|
الفلوس..؟
السلام عليكم ورحمة الله وبركاته..
تقبل الله مننا ومنكم سائر الاعمال وجعلنا ووالدينا ممن عتقوا من نار جهنم.. بدخل بالموضوع على طول انا فتاة سعوديه (الرياض) <-هالتفاصيل مهمه فيه شي غريب هل يحصل انا بس او الجميع الفلوس؟ والله ماتجلس في بوكي تطير بسرعه مع ان معدل انفاقي جيد مش مسرفه اللي اشتريه اشيا ضروريه هل فعلا الدنيا غاليه مره؟ او انا ما امسك الفلوس؟ او فيه سر بالموضوع؟ فلوسي مافيها بركه ابدا اللهم اسئلك البركه في المال على فكره انا اتصدق ولله الحمد |
رد : الفلوس..؟
غلاء
احتياجات جديدة كماليات نحس في الإنفاق :) |
رد : الفلوس..؟
حبيبتي كل الناس يشتكووا من طيران الفلوس بسرعه يعني الراتب ينزل كله يروح كم يوم ويختفي ماتدري وين يروح ولو حسبتي فعلا تلاقي نفسك اشتريتي أشياء محتاجتها بس مافيه بركه وغلا مؤ طبيعي والناس اللي تحب السلف كمان مجرد مايجي الراتب يطيير طبعا من السلف الله يعين بس
تحيااتي |
رد : الفلوس..؟
هلا حبيبتي ...
انا زيك ..بس لما دققت .. وصرت اجمع فواتيري .. عرفت فلوسي وين تحلق ؟؟؟ لما انزل السوق ..او حتى سوبر ماركت .. طبعا انا انزل وفي بالي شي معين .. اول ماادخل كوفي ..وغالبا معي الحلوين ..هت شوكليت للكل ؟؟ هذي خمسين ريال ..بح .. وبعدين ..مريت جمب الصيدليه ..الي بالسوق .. اشياء عاديه ..جليسرين ..لابيلو ..واشياء مدري وش تبي .. وبعدين بيني وبينك ..ياقلبي .. ماتلاحظين البضايع الي عندنا اغلى من نفس البضاعه بدول اخرى .. وغالبا ..البضاعه الجديده عندنا تكون مخفضه وللربع بعد ببلدان اخلرى .. وتلقينها دبل السعر .. اتكلم جد ومن تجربه .. فمالومك .. حتى بياعات النت ..يدبلون الاسعار .. حتى البسطه الي بطيبه والعويس يغلون الاسعار .. كنت بشتري قبل فتره شورت بناتي قطن من بسطه بنقالي بطيبه .. سالت واحد قال 15 ..قلت له 5 قال لا مدام .. مشيت وسفهته .. رحت للبنقالي الي جمبه وبنفس البضاعه .. وعلى نفس الشورت ..قلت خمسه ولا اروح .. قال خد مدام .. واشوف الا نظرات حقد من كل البسطات .. حسيت انهم عصابااااااات .. شفتي سعره ب3 ريال ويبيعونه ب15 .. عاد لو متزوجه ومعك عيال ..وش بتقولين .. لعلمك قبل انزل السوق اخيرهم وش تبون .. بلونه ولا دونت ولا ايسكريم ..ولا برجر .. ويختارون بس واحد .. وابشرك ..مره سالتني وحده يختي كيف عيالك مايصيحون لما يشوفون المغريات .. وجاوبتها ..لانهم سوو اجتماع وورشة عمل ومشاورات بالسياره واتفقو على الشي الي هم يبونه .. ولو قعدو يصيحون ..راح ينحرمون من كل شي .. <<<<<<حسيت اني شريره .. |
رد : الفلوس..؟
نفس الشي عندي
وحتى التخفيضات مالها فايده نشتري الكميه مضاعفه على بالنا نوفر بس احسن شي الواحد يتصدق عشان اذا طارت الفلوس يكون للخير نصيب |
رد : الفلوس..؟
أوافق كلام توفي
الغلاء خداع البياعين مصاريف جانبية ... أنا صرت أخلي زوجي يروح لحاله السوبر ماركت و الصيدلية اكتب الأشياء الضرورية و هو يشتري |
رد : الفلوس..؟
اكثر من مرة أروح للهايبربندا او كارفور
