|
وش رايكم
--------------------------------------------------------------------------------
مرحبا انا بنت عمري 25 سنه مو متزوجه مضايقة حييل نفسياتي زي الزفت انا قبل فترة تقدم لي واحد يخطبني وعملنا نظرة شرعيه حسيت انه عجبته لانه كان يمدح فيني مرة لاني انا ولله الحمد جميله ومتعلمه ومتدينه قال انه راح يتصل الساعه 11 ويقولنا رايه بعدها لا اتصلو ولا شي خلاص انا قلت خيره لاني كنت مصليه صلاة الاستخاره والحين قبل اسبوع سمعت انه خطب قلت الله يسهله لكن لما عرفت من الخاطبه زعلت راح خطب بنت عمي والله لي اسبوع النفسيات سيئه والزواج ماادري كيف اروحه واسوني قلولي اي شي لو كنتي مكاني وش سويتي جزاكم الله خيرا |
رد : وش رايكم
القسم الأنسب
|
رد : وش رايكم
خيره باذن الله انها خيره
|
رد : وش رايكم
عسى ان تكرهوا شيئاً وهو خيراً لكم
لاتشغلي بالك فيه وحاولي تنسين الموضوع ولاتفكرين فيه عشان مايعظم في نفسك |
رد : وش رايكم
انت صليت صلاة استخاره والحمد الله يمكن ربي دافعا عنك بلا انت ماتدرين عنه وش يدريك يمكن ماتكونين سعيده معه ترى الخيره فيما ختاره الله والله لوان ربي كاتبه لك مافيه شي بيرد المكتوب لكن مهوب من نصيبك وان شالله بيجيك نصيب احسن منه الف مره بس ادعي ربك ان الله يوفق بنت عمك ويسعدها وانسيه اشطبيه من ذاكرتك كلها شوفه شرعيه يعني ياكثر اللي شافوا ولا اتفقوا او ماارتاحوا لاهو عن جمال ولا غيره نصيب الانسان واللي ربي كاتبه له. تراك منتيب كبيره وبيجيك الخير ان شالله والله يرزقك انشالله بالزوج الحنون الغني التقي والله يسعدك
|
رد : وش رايكم
حياكِ الله أختي قمر ..
الحمدلله على كل حال .. إنه أمر لم يقدره الله سبحانه وتعالى ولم يكتبه أن تتزوجي منه .. فلا تسخطي من قدر الله ولاتعترضي .. ارضي بما قسم الله لكِ وقولي ( الحمدلله على كل حال ) .. الرضا بقدر الله سبيل لسعادتكِ ومسح الحزن عن خاطركِ .. تفائلي خيرا ..ولا تستسلمي للحزن . وفقكِ الله ورزقكِ الزوج الصالح الناصح . |
رد : وش رايكم
ياحبيبتي انتي خلي هالقاعده ببالك دائما .. (لن يأخذني الا من يستحقني ) ..
ولما راح عنك هذا يعني انه مايستحقك .. لاتحزنين ياقلبي هذي ردة فعل منك اتجاه هالموضوع وبتعدي ان شالله .. وربي بيعوضك ان شالله ماراح يضيع شي .. ونصيبك بتاخذينه انتي وهذي ارزاق متى ما اراد الله بتصيب الله يوفقك ويعوضك خيرر .. |
رد : وش رايكم
هذه أحد فوائد الإستخارة سبحان الله
صرفه الله عنك لأنه لا يناسبك واحمدي الله أنك لجأت لربك في الوقت المناسب فلماذا الحزن والقهر؟!! واحضري زواج قريبتك منه فالأمر لا يستحق أن تجعلي من نفسك علكة في أفواه الناس |
رد : وش رايكم
روحي العرس وباركي للنت عمج
واحمدالله إنه صرفه عنج.. ورددي اللهم ارزقني الرجل الصالح الذي ترضاه لي |
رد : وش رايكم
روحي و انبسطي .. و لآ يهمك احد ولا الناس يقولون سحب عليها و جايه
اكشخي و خلي الابتساإمه شاقه ووجهك وقبل الزواج حاولي تطلعيين كل كبت جواتك .. ولما تحظرين تكونين قويه و مسيطرإ على نفسك اهم شيء لآ تخليهم يحسوآ انه في شيء ناحيتك .. تاكدي مليون فالميه خيره .. كل تاخيره فيهآ خيره |
| الساعة الآن 12:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©