الاخت عصاميه بليز تعالي
 

هلا اختي اعذريني اكتب من جوال
بما انك كنتي مغتربه اخترتك لحل مشكلتي ولايهونون باقي الاعضاء
انا مثل ماكتبت بمواضيعي السابقه تعرضت لطلاق جدا تعسفي
وطليقي كان ناوي يروح معاي دراسه ومتحمس مره
موضوعي تلقينه بقسم المطلقات
انا شخصيتي زيك مكافحه وعصاميه والحمدلله
بس مشكلتي زيك لازم افهم واحلل صعب عندي اسكر ملفات مش مفهومه بالنسبه لي
بعرف ليه طليقي كان متحمس يروح معاي وفجاه هدم كل شي بلحظه
هل وجود زوجي بشخصيته غير المسئوله والبخبل و البرود والكسل الي فيه كان بيستمر او بيعطل دراستي
انا الحين عايشه لى الاطلال والذكريات ومعورني قلبي كيف بروح بدون زوجي كيف بعيش بدون رجل هناك
مدري افكاري مخربطه
وحاسه ان محد بيغيدني هالموضوع الا انتي

رد : الاخت عصاميه بليز تعالي
 

متفائلة ، سامحيني توي دخلت ..

بأقرا موضوعك ،،
بس أبغى أقول لك شي بالبداية ..

(( شخصيته غير المسئوله + البخبل + البرود + الكسل ))

كانت راح تزيد هناك أكثر ، و بيكون حمل ( عليك ) و عائق لدراستك و حياتك ..
شفت كثير مغتربات هناك و مغتربين ..

هنا عالأقل الرجل ، يخجل من المجتمع .. فيأدي جزء من وظائفه تجاهك ..

هناك ، ماحد داري عنه و لا عنك ..
و عادي هناك إنه المرأة تقوم بكل شي ..
فأكيد كان بيشيب راسك لو راح معاك ..

.
.

بأقرا موضوعك من جديد ..

رد : الاخت عصاميه بليز تعالي
 

هلا عصاميه ان شاءالله قريتي موضوعي

رد : الاخت عصاميه بليز تعالي
 

معليه ..
تويي داخلة من برة ، من الصبح و أنا بالعمل ..

أجهز العشا ، عشان أحطه بالفرن و أرتاح و أجيك .. : )

رد : الاخت عصاميه بليز تعالي
 

يامال العافيه ردك يهمني وانا احبك بالله

رد : الاخت عصاميه بليز تعالي
 

يا حبيبتي ..

إنت ما حبيتي زوجك ، إنت حبيتي و مشتاقة ( للحياة الزوجية ، لحياة الإستقلال )
مليتي من ( الوحدة ) ..

و طليقك ،، ما كان راح يحقق لك المتطلبات هذه ..

.
.

هل الزوجه لما تعطي زوجها فلوس وتاخذ قروض وتعطيه يبين فيه وتكبر بعينه ويزيد غلاها بالعكس ، يطمع بزيادة .. و الدليل قريبتي مديونة بنص مليون و عليها قروض بإسمها .. و الفلوس أخدته لزوجها
و مطلقة الآن منه و جالسة تسدد كل شهر من كم سنة ، و هو تزوج و اