|
زوجي قسم بالله تعبت نفسيا منه , ساااعدوني
السلام عليكم ورحمة الله وبركاته صراحة انا عضوة جديدة وكنت اتابعكم بصمت : ) آمم انا عمري 19 ومتزوجة صار لي سنتين وماعندي اطفال وادرس زوجي من الاساس يقرب لي , مم تعليمه متوسط . والصلاة يصلي في البيت بس نادرا اذا طلع يصليها بالمسجد :/ , او لو كان مع اخواني او مع ناس يصلوون يروح يصلي ب المسجد ! طيب وحليو معي ويحبني ومايقصر معي الحمدالله لكن فيه مشكلة ابدا ابدا مو عاجبتني اولاا : دايم يحاول يبين لي انه مايعرف شي اممم يعني مثلا لو يجلس ع اللاب توب يقول انا مااعرف الا قوقل و كذا منتدى وبس وهو العكس اصلا , لما اطلع انا اروح اي مكان وهو يرجع البيت وارجع اشوف بلاوي والله :( يتقطع قلبي قهر وش انا مقصرة فيه علما اني قد لقيت بايميله مقاطع ومسحتها من غير مايدري ,, يعني انا من زمان ادري تقريبا من بعد زواجنا بفترة بسيطة وكل مرة اقول بيعقل بيتغير وهو مكانك سر احس بديت اكرهه مااطيق قربه :/ لما نتفرج فلم بالتلفزيون وتجي لقطة مش ولابد يغير القناة على طول والا يغطي ع عيوني : / طيب ليش وهو يشوف بلاااوي اكبر من هذي يعني ليش يسوي نفسه قدامي انه انا الشخص النظيف والمؤدب وهو اصلا مو كذا اممم ثاني شي : هو كان صاحب مكالمات في السابق قبل الزواج وحتى فترة الملكة بعد : ( ولما دريت بهالشي وربي انقهرت وندمت : ( والمصيبة اني اكتشفت انه بعد الزواج كان يكلم ايضا ! اول مرة ناقشته ووعدني انه مايسويها ونسيت السالفة المرة الثانية يوم لقيت له بجواله رسايل ماتكلمت معه وعلى طول كلمت واحد من اخواني يمون عليه وزوجي اصلا يخاف منه ويقدره والحمدالله اقدر اقول انه تأدب بس المشكلة اني مو قادرة انسى / احس مااعاد اقدر اثق , يعني انا لسا في بداية حياتي كنت راسمه عنه شي حلو وحياة حلوة نعيشها بس الحين خلاص احس رااح كل شي خرب كل شي / احس مو قادرة اكمل معاه الشيطان دايم يوسوس لي انه يسوي كذا وكذا انااا تعببببببببببببببببببببببت انا مااقدر اواااااااااااجه مااقدر اتكلم معه على طوووول ابكي احس اني ضعيفةة انا من الاساس قليل كلامي ومااحب اناقش احد بس الموضوع ذا مسبب لي ازمةةةةةة تكفون افرجوها علي الله يفرجها عليكم : ) اي استفسار انا حاضرة وعذرا على ركاكة الاسلوب بس اكتب وانا مستعجلة ومقهورة : ( : ( |
رد : زوجي قسم بالله تعبت نفسيا منه , ساااعدوني
اعانك الله .. بعدك صغيره ..
هذا هو الغزو الفكري اللي قدروا اعداءنا يدخلون علينا فيه .. وهو ما حذر الرسول عليه السلام ( فتنة النساء ) زوجك وقع فيه .. وبإذن الله انه فيه خير .. والله يصلح احوال المسلمين ليكن همك رضا الله .. والستر عليه .. ونصحه بالتي هي احسن .. وحاولي ان تتوافقي معه عاطفياً .. لتصلي معه لدرجة الرضا والإكتفاء وعليك بالحوار .. مافيه افضل منه للزوجين تعرفي ما يحب وما يكره وما يتمنى .. وحتى هو يتعرف على شخصيتك اكثر .. وعليك الإقبال على الله في الضراء والسراء ... فلا منجا منه الا إليه وابعدي عنك الافكار التي توردك المهالك وتخسرك دنياك واخرتك . جعلك الله قرة عينٍٍ لزوجك * |
رد : زوجي قسم بالله تعبت نفسيا منه , ساااعدوني
اقتباس:
^^ ركزي على هآذي وحآولي تنميهآ في زوجك .. وآلبآقي مقدور عليه مع الزمن .. وآدعي له انه ربي يهديه ويصلحه .. وفيه نقطه حبيت انبهك عليهـآ .. حآولي يكون بيتك سور منيع حتى عن آهلك .. لقيتي من زوجك زله دآري عليه مو مره وآلثآنيه تقولين لآخوك ..:( لآنه الموضوع بيكون حيآء من آخوك ومو تقدير لمشآعرك .. ومره عن مره يروح الحيآء ويبدأ العنآد ويصير يسوي كل شي يضآيقك بس لآنه يضآيقك .. لكن لو احتويتي الموضوع بيكون آفضل لك ولزوجك وستر لبيتك في النهايه .. آصبري قدآمك الحيآه طويله .. والله يرزقكم بطفل يملى حيآتكم ويشغلكم عن التدقيق على بعض .. |
رد : زوجي قسم بالله تعبت نفسيا منه , ساااعدوني
صراحه عقلك اكبر من عمرك .. وحلو الستر وتحاولي تعطينه فرصه ... وين ذي ماشفتهـا والله بحريم كثيـــــــــــــــــــــــر .. لان من تحت ايدهـا ع شيء تقلب الدنيآ وتاكله بقشورهـ !! |
رد : زوجي قسم بالله تعبت نفسيا منه , ساااعدوني
لا حول ولا قوة الا بالله
الحل ان تتثقفي في الدين اقرئي كتب كثيره لعلماء موثوقين مثل بن باز وعثيمين وتعالي له بالدين لكن لا تكوني مثل امه او معلمته كوني صبوره اولا وعامليه كزوجه محبة لزوجها ولا تريد له الا الصلاح بما انه طيب اذا الصبر والدعاء جميل رد شقرديه ولا اريد الاضافة عليه ولكن حاولي ان تبعدي نفسك كن الوسواس الم يقل لكي انه لا يعرف شيء في الكمبيوتر قولي له تعال نتعلم نفسر آية وتناقشو فيها قرري معه حفظ ولو آيتين بالتفسير كل يوم ساعديه ليتخلص من الذنب وكله بالحيله زوجي الله ينظر الينا والى ما نفعل وقصص مثل الذي حاولت فتاه الايقاع به فاستأذن منها للذهاب للحمام اعزكي الله فلطخ نفسه بالنجاسه وخرج فنفرت منه وطردته هل يفعلها الان من الرجال الا قليل بل لو بأيديهم لما اغمضت اعينهم لحظه حتى لو طرف عين عن القنوات والمواقع التي لم تزدنا الا هما وحبا في الدنيا وضيقا في الرزق والله المستعان لا اريد الاطاله ولكن بما انه يفعل امامي العكس من غض بصر وووووووووووو اذا العبي على هذا الحبل وهو بأن تمدحيه وتفتخري به انا احبك انت اشرف شخص شفته بحاتي انا اثق بك ثقه عمياء انا اتعلم من اخلاقك اكثر شيء عاجبني فيك انك محترم وتغض بصرك ماشاء الله انت قدوتي للصلاح في هالدنيا ايش تعرف عن غض البصر علمني اكثر لي صديقه زوجها يقطع القلب مسكين مبتلى بالنظر للنساء وهي تحب نعطيها احاديث بهالخصوص وخلينا نكتبهن في ورقه عشان نعطيهن لها ومثلي عليه الامر فعلا وكل مالقيتو حديث هولي الامر ويالله ارحمنا لا حول ولا قوة الا بالله واقري معه على العقاب والنار وكلامك مرفق بأحضان او نظرات في العيون بس كل شيء بالتدريج يعني مش مره وحده تعطيه هالقنابل لانه ممكن يشك فيكي لكن كل مره شيء بس اهم شيء انتِ لا تحقدي عليه ولا تشيلي منه وقولي هذا ابتلاء من ربي وليست وحدي المبتليه بل زوجي ايضا الا تريدينه معكي في الجنه اذا اسعي لهدايته بالمعروف والاهم بالحسنى (ادعو الى سبيل ربك بالحكمة والموعظة الحسنة) ولا تفتحي معه الموضوع بشكل صريح خلك على حالك ويارب يستجيب بسرعه اهم شي الصبر واخلاص النية لله تعالى يعني في كل نصيحه لزوجك او دعاء او اي شيء اخلصي النية لله تعالى يارب انا احاول هداية عبدك فلان بحولك وقدرتك اعني وكله لترضى عني يا اختي والله الحياة فانيه ليش نحقد ونكره وعارفين ان اخرتنا في قبر شبرين في شبر يعني ايش ينفعك الحقد غير اسعاد الشيطان صدقت شقرديه غزو ولكن المشكله الاكبر هي كيف نتعامل مع من انغمس من المسلمين في هذا الغزو كيف نرجعه للسراط المستقيم بدلا من الحقد عليه وقذفه هو قابل للهداية باااذن الله لماذا لا نكون سببا ونأخذ حسنات ؟ ملاحظه للتخلص من وسواس الشيطان كرري (اللهم اني اعوذ بك من شر نفسي ومن شر الشيطان وشركه او ان اقترف على نفسي سوءا او اجره الى مسلم) رائع جدا عند الوسواس آسفة للاطاله الله يهديه ويصلح باله |
| الساعة الآن 06:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©