|
رايكم اسافر معه او لأ؟؟
السلام عليكم ورحمة الله وبركاته
زوجي بيسافر للرياض عنده دوره لمدة تسع شهور قالي لروحي لبيت اهلك وانا كل شهرين بزورك يعطوني اجازه لمدة اسبوع بس انا رفضت قلت بسافر معك يمكن القى وظيفه سواء بمدرسة اهليه او روضه او ببنك المهم ان هالسفره تعتبر فرصة لي لأننا ساكنين بقرية مافي اي فرصة عمل فيها لكنه رفض لان اساسا راتبه ضعيف وراح تكثر المصاريف من الشقة والمأكل وضروف الحياة تصعب مدري انا محتاره لأن تسع شهور فتره طويله كيف اقعد عند اهلي تسع شهور مع العلم اني عروس توني من شهرين تزوجت حاولت اقنعه لكن مو مقتنع بكلامي انا ينزل لي حافز يعني بيفيدنا من ناحية ايجار الشقه لكن زوجي رافض وش رايكم ؟؟؟ |
رد : رايكم اسافر معه او لأ؟؟
لا تخلينه بروحه هذه نصحيتي لك و انا اختك
خليك معاه و بالاخص انتي ببداية زواجك |
رد : رايكم اسافر معه او لأ؟؟
الله يحفظك الرياض ماتنبغى غلااسعار في الايجارات وغلا معيشه والاهم وتقرفك في عيشتك الازدحام زحمة سيارات فوق الوصف اما الوظايف مالقوابنات الرياض فيها بتلقين انت فيها بيعطونك امل وخلي ملفك ورقمك ولاحولك احد وفري على زوجك وجلسي عند اهلك وفري حافز ابرك لك منهايجيك زوجك وهو مشتاق لك حتى هو بينصدم من الزحمه وغلا الشقق المفروشه الراتب بيصير ملح
|
رد : رايكم اسافر معه او لأ؟؟
اقتباس:
|
رد : رايكم اسافر معه او لأ؟؟
اقتباس:
|
رد : رايكم اسافر معه او لأ؟؟
بشكل عام كمبدأ عندي {المرأة الذكية ما تخلي زوجها قد ما تقدر}.. لكن المشكلة إن زوجك (ما وافق) ..
روحي بأقل الخسائر الممكنة .. شوفي مفاتيح زوجك وادخلي منها .. غالبا ينفع مع الرجل المسكنة وإنك ما تقدرين تبعدين عنه ومن هالكلام بالذات إنكم ببداية الزواج يجيب نتيجة فيه نوع من الرجال ينفع معهم هذا .. ونوع ثاني يهتم من شكله قدام نسباه وش يقولون عنه إذا كذا تبينين له إنه مو حلوه بحقه تجلسين بيت أهلك 9 شهور وإنت توك متزوجة .. وإنه بكذا يحرجك قدام أهلك .. والله يسهل أمرك واستخيري إذا في روحتك معه خيره بتشوفين أبوابها انفتحت .... وإذا ما فيها خيرة لك بيصرفك ربي عنها .. |
رد : رايكم اسافر معه او لأ؟؟
ياحبيبتي روحي مع زوجك ترى 9شهور كثيره حاولي تقنعيه واذا ما اقتنع قوليله حااجي مع اهلي لك في الرياض قوليله انك ماتقدري تجلسي هذي الفتره الطويله بدونه وبعدين انتي حتخففي من الصرفيه حتغسلي ملابسه وتسوي اكله والشقه مومهم اي شي ماعليك اهم شي لاتخليه يروح بدونك ترى بعدين يتعود على بعدك
حاولي معاه وكرري كلامك اكثر من مره في اليوم ابكي بهدوء حزنيه عشان ياخذك مدام انك لسه عروس |
رد : رايكم اسافر معه او لأ؟؟
احاول اقنعه وان شاء الله بيوافق
|
رد : رايكم اسافر معه او لأ؟؟
الرجل امكانياته المادية لا تسمح إذن قضي الأمر الذي فيه تستفتيان |
| الساعة الآن 12:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©