كيف اتصرف مع زوجة اخي وغيرتها
 

السلام عليكم
هذي اول مشاركة ليا
بدخل في الموضوع ياليت تفيدوني عن تصروفي صحيح ام خاطئ
انا وزوجة اخويا بنفس العمر الفرق بشهور طبعا هيا اكبر مني عالعموم اول ماتزوجت اخويا كانت علاقتنا جدا حلوووووووووووووه صارت وحده مننا كانت مقربه مني اكثر شي يمكن عشان العمر
بس الحين الوضع مرا تغير لاني طفشت من دي الحركات اللي هيا الغيرة ف اي شي في لبسي عبايتي قصة شعري كل شي حتى في شخصيتي تقلدني وانا مااحب احد يسوي زيي حتى لما افكر البس انا واي احد زي بعض تقولي مايليق وانا انسانه عصبيه بس مو ع اي شي وهيا مو عصبيه بس الحين صارت تعصب خصوصا ع ولدها واخويا وفي النهاية تقول انا كذا وهيا مو كذا
بعد كذا لاحظت منها تصرفها تسويها من ورا اخويا واخويا مايدري عن شي تبغانا بس نخدمها ولو ما سوينا الا تبغاه تاخذ في خاطرها وخصوصا ماما كل شوي تقولها سوي كدا وكدا وانا احزن على ماما لدرجه حتى لو ماما تعبانه من الشغل برضو تقولها سوي لي كدا حتى ولدها تخلي ماما الله يكرمكم تطهرله وانا بصراحه مااتدخل
حتى لما تجي عندنا في البيت تجلس ولا تسوي شي ولدها يوسخ ولاتنظف حتى لما تاكل ولدها تاخذ الصحون وتخليها ف المطبخ ولا تغسلها
وانا بصراحه تغيرت معاها صرت اتعامل معها بحدود وهيا مو عاجبها تغيري معاها
حتى خصوصياتي صرت احتفظ فيها حتى لوابغى اي شي احاول اسويه من غير ماتعرف حتى اخويا صرت اخبي عنه لأنو ع طول يقولها لو رحت السوق تسأل ايش اخذتي وعلى طول تروح لوقصيتي شعري تشوف القصة وتسوي زيها
حتى لما فكرت اكمل دراستي ع طول قالت لأخويا تبغى تكمل دراستها
عارفه اني طولت عليكم وسامحوني اتمنى تساعدوني كيف اتصرف معها انا واهلي انا خايفه انو نخسر بعض وانا والله مااتمنى دا الشي يصير الحين صارت ماتدق ولاترسل لي رساله ولا شي بس لو دقيت عليها احس انها تجاملني

يــــــــــــــــــاليت تساعدوني

رد : كيف اتصرف معاها
 

تقلدك لانها تشوفك ناجحه وهذا الشي جميل
^_^
واذا على الطلبات هذي امور طبيعيه تصير من طيب نفس سواء من الوالده ولا من غيرها
امور كثيره بحياتنا لابد من حبها وتقبلها كما هي لاننا لا نملك صلاحية تغييرها كما انها لا يجب ان تسرق من جهد تفكيرنا الكثير ..

رد : كيف اتصرف مع زوجة اخي وغيرتها