللي فيه خير ان شاء الله ربنا يسهل أمرك |
رد : أحتاج الى نصائحكم .. تعبت من التفكير حتى لم أعد أميز بين الامور!!!
جزاكم الله خير جميعاً
|
رد : أحتاج الى نصائحكم .. تعبت من التفكير حتى لم أعد أميز بين الامور!!!
اقتباس:
لاوالله مو قصدي أبي كذا ... لالا أبي على الاقل زي أخوي وعيال خالتي والشباب اللي أشوفهم بكل مكان ... اما هو ثوبه وسيع زي الرجال الكبار :( باين عليه قرووووووووي بقووووووووووه أول ماشفته حسيت اسلوبه فج وقديييم وبدوي ,,, مع إنه غني وعنده عقارات مع اني رحت لمحله كذا مره عشان أشوفه :d وكل مره نفس الشعور << أول ماأشوفه أقول يعععع ماأبيه مستحيل ينحب ماانجذب له ابد ولما أرجع للبيت تتغير نظرتي وأقول مدام طويل وعريض وجسمه رياضي وقالولي انه سباح بعد :21: وأبيض وأرجع أتردد وأشتاق له من جديد !!!! |
رد : أحتاج الى نصائحكم .. تعبت من التفكير حتى لم أعد أميز بين الامور!!!
اقتباس:
بس أنا عمري مابقى شي وأوصل 29 وصعب إني أحصل على شاب أعزب وأنا بهالعمر وفي كثير بنات أعرفهم أجمل مني وتزوجو وهم أصغر مني من متزوجين وعايشين حياتهم عادي .... |
| الساعة الآن 06:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©