منتدى عالم الأسرة والمجتمع - هخلعو واهلو واقفين معايا ضدو

أنا قريت كتير من كلام المطلقات وخصوصا الأخت الي طلقها زوجها علشان لا تنجب قولي الحمد الله انا قعدت خمس سنين زوجة وخادمة وانجبت له طفل تبارك الرحمن خمس سنين استحملت فيه مر الخيانة مع اني متعجبة زوجي من خوفي علي مش خلاني اتحجب بس لا نقبني سنين خوفا علي من عيون الناس الحمد الله الي انعم علينا بالقبول والجمال الي ممكن يكون نقمة على صاحبه بس الصبر حلو كنت اشوفه واسمع كلامه مع البنات في كل يوم بعد الفجر ولما اتكلمت كانت النتيجة انه تحول وحش ضربني وانا حامل ونزفت وكنت بموت وخلاني وخرج ياااااااااااااااه وخرجت من المستشفى وبعد يومين طبخت ورجعت لحالتي كان يبوس راسي ويقلي اموت فيكي سامحيني وبعد شهرين نعود للأول عملت المستحيل وقلت انا فيا عيوب لازم استحمل بس بعدين لقيت نفسي بموت تعبت وكل ده ليه لسبب بسيط لاني كنت مطلقة وانا في الجامعة ذل وهوان من الخوف من الفشل الثاني بس لا الله ليه حكمة في كل شيء ,مرضيش يطلق خوفا على المؤخر قلتلو خدو كل كل حاجة بس روح عني مرضيش قلت المحكمة تطلقني بس الاخوات الي في المنتدى انا وصلت لحالة من الصبر خلت اهلو جميعا يطلب مني ابعد عنو لان حرام عليا نفسي نفس الحال من اهلي تخيلو في المجتمع الشرقي الطلاق مرة مصيبة للبنت لكن فما بالك لو كان لثاني مرة والكل يشجعك على كده مش عايزة اقول ان اهلو هما جبولي محامي اكتر من كده ليه العشرة الطيبة تخلي الكل يقف جمبك وطبعا قبل الكل ربنا,قررت ان حياتي هتكون لاولادي بس الفشل في شيء مش معناه نهاية العالم,في حجات تستاهل الحياة,عليكم أخواتي المطلقات بسورة البقرة والصبر.