|
خطبني ورفض قبل الشوفه والان عاد يخطب من جديد اش رايكم؟؟مستجدات بالرد (21)
السلام عليكم ورحمة الله وبركاته قبل ثلاثه شهور تقدم لي شخص من قبيله اخرى عن طريق ناس نعرفهم وجانا البيت وتعرف الوالد واخواني عليه وكان مستعجل وقالو انه خجول جدا ونه طول الوقت مستحي والوالد مسك تحقيق (هذا من حقه ) يساله عن اسم العائله واخوانه وقبيلتهم بعدها بيوم اتصلت امه قالت مافيه نصيب بدون ذكر سبب الان رجعت تتصل الام وتقول نبي البنت والولد بس زعل من كثر الاسئله والتحقيق الي سواه ابوها :( انا رفضت على طول قلت مابيه لاكن اهلي قالو لاتستعجلين الرجال منصب وواصل واهله طيبين واستخرت واتصلو قالو هاليومين يجي الولد يشوفها انا قلت يمكن خيره سبحان الله وخليه يجي ويشوفه عمي يشتغل بنفس مجاله وسال عنه والكل قال انه جيد لاكن منطوي ولاله علاقات بزملائه والحين اش رايكم قلت لاهلي ارد لهم بكرا اذا بيجون اولا لو انت او انتي صار لك هالموقف تتقبلين عادي؟ احس انه اهانه لي انو رفض بالبدايه بعدين رجع عمري 28 والولد31 والله تعبت من كثر مانخطب ولايتم الله يعين :29: دعواتكم |
رد : خطبني ورفض قبل الشوفه والان عاد يخطب من جديد اش رايكم؟؟
اصبري عادي
يمكن الرجال كان عنده خيار ثاني غير بيتكم،،، بس قارن بين البيوت وارتاح لكم،،، اتوكلي على الله ولا تدققين كثير |
رد : خطبني ورفض قبل الشوفه والان عاد يخطب من جديد اش رايكم؟؟
مافيها شي تصير غالبا ..
يخطبون ويعتذرون و ثم يرجعون مرة ثانية بس كويس عندهم عذر يعني مو بس كذا سبهللة استخيري وافضلي استخيري كثير لين ربي يكتب لك الخير بإذن الله موفقة يا قمر |
رد : خطبني ورفض قبل الشوفه والان عاد يخطب من جديد اش رايكم؟؟
الله يوفقك واستخير وكرري وكذالك الاستغفار والدعاء الى وقت ابداء الراي
وغير كذا احب انبهك لربما والله اعلم والبعض قام بها انه يتفرج عليك كشوفه ويمشي كنوع يطيحك من راسه مهما اعطاك الناس او هم اعذار هناك امور غيبيه لا نعلم بها وهناك عدم المصداقيه وسبب ان ابوك يسال مافيها اي شي الان كثر الاستهتار والطلاق واشباه الرجال اعتبر عذرهم مو مقنع ...ابوك كثر اسئلته وسئل عنه اللي واثق من نفسه يمشي ملك وان كان هناك من يتبلى على سمعه شخص الله يسبب سبب حتى يصرفكم ليس كون عيب بالطرفين لان ف المستقبل ربما لاتتوفقون ف التواصل حتى لو كنتوا متوافقين الشروط استخارك تستمر حتى يتم موضوع الزواج والدعاء والاستغفار ومسئله نحط انفسنا مكانك من الصعب ان نتخذ قرار مصيري بحياه احد وهل كثر الاعداد الموافق لنفس الراي تمشي عليه يعتبر امر خاطئ جدا ان تنظري اليه..استخيري ربهم كلهم وادعيه ووكلي امورك عليه اللي ارجعه ربك واللي بينطق بالموافقه والرفض ربك هو اللي تلجئ اليه الان وقت اخر الليل روحي افرشي سجادك وادعيه واستخيريه الله يكتب لك الصالح والخير معه او مع غيره |
رد : خطبني ورفض قبل الشوفه والان عاد يخطب من جديد اش رايكم؟؟
اختي استخيري الله واخري الشوفه حتى تطمئني له ثم اوصيكم بالسؤال عنه الناس الثقات حتى لو طال الوقت وانصحك الا تستعجلي ولا تتاثري بكلام اهلك فانت من سيعيش معه وليس هم (ولو اني لم اعد اثق في كلام الناس فهم يزكون اي احد عشان يتزوج بدون ذمه ولكن اسئلوا الثقـــات واستحلفوهو بالله ان يقولو الحق ) الانطوائيه صعبه جدا ولها اثار سلبيه عليك وعلى ابنائك فستظرين لترك الخروج وزيارات اقاربك وان ذهبتي فستذهبين بمفردك وانا اقول هذا من باب التجربه فزوج ابنتي لايحب ملاقات النا س حتى ان كانو اهل مرته ؟؟ ولايحب الناسبات والعزايم وفقك الله لما فيه خيرا لك واسئله ان يرشدك ويدلك للصواب |
رد : خطبني ورفض قبل الشوفه والان عاد يخطب من جديد اش رايكم؟؟
بصراحة لو كنت مكانك احافظ على كرامتي وارفضه مايستاهل
لان الي مايبيني ماابيه وكل من له وجهة نظره |
رد : خطبني ورفض قبل الشوفه والان عاد يخطب من جديد اش رايكم؟؟
خودي فرصتك للاخر ادا في المرة الاولى كان عدم توافق او تفاهم على بينة هده المرة ستكون رؤية اوضح انتي ما خاسر شئ ادا فيه نصيب خير و بركة و ادا ما فيه الله يعوضك بالاحسن منه
|
رد : خطبني ورفض قبل الشوفه والان عاد يخطب من جديد اش رايكم؟؟
مشكورين الله يعطيكم العافيه استفدت كثير من ردودكم
االوالد يقول الولد جاي هو وابوه واخوانه بكرا لان المره الاولى جاء لحاله وقاله انا راح اجيبهم اذا جيت يعني بكرا راح تكون الشوفه وانا استخترت ودعيت والله يسخر لي مافيه الخير دعواتكم |
رد : خطبني ورفض قبل الشوفه والان عاد يخطب من جديد اش رايكم؟؟
الله يكتب لك الخيرة والتوفيق ويتمم امرك اذا كان زوجا صالحا
|
رد : خطبني ورفض قبل الشوفه والان عاد يخطب من جديد اش رايكم؟؟
وعليكم السلام ورحمة الله وبركاته
عادي تصير كثير ناس يخطبون ويرجعون مرة ثانيه. عجبني أبوك ومعه حق ، بنته ويبي يتطمن ليش هو يزعل ويسميه تحقيق !؟ قولي لأبوك يزيد التحقيق زين على قولته هه لا يتهاون في السؤال ؛ لأنه مايخاف من شيء إلا إلي عنده حاجه يخفيها ،:؛الله يكتب لك إلي فيه الخير أكثري من الدعاء والاستغفار والصلاة على النبي صل الله عليه وسلم. دعواتنا ترافقك. |
| الساعة الآن 03:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©