|
تكفـــــــون اسمعوني. {مستجدات بالرد 35}
ليـــــــــه بس البنت تتعدى الخمسه وعشرين يبدون يحسسونها انها خلاص طاح كرتها وانتهت صلاحيتها وصارت عاله على نفسها وعلى أهلها
حتى لوكانت جميله ومتعلمه وتنخطب من هي صغيره بس النصيب ماحان وترفض عشان يجيها الأكفأ مارضت بمن هب ودب و ماهو كفو ولا مؤهل لزواج حتى لو كــــــان حباب راعي حبوب ومخدرات بس اهم شيء تنقلع البنت تذلف شيء يبون يفتكون منه وينفضونه منهم تقدم لي العام واحد الكل شهد له انه راعي حبــــــــوب ومخدرات وسمعته بالقاع ومع هذا والدي كاد انه يزوجنياه بس أخواني رفضو واليوم صعقت بشي وبككلام خلى جسمي ينتفض يــــــرجف يرجف خوف من الدنيا ومن هالوالد ومن بكره ومن مجتمع مايرحم بس لأنـــــــــي بنت بـــــــنت اه اه تقدم لي رجل شايب و متزوج و والوالد يبغى ومصر يزوجنياه طيب ليه يابوي ليه عشاني تعديت الخمسه عشرين ليه يابوي أنا صرت عاله عليك ليه يابوي سمعتني هالكلام ليه قلت أني عجــــــــوز وعانس وأذا ماتزوجت هالرجال ماراح احد يخطبها أنت كتبت نصيبي يبــــــــــه،، انت الأرزاق بيدك يبه،، ليه تبي ترميني ليه حسستني اني خلاص العد التنازلي لي بدى ليــــــــــــــه ليـــــــــــــــــه لا ويقول بعد ويهدد أذا ماتزوجت هالرجال والله ماتتزوج طول عمرها يــــــانــــــاس هذا اب اصلآ أنا طول عمري ماحسيت بحبك وبحنانك ماشفت منك الا القسوه والغلظه خليتني أخاف من الدنيا من خــــــوفي منك ، أنا منهاره واكتب وانا ارجف الشعور الي فيني قاسي صعب صعب تفقدي الأمــــــــــــــــــان الأمــــــــــان ومن اقرب الناس اه اه أنا ماعلي منه راح اصر على رفضي ولو كلف الأمر أني أنتــــــــــحر ولا اتزوجه بس أنا قهرني كلامه قهرني نعته لي بالعجوز مع ان عمري سته وعشرين،، قهرني ان هذا ابوي سند البنت تاج راسها يقول كذا يــــــــاناس والله شعور يمــــــوت يموت ياليتني كنت ولد ماخاف احد ولاخاف من بكره امري بيدي واطوع كل شيء على كيفي ماحد له سلطه علي ياليتني ولد ماكانت الحين ارجــــــف خــــــوف،، اختنق قهـــــــــر سامحوني كلامي ملخبط بس اكتب وانا منهاره.. |
رد : تكفـــــــون اسمعوني
ولا تخافى ولا ترجفى ياومضه
ليه كده يابنتى .. مين قال ان السادسه والعشرون عجوز .. لا تقلقى فعندى زميله بالعمل تزوجت بعد الخامسه والثلاثين ( الشر بره وبعيد ) وتزوجت وانجبت ولد وبنت ولسه محادثانى اليوم تشرح لى حياتها مع زوج لايريد ان يؤمن مستقبل اولادها وينفق عليها بالقطاره .. هو متزوج ومعه اولاد .. اقول هذا لاوضح ان هناك من يبدا حياته بعد الثلاثين وتنجب وربنا يكرمها .. واكتب لاوضح ان الزواج باى شخص لمجرد البعد عن شبح العنوسه او للانجاب فقط فلن يجلب لها السعاده .. لا تباسى فابوك يطلب مصلحتك ولكل منا طريقته فى التعبير عنها .. فقط نصيحه لا ترتبطى باى شخص لمجرد الهروب من كلام والدك .. عندى الحياه بدون رجل افضل من الارتباط بمن يذيقك الذل والهوان .. لساكى صغيره فلا تشيلى الهم وسيجيئ النصيب لمن ترضى اخلاقه ودينه وبعدين انتى شايفانا عدلين قوى |
رد : تكفـــــــون اسمعوني
الله يجزاك خير أخوي رؤف
والله أنا رفضت خطاب قبل عشان ماطلع من قبر واروح لقبر ثاني ماطلع من جحيم واروح لجحيم أكبر أنا ابغى حياه هاديه حياة القى فيها انسانيتي المسلوبه مني. من يوم وأنا طفله مع هالأب ابغــــــى اعيش مع أنســـــــــان انســـــــان ماخاف من الدنيا معه رفضت ورفضت عشان يجيني من ارضى خلقه ودينه من يكون انسان ولاتقول يبي مصلحتي الأب الي يبي مصلحة بنته مايزوجها راعــــــي مخدرات عشان يفتك مني انت تتكلم عن الأباء الطبيعين مو مثل هالأب أنا خـــــــايفه خــــــــــايفه اعذروني مدري وش اكتب |
رد : تكفـــــــون اسمعوني
هدا حد عقل ابوك و تفكيره الله يهديه هو يتكلم على قد ثقافته لا تحطي شئ في بالك خليك قوية بربك و هو الي خلقك ماراح يضيعك الاباء احيانا يظهرون ما لا يكون في قلوبهم فهو في مجتمع يتكلم لغة عانس و عجوز بس هو و الله قلبه يحترق على شانك فحاولي تفهميه و لا تعقدي نفسك من كلامه بكرا يجيك الرجل الي يقدر قيمتك و يعوضك خير بس انتي قولي يارب و هو ما راح يضيعك
|
رد : تكفـــــــون اسمعوني
الله ياخذ بيدك ويجزاك على كل لحظه خفتي وتوترتي فيها خير وسعاده
|
رد : تكفـــــــون اسمعوني
اقتباس:
الأب الي يحترق على بنته ويخاف عليها مايرميها للجحيم وبعدين ليه يحترق علي،، عشاني ماتزوجت وأذا يعني نهاية الدنيا أنا مخلوقه اعبد الله والزواج نصيب أذا جا الحمدلله وأذا تأخر الحمدلله بعد المسأله مو مسأله يخاف علي المسأله يبي يفتك مــــــني عاد كأني مثقله عليه والله عاد يمـــــــر شهور مايمد لي ريال اتمنى اشياء عند البنات ولا عمري تجرئت وطلبته مــــــريحته مني ومن صرفه عليه ارضى بكم قميص اهريهم لبس بالبيت ماعشت حياة البنات الطبيعيات الا بعد حافز شريتلي عطور وصرت ادلع نفسي كان العطر حلم أملكه وحتى وانا ادرس كنت معتمده على مكافئتي ولا وياخذ منها البنت أذا مصدر خوفها وكرهها للحياه ابوها من يزرع الراحه والأمان في قلبها مــــــيــــــــــــن؟! |
رد : تكفـــــــون اسمعوني
اقتباس:
ولك بالمــــثل |
رد : تكفـــــــون اسمعوني
[QUOTE=ومضة أمل@;2858704]ليـــــــــه بس البنت تتعدى الخمسه وعشرين يبدون يحسسونها انها خلاص طاح كرتها وانتهت صلاحيتها وصارت عاله على نفسها وعلى أهلها
أولاً : إهدأي .. واصبري .. واحتسبي .. تقدم لي العام واحد الكل شهد له انه راعي حبوب ومخدرات وسمعته بالقاع ومع هذا والدي كاد انه يزوجنياه بس أخواني رفضوا . ثانياً : لا تقبلي بالزواج ممن كان متعاطياً أو مدمناً على أيّ نوع من الحرام .. هذه حياتك .. ورفضك لا يعتبر عقوقاً للأبّ .. تقدم لي رجل شايب و متزوج و والوالد يبغى ومصر يزوجنياه طيب ليه يابوي ليه عشاني تعديت الخمسه عشرين ليه يابوي أنا صرت عاله عليك ليه يابوي سمعتني هالكلام . ثالثاً : لا يلزمك الزواج من هذا الرجل ( الشايب ) .. ولكن بما أن إخوانك على قدر المسؤولية فاستعيني بهم ـ بعد الله ـ لاقناع الوالد بالاعتذار لهذا المتقدّم . ليه قلت أني عجـوز وعانس وأذا ماتزوجت هالرجال ماراح احد يخطبها أنت كتبت نصيبي يبـه،، انت الأرزاق بيدك يبه،، ليه تبي ترميني ليه حسستني اني خلاص العد التنازلي لي بدى ليـه ليـه لا ويقول بعد ويهدد أذا ماتزوجت هالرجال والله ماتتزوج طول عمرها يانـاس هذا اب اصلآ أنا طول عمري ماحسيت بحبك وبحنانك ماشفت منك الا القسوه والغلظه خليتني أخاف من الدنيا من خـوفي منك . رابعاً : لي رجاء .. بأن تصبري على والدك .. وتتحملي ما يصدر منه .. فلا شكّ أنه مهتمّ لأمرك .,. فاعذريه ... فربك الذي ترجين فرجه نبهكِ ألا تتذمري لقوله أو فعله ( ولا تقل لهما أفّ ولا تنهرهما .. وقلّ لهما قولاً كريماً ) .. أنا منهاره واكتب وانا ارجف الشعور الي فيني قاسي صعب صعب تفقدي الأمـان الأمـان ومن اقرب الناس اه اه . خامساً : أكثري من الاستغفار .. فوالله ستجدين خيراً كثيراً .. ( وقلت استغفروا ربكم إنّه كان غفّاراً .. يرسل السماء عليكم مدراراً .. ويمددكم بأموال وبنين ... ) .. أنا ماعلي منه راح اصر على رفضي ولو كلف الأمر أني أنتـحر ولا اتزوجه سادساً : لا يُعالج خطأ بخطأ .. فالانتحار محرّمٌ .. واعرف أنك لن تفعليه .. ولكن مجرد التفكير فيه يعتبر وقوع في المحظور .. وتعبيرٌ عن اليأس المحرّم . ياليتني كنت ولد ماخاف احد ولاخاف من بكره امري بيدي واطوع كل شيء على كيفي ماحد له سلطه علي ياليتني ولد ماكانت الحين ارجـف خـوف،، اختنق قهـر . سابعاً : الله أعلم بك عندما خلقك فجعلك بنتاً بحكمته .. فاحمدي الله .. وأكثري من الدعاء ...... في الختام : اختاري من إخوانك من يتفهم مشاعرك .. واستعيني به ـ بعد الله ـ . |
رد : تكفـــــــون اسمعوني
[QUOTE=عبدالله الهجلة;2858778]
اقتباس:
والله صابره عليه مارادده ومن احترامه مارفع نظري فيه!! بس أنا بالنهايه انسانه احس بل انثى مرهفه وقبلها طفله تبي تحتمي تحت جناح والدها! أنا ماأتذمر أنا اشكي ابي أخرج شيء ضاقت به ضلوعي واختنقبه نفسي عشان كذا قــــلت تكــــــفون اسمــــعوني.. طيب ماعلقت على كلامه يحلف ويهدد يقول أذا ماتزوجت هالرجال والله ماتتزوج طول عمرها ؟؟ شوف هو أذا في باله شيء بيسويه ماعليه من خواني ولا من غيرهم،، هذا الحل موجود بس أنا هالمره لاحظت اصرار منه على هذا الخاطب خلاني انفجر ولو فرضآ سمع لخواني ماراح ينساها لي بيبدى يطفشني ويرمي علي حكي كنوع من الأنتقام اعرفه يشيل بقلبه.. الله يجزاك خير على هالنصايح وكلامك يريح وادري أني تلفظت بكلام مايجوز كتبته بلحظة انفعال واكرر شكري .. |
رد : تكفـــــــون اسمعوني
اختي ثقي بالله وتوكلي عليه اختي غاليتي طيب ليه واحد من اخوانك مايتصل على الخاطب ويرفضه ويقنع الخاطب بالاتصال على والدك ويقول خلاص هونت يمكن بعد الله يرفض الخاطب وشوفي اخوانك يفنعونك ويجلسون معه ويفاهمونه هذا زواج وربي يسهل امرك
|
| الساعة الآن 12:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©