|
افضل مصمم او خياطه بالرياض ضررووي
السلام عليكم ورحمه الله وبركاته
كيف حالكم ياحلوات بنات ابي موديل وابي مصمم او خياطه ممتازه ويكون السعر معقول فصلت لزواج اختي بمشغل نورا بالاندلس ب 3600 مايستاهل الف ريال بس كنت منحده عليها والحين الزواج ب اخر 12 ومعاي وقت وابي موديل مرتب ومكان ثقه للتفصيل تكفون فزعتكم بالموديلات الله يسعدكم اجمعين |
رد : افضل مصمم او خياطه بالرياض ضررووي
حبيبتي انا من الرياض بس ما عندي خلفيه الصراحة عن المصممين والخياطين طول عمري وانا اشتري جاهز ورووووعه ألاقي الموديل اللي في راسي جاهز ويجنن والأسعار ا معقوله 1800/1500 اما اكثر بالنسبة ليه احس مبالغته حتى لو زواج أختي فشوفي الجاهز ماراح تنمي
موفقه |
رد : افضل مصمم او خياطه بالرياض ضررووي
ليش ما تشوفين الماركات المعروفه هارفي نيكلز مثلا فساتينهم حلوه تلاقين بحوالي 3 الاف وشيء راقي
|
رد : افضل مصمم او خياطه بالرياض ضررووي
احد قايلكم غاويه شقا انا ودي بالجاهز بس اخاف احصل احد لابس زيي وهالفرح هذا اهله ناس ماتهمهم الفلوس
يعني حتى لو اخذت غالي ممكن احصل احد لابس مثلي وتوها صارت قدامي من كم يوم بفرح لقيت وحده بعمري ووحده كبيره لابسين نفس اللبس والفستان غالي ومع ذلك فيه احد غير هالبنت شاريه ووحده كبيره مرره حاجه محرجه مابي اطيح بالموقف ذا ابي افصل موديل ولاالاقي احد لابس مثله ☺ |
رد : افضل مصمم او خياطه بالرياض ضررووي
اختي سوي بحث عن المصممات بالرياض ..
واحكمي بنفسك .. ولو تبين مصممه شغل مضبوط .. من 3 وفوق .. لان هي الي بتجيب القماش.. والمصممات السنعات مايجيبون الا اقمشه عليها الكلام عشان سمعتهم .. انتي حددي كم ميزانيتك وحاضرين للحلوين .. بعصر مخي لك .. ولو اني اعشق الجاهز .. |
رد : افضل مصمم او خياطه بالرياض ضررووي
انا اروح للي في الاندلس ورحت لها ومره هالمره مولعه نار وموديلاتها ماعجبتني
قالت تعالي بعد اسبوعين بينزل كتالوج جديد بس حطي في بالك الاسعار من 3000 وطالع وطبعا كل شي عليها انا جربتها خياطه مظبووطه بس موديلات ماحصلت وبصراحه انا هالزواج يهمني عسانا نلحقه ع خير طيب اقلها عطوني لون حلو او موديل مو ضروري المكان بس ابي صور |
| الساعة الآن 06:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©