|
مطلقة صغيرة
السلام عليكم ورحمة الله وبركاته ،،
معلومات عني ، عمري 22 سنة ، جامعية ، محاميه مطلقه آنا طالبه الطلاق اهنيه المشكلة.... بتقولون حقودة ؟ أو حسودة قولوا!؟ مااتمنى ان تروح النعمة من عندي غيري بس ابي مثلهم ابي اتزوج ابي يكون عندي عيال تعبت من الوحدة كل ما تتزوج وحده او تنخطب انقمت ولاشعوريا ابجي عندي حاجة عاطفية والحرام ماابيه ولاابي اروح لطريقه بس تعبت ابي اتزوج او عالاقل مابي احس بهالاحساس كل ما تتزوج وحده دائما ماعندي امل ان اتزوج ولااثق في نفسي مو عشان شكلي ؟ لا بالعكس بشكلي حلو مادري ليش خايفة مااتزوج ومع ان الشباب عادي يتزوجون مطلقات عندنا مافي مانع بس آنا ابي اتزوج.. ابي الستر والاستقرار بس فعلاً ... خايفة يروح عمري وآنا ماتزوجت وصايره حساسه زايده عن اللازم وتطلقت شهر 11 من سنة 2010 وتقدم لي واحد من وقتها للحين... بس كان عمره 35 صح اعزب وفيه مواصفات زينه بس وايد كبير.. ومن يومها محد تقدم لي خايفة خايفة وتعبت |
رد : مطلقة صغيرة
آمرنآ كله بيد الله ..
انت تريد وهو يريد والله يفعل مآيريد :) الصبر ي غاليتي ثم الصبر .. والدعاء ..و الاستغفار الله يفرج همي وهمك .. |
رد : مطلقة صغيرة
هذي الأفكار اللي يحسين فيها وسوسة شيطانية
تبين تتزوجين ادع الله ليلا ونهارا..وأكثري من قول ماشاءالله لكل اللي تسمعين بزواجهم عزيزتي ان الله كريم سميع الدعاء..لاتستعجلين إجابة الدعـــوة ربي يرزقج الرجل الطيب والذرية الصالحة |
رد : مطلقة صغيرة
40 حتى مو كبير يا أختي
أهم شيء الروووووووووووووح! |
رد : مطلقة صغيرة
عمره 35 وكبير يا حسرتك ترفضين النعمة من الله بحجة أنه كبير الرجال مختلف تماما عن النساء
فهذا العمر قمة الرشد والرجولة والرزانة والحكمة , ذوقي ما كسبته يداك |
رد : مطلقة صغيرة
تأكدي أختي ان الله سبحانه ما يكتب لنا شي إلا فيه صلاح
والحاله إليي انتي فيها طبيعية وانا عشت نفس الحالة .. انفصلت بعد 5 اشهر صح ما تضايقت عشانها لأن الصدمه كانت قوية بالنسبه لي وانتهت من حياتي لكن الموضوع يضايق ويخلي الواحد يفكر متى يستقر ويرتاح ويعيش مثل الناس نصيحتي سوي نفسي حاولي تشغلين وقتج .. املي كل اوقات الفراغ .. حاولي نغمسين في شغلج .. ابدعي في الشغل اطلعي .. فعلي العلاقات الإجتماعية .. لا تقربين من اي شي يكدر الخاطر الوقت راح يمشي وبتشوفين شلي مخبية لج الأيام انا سويت جذي والله رزقني بزوجة دكتورة بعمري في لحظة حبيتها وحبتني وخلتني كأني اعيش من جديد الخلاصه .. لاتفكرين وبس وعلى فكره الصورة الرمزية عجبتني ههههه |
رد : مطلقة صغيرة
الله يكتبلك الي فيه الخير
|
رد : مطلقة صغيرة
هاذي اول مشاركه لي فالمنتدى طبعا بقولك بالنسبه لزواج والله كلنا ودنا نتزوج لا كن ما فاليد حيله يعني تفائلي بالخير
لا تحطمين نفسك الي كاتبه ربك بيصير ابنصحك نصيحه صلي صلاه الليل وادعي الله فكل صلاه خاصتن الثلث الاخير الساعه 3 ان الله يرزقك بالزوج الصالح الله يرزقك ويرزقنا وم عند ربك بتلقينه |
رد : مطلقة صغيرة
والله صغيره ندمت على الايام الى كنت زعلانه فيها ومتضايقه وانا بعمرك اعد الايام والشهور متى بتزوج الكل يقول قريب قريب ماناقصك شي واتعلق اكثر واكثر ولاارتاح بكل مناسبه لقريب لي تخنقني العبره تجرحني كلمة عقبالك نكدت على نفسي كثير وليش كل ذا شوفيني عمري ب28 بدخل 29 وللحين ماتزوجت نصيب ربي مااراد له الحمد وله الشكر على كل حال |
| الساعة الآن 01:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©