بسبب كذبه وخيانته عاهدت نفسي ما اصدق معه!!(لمستجدات بالرد 14)
 

وهذه قصتي واستنتجوا السبب
املةً الراي والمشورة والفائدة؛

بالبداية انا لما كنت بالثانوي كنت مثل مايقولون ملتزمة ، وكنت اتمنى زوج ملتزم بالدين مع ان اهلي كانوا عاديين *وتقدم لخطبتي شخصيات متعددة منهم الملتزم ومنهم الضابط الخ الخ*
ولكن اهلي كانوا لايستشيروني بحكم اني صغيرة وما اعرف مصلحتي فاي شخص مايليق لهم لنسب او لسبب كانوا يرفضونه حتى الملتزم!*
المهم درست في كلية الشريعة بحب واختيار وقناعة دون اجبارواثناء دراستي تقدم لي شخص عادي ولكن ابي يعرف والده من بعيد وسمعته ممتازة *فلماجاؤاعندنا وافق والدي دون مشاوره*
ريثما *اقتنع ( اقتناع اجباري)تقريبا!
واستخرت ورفضته واجبروني اهلي بطريقتهم بالثناء عليه ، وطلبت منهم السؤال عنه واجابوا ان لا داعي فالولد محترم وباين انه عاااقل ورجال!!*
ونحن نعرف والده فاقتنعت على مضض ، وكان حينها قد تخرج من الجامعة ولم يتوظف الا بعد زواجنا بسنه،
ولما تزوجنا احببته واحبني وكان يخدمني وانا ادرس*
يطبخ احيانا وينظف ويغسل الملابس *الخ الخ ،، وكان يحاول يوهمني انه ملتزم بحكم اني ملتزمه،
وبعد كم شهر احسست انه بدا يمل يدخل حمام الضيوف ويطول الى نص ساعة واسمع اصوات اكياس وخرفشه وعندما يخرج اجد عيناه حمر ومزاجه زفت!
واكتشفت كيس ابيض واخذ ابكي واصارخ *واسئله عنه وهو ساكت ويقول ما ادري وش!
ويسفهني ويطلع*
وبعدين تطور الوضع وصار كل اربعاء اذا كنت بزور خالتي او بيت جدي *بحكم ان اهلي قبل ماكانو في نفس منطقتنا ،
فكنت اجي بيت جدي على اساس مسيره
واذا نزلت بنص ساعة *يتصل ويقول انا مسافر للبر وانتي نامي اجيك الجمعة!!!!
طبعا طلعتي تنقلب نكد واقعد ابكي وادق عليه ومايرد خلاص!
تخيلوا مامعي اغراض واحيانا يكون بيت جدي ممتلى بالزوار والناس ،المهم اذا رجع اقعد اصارخ وابكي واحيانا اضربه وارميه بشي وهو يضحك ويقلبها مزح ويحاول يرضيني!
تقريبا سوا هالحركة اربع مرات!
بعدها رجعوا اهلي لنفس منطقتنا واستقروا وصار يسهر ويجي الصبح وانا نفس الموال ، طبعا اهلي اذا شكيت لهم يبينون لي ان الوضع عادي واسفهيه كم يوم عشان يتأدب، وماكانوا فاضين لمشاكلنا لانهم كانوا غاطسين بمشاكل اكبر،
طبعا انا كنت ملاحظه بروووده وتطنيشه فكنت ارفض اني اطنشه اسبوع او شهر لاني اعرفه ماتفرق معه،
المهم بعد كم سنه تطور الوضع وصرت اذا طلبت مسيار لاهلي اللي كانو بعيد من حينا تقريبا 1/3ساعة كان ينزلنا ع اساس مسيره *ويسفهني يوم كامل واذا قلت ليه ماترد على مكالماتي يقول مصمت الجوال ونايم !!!ولما اجي اناقشه كيف تنام يوم كامل يسفهني ويغير الموضوع او يطلع *
طبعا انا ازعل واسفهه بس هو بااارد يطلع ومايجي الا الصبح وانا اقعد احترق،
المهم مره سوا نفس الحركه وطلبت من اخوي يرجعني لبيتي الساعة وحدة ونص*
وخلت البيت وكان قايلي انه مو بالبيت وانه ممكن يسافر وماعاد رد على مكالماتي*
فدخلت البيت بهدووووء بعد ماتفاجئت بسيارته برا،
وكانت الطااامه ،
ماسك كاس الخمر وسكران ويدردش في مواقع اباحية!!!
طبعا انا قدام اطفالي قعدت اصرخ بدون شعور *وارجف...
وبعدها فتحت على دردشاته ولقيته يواعد بنات الرياض وبنات المغرب *وانه بيجيهم لمراكش ويطلب صورهن وعناوينهن !
طبعا واجهته وانكر وسفهني وبعدين يحاول يقنعني ان الايميل مخترق! بعدها قالي انها زله وانه بس يتسلى ومافيه من اللي ببالي شي وقعد يحلف انه مايشرب خمر وانه مو رايح المغرب واني اتوهم !*
بعدها سالت امه وقالت لي انه يشرب الخمر من قبل زواجنا!
*مرشهر وانا ماعرف النوم من كثر الصدمه فيه لانه كان بالنسبه لي كللللللل شي ولا ارضي احد يشكك في اخلاقه ،،
المهم بعد شهر قالي انه بيروح انتداب *للحفروطلبت منه اثبات لاني شاكه وجاب ورقه من العمل وما اقتنعت ورفضت روحته*
وحب على راسي وقال يله يا ام فلان تبين شي انا رايح!!
انا هددته ورحت اهلي وحقدت عليه حقد ، واكتشفت انه بالمغرب عن طريق الاتصال ! وعشر ايام ومايرد علي!
وجا بعد عشر ايام *مره يهدد ومره يترجى !
ورجعت بعد اسبوع،
لكن انا مو اللي يعرفها قبل خلاص عاهدت نفسي اني ما اصدق معه ابد وصرت اكذب عليه حتى في الاشياء التافهة واخذ جواله وارميه واذا سالني اقول ما ادري يمكن الصغار بكل برووود !
اقسم بالله ماكنت اعرف الكذب وماكنت احب اكذب بس احس اني حاااااقده عليه كثير
والحين اذا سالته عن تصرفاته قبل يحلف بالله العظيم انه ماوصل للحرام وانه مجرد تسلية بس وانه طالع المغرب للشغل *وانه يخاف الله ومن هالكلام*
*لكن ولو تبسمت له مااقدر انسى *كذبه وخيانته.
صحيح انا ما ذكرت تفاصيل واسباب رجوعي *وصحيح كلامي ملخبط نص عامي ونص فصيح*
ولكن اللي ابي اقوله هل علي لوم اذا حقدت عليه وكذبت عليه وماصرت اثق فيه ؟؟؟؟؟؟!!!
*اعذروني اخواني اخواتي على الاسهاب والاسلوب الركيك
وشكرا
*

رد : بسبب كذبه وخيانته عاهدت نفسي ما اصدق معه!!
 

بداية أحب أن اوضح باني مريت بشيء مشابه لوضعك وما اود قوله ليس فلسفة او مثالية إنما هي قناعة وصلت لها بعد معاناة أرجو من الله أن أجنبك إياها بنصيحتي لك ..

عزيزتي .. عندها صدقتِ وتحريتِ الصدق هل كنتِ تبتغين رضا زوجك وصدقه معك بالمقابل ؟؟ أم فعلت ذلك ابتغاء أجر الله عز وجل ورضاه
ان كنت فعلته لرضا زوجك فهو فعلا لم يقابلك بالصدق فاكذبي ما شئتِ وإن كنتِ ابتغيت أجر اكريم فهو الباقي الكريم .. هو من يسأل هل من داع فأستجيب له .. هل من سائل فأعطيه

اسأليه عز وجل وقولي له أسالك ربي بصدقي الذي ابتغيت فيه رضاك .. يا حبيبي أصلح لي زوجي واكتبه من الصالحين
فإن اجيبت دعوتك بالحياة الدنيا فبها ونعمت وإن تاخرت الاجابة ليوم الحساب فالكسب أعظم

رد : بسبب كذبه وخيانته عاهدت نفسي ما اصدق معه!!
 

إن لم يرتقي لمستواك ... لا تنزلي لمستواه ...
و إن لم يتعامل بالصدق ... فلا تتعاملي بالكذب ...
و إن تبع خطوات الشيطان ... فلا تتركي طريق الرحمن ...
حين نتعامل بالصدق و حين نتعامل بمراعاة الله فنحن لا نبحث عن رضا الخلق ... بقدر ما هو البحث عن رضا الخالق ... و إن كان مقدراً لك أن يكون إمتحانك و إبتلائك بزوجك .. فلا تجعلي هذا الامتحان سبباً لخسارة دينك ... *

رد : بسبب كذبه وخيانته عاهدت نفسي ما اصدق معه!!
 

جزاك الله خير
كفيت ووفيتِ،
حقيقة مشاركاتي هنا تدور على نفس المشكلة
وهي تتكون من جزئين
1/كيف انساها
2/كيف ارتاح من صدمات المستقبل واثق فيه
،،،،،،
هذه المشكلة (الصدمة)
كلما حاولت اتناساها تجددت
مرة اخرى شكرا لكِ هذه المشاركة الوجدانية

رد : بسبب كذبه وخيانته عاهدت نفسي ما اصدق معه!!
 

صحيح اخي ولهان
اسال الله ان لايبتليكم بالخيانه فانها بئست البطانة
.......
واسال الله ان يذهب عني الحزن والاكتئاب وعن كل من ابتلي بهما

رد : بسبب كذبه وخيانته عاهدت نفسي ما اصدق معه!!
 

رد : بسبب كذبه وخيانته عاهدت نفسي ما اصدق معه!!
 

الله يعينك .......

وين اهلك عنه ..... ليش ماياقفون معك ....لاتستسلمين وضعك يبغاله رجااااال

رد : بسبب كذبه وخيانته عاهدت نفسي ما اصدق معه!!
 

مع رأي الأخت كنافه
لاتسكتين
فرج الله همك

رد : بسبب كذبه وخيانته عاهدت نفسي ما اصدق معه!!
 

وضعك صعب
يشرب ويواعد!!

زين علاقته. معاك عاديه والا بااارده؟؟
ليش رجعتيله؟؟
يعني شـــنـــ😳ــــٌووٌ؟! تسليه؟؟ اذا يواعد يروح يشوفهم ويرجع!!
وعلى أًٍيّـَِـْْ♡ـْْـَِ اساس قالوا انه ملتزم!!

رد : بسبب كذبه وخيانته عاهدت نفسي ما اصدق معه!!
 

اقول ياعزيزتي سكوتك ورجعتك له كانت غلط المفروض انك ماخذه موقف صارم ومدخله أهلك

تعرفين وش معنى يواعد ويسافر ؟؟
يعني يمكن يجيبلك أمــــــــــــراض فهمتي أمراض!!