و ألاقي رجل غير خليجي، يمكن شامي او مصري معاه سلة صغيرة و معاه آلة حاسبة و يحسب و ياخد على قد المطلوب على عكس عربيات الخليجيات ملياااااااااانة ماشا الله، ووفي الاخير نبغى نعمل دايت و ننحف :D عن نفسي، بديت اعلم ولدي انه مو كل شي يبغاه اقدر اشتري له عشان يتعلم الحرمان شوي |
رد : الفلوس..؟
السلام عليكم .. وكل عام و انتم بالف خييييير و ياربي ينعاااد علينا اجمعين بالخير و اليمن و البركات
شوفي حبيبتي .. صح في غلا و قلة بركة ووو بس برضو خلونا نكون صريحين .. احنا بالبنات مانقصر :) تدخلي المحل عشان تشتري قلم عيون .. تطلعي بشنطة مكياج مش محتاجاها و معك نفس الالوان بالبيت :) تدخلي محل عشان تنورة .. تطلعي بطقمين و تنسي التنورة:) تعجبنا بلوزة و نشتريها و نروح البيت مانلاقي عليها شي مناسب . فا نحطها بالدولاب و ننساها تجي بعد فترة تشوفي الدولاب تلاقي تنانير و بلاليز كثيرة بس ماحد يمشي مع الثاني :) بعطيك بعض النقط الي نفعتني صرااحة .. ويارب تفيدك ** اكتبي الاغراض الي تحتاجيها في ورقة .. عشان تلتزمي بها و ثانيا عشان ماتنسي و ترجعي مرة ثانية للسوق لانه بكل طلعة راح تصرفي اكثر .. **لا تاخذي معاك بطاقة الصراف .. ولا تكثري الكاش بيدك يعني مثلا .. وانتي بالبيت حددي مشترياتك (نقول شنطة و عباية ) .. حطي ميزانيتك لكل غرض نفرض حطيتي 500 .... اذن بس خذي 500 بالشنطة و لا تزودي ريال فا بديهيا حتى اذا اعجبتك حاجة ثانية بالسوق ماراح تشتريها لانه ماعندك فلوس :) ** اذا اعجبك غرض ما وانتي بالسوق لا تشتريه على طول .. ارجعي بعد يومين وشوفيه اذا برضو عندك رغبة ملحة .. معناه فعلا اعجبك .. على فكرة اذا طبقتي هذه الطريقة بتلاحظي انه كثير اشياء ماتشتريها لانه المرة الثانية لما ترجعي تشوفيها ماراح تحسيها واااو و داخلة مزاجك بتشوفيها على حقيقتها :) بدون (عوالق نفسية) و بتقدري تحددي اذا فعلا عجبتك ولا بس طفاسة شراء .. **عند شراء الملابس تاكدي انها تناسب شي عندك موجود ** شراء اغراض الصيدلية يفضل ترسلي حد ثاني او تكتبي اغراضك بورقة وماتشتري شي برا الورقة ** اوقات التخفيض .. قبل ما تنغشي بالسعر و تشتري الغرض اسالي نفسك هل فعلا انا محتاجاه ؟؟ **ااذا عندك اطفال .. زي ماقالت توفي الله يجزاها الخير حددي لهم من البداية ... كل واحد يشتري غرض محدد و مهما بكا لا تشتري له حتى لو عندك الفلوس. روح الطير .. صح حبيبتي . كلامك كله صحيح .. لازم الطفل يتعود عالقناعة و عدم الاسراف ... يوسف الحمدلله اتعود عالطبع هذا .. احيانا نكون بالسوبر ماركت تلاقيه اخذ زبادي للعرباية .. شوية اشوفه شال الزبادي و حط ايسكريم .. قليل و يرجع يشيل الايسكريم ويحط شبس :) (يدري انه بس له غرض واحد و يقعد محتاار) واحيانا اذا دخلنا محل العاب اقوله ماعندي فلوس حبيبي .. يقول خلاص اوكيه باقول لبابا يعطيك خخخخخخخ الله يحميه ... وناوية لما يكبر شوي احط له حصالة و مصروف بسيط واعلمه يجمع و بعدين ازود له و يشتري الغرض الي يحبه |
رد : الفلوس..؟
اقتباس:
وبرضو الكماليات فلوسي تطير بس لما افكر وين راحت ماشوف شي؟ هذا قصدي |
رد : الفلوس..؟
اقتباس:
الله يبارك لنا في اموالنا يارب |
| الساعة الآن 11:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©