|
كيف استعيد ثقة اهلي فيني
السلام عليكم ورحمة الله وبركاته كيفكم انا عضووةة جديدة بينكم واتمنى تتقبلووني مشكلتي باختصار انا كنت اكلم شاب واهلي اكتشفوا هالشيء وصاروا ما يوثقوا فيني ولا يعطوني لاب او جوال زي اول>>مع العلم انا ما اشتريت لكن كنت اخذ حق امي اللاب بس اليوم اخذته بالدس عشان اكتب لكم مشكلتي ال كانوا واثقين فيني لكن انا غبية خربت كل شيء امي بدات ترضى علي بس ثقة؟؟الله اعلم ابوي دايم يبان على وجهه انه زعلان مني وانا ما ابي هالشيء لانه اغلى النااااس عندي بججد وما اقدر على زعله اول لما يزعل مني شوي ويرضى اما الحين له تقريبا اسبوع قد ايش تكون فرحتي لما اشووفه رااضي انا الحين ابي استعيد ثقتهم فيني ولو اني عارفة ان الثقة مثل التحفة اذا انكسررت ما ترجع زي ما كانت كيف اخلي ابوي يرضى علي ويستعيد ثقته فيني مع اني ما استاهل انا بهالحياة استاهل شيء واححححد استاهل اني اموووت وبسسسسسسسسسسسسسسسسسسس تكفووووون ساعدووني وحلوا مشكلتي:( انا ما لي بعد الله احد غيرككككم وربي لادعي لكم ليل نهار بحفظ الله 3> |
رد : كيف استعيد ثقة اهلي فيني
التوبه تجب ماقبلها
اهم شي توبي وارجعي الى الله ولاتعودي لما كنتي عليه وتقربي الى الله بالطاعات والصلاه في وقتها والنوافل وتقربي من اهلك بطاعتهم وحسن الخلق وان شاءالله ينسون مع مرور الوقت الموضوع قريب واسبوع مو كافي للنسيان اصبري |
رد : كيف استعيد ثقة اهلي فيني
اجلسي معاهم و قولي انا اعترف اني غلطت و الشيطان لعب علي و لكن الحين انا كبرت و فهمت و عقلت و استوعبت ان هذا الطريق اخرته عذاب فالاخرة و هذا الشي ماكان يرضيكم وانا كنت اتصرف بطيش لكن الحين لولا الله ثم وجودكم ما كنت اهتديت...
الله يخليكم لي.. او اكتبيه اذا ماقدرتي تقولينه. .. هم بس يبونك تستوعبين غلطك و تعتذرين... و مع الوقت بينسون ... و الجوال لا تطلبينه بس بعدييين وضحي لهم بطريقة ذكيه انك محتاجته ... و اهم شي انك بنفسك تكرهين المكالمات لانها والله تدمر الحب اللي بقلبك االلي مفروض يكون لحلالك زوجك بالمستقبل .. و بس |
رد : كيف استعيد ثقة اهلي فيني
السلام عليكم اختى العزيزه الشي الذي سويتيه يجرح ابوك ويخليه كئيب ويجب الهم له علي مدار 24 ساعه
ولكن حلو منك اعترفتي بغلطتك والتوبه تمحوا ماقبلها انا ودي اموت ولا اشوف او اتئكد بنتى تخوني او تكلم او تغازل المهم انتى اكثري من الاستغفار واذا تبين اهلك يثقون فيه وتكونين محل الثقه لا تشلين جوال نهائي اتركيه ولايطري علي بالك حتى لو يحصل لك جوال وترجع الثقه اهم شي ترجعين فرحة ابوك وانتبهي حق نفسك ماورا المكالمات خير مصايب وضياع وخداع وكذب وش استفتدي من المكالمات الشاب مدري عنك ومبسوط مع اهله وانتى في هم وابوك في هم يعني قلبتي فرحه البيت وانا اقول الكلام هذا والله اتلكم بخلاص لك الله يستر عليك ويزين احولك |
رد : كيف استعيد ثقة اهلي فيني
انتي اعترفي بغلطك امام رب العالمين و توبي لله توبة نصوح و ربي يصلح الحال مع الابوين انشاء الله
اطلعي على موقع الاسلام سؤال و جواب و موقع طريق السلف و شوفي الحكم الشرعي و الله راح تخجلي من حالك قبل ما تخجلي من ابويكي خليه لك درس مدى الحياة |
رد : كيف استعيد ثقة اهلي فيني
كوني كما يريد الله (سلوكا ربانيا) ويكونون كما تريدين<<<<تجربه
بمعنى اعبدي الله حق عبادته و واهربي له(((( ليس لتخبريهم عن اسفك)))) بل لان الله يستحق ان تتوبي له فالله رب قلبك وقلوبهم قلوبنا بين اصبعي الله يقلب فيها كيفما يشاء |
رد : كيف استعيد ثقة اهلي فيني
اخلصي بتوبتك الى الله
بعدها تكلمي مع ابوك واوعديه بأن هذا لن يتكرر وتناقشي معه في الموضوع ( هذا اذا كان والدك من النوع الذي يتقبل النقاش مع الابن في حال الخطأ) يااختي اذ تتركي النسيان للزمن راح يطول الموضوع انتي من تبنين الثقه التي انكسرت |
رد : كيف استعيد ثقة اهلي فيني
جمانة
عيون الفرح بدوي راقي ايمان استأنس غربتي اشكركم من كلللللل قلبي وشكرا على النصاااايح الله يعطيكم العافية Venus اشكرك جزاك الله خييييييرا لكن نقاش ما اقدر انا استحي من ابوي مررة ومستحيل ارجع افاتحه بالموضووع مقدر انا حتى اي شيء ابيه ما اطلبه منه الا وين ووين مررة استحي ويعطيك العافية ^_^ |
رد : كيف استعيد ثقة اهلي فيني
وترى السبب بالي يصير كله (أمي)
انا صح احبها واغليها لكن هو لعب علي الشيطان والسبب الرئيسي هي :( وما اقدر اقول السبب هنا لازم خاص وانا ما اقدر ارسل خاص؟ بامكانك التواصل مع القسم الاستشاري الخاص في المنتدى |
| الساعة الآن 10:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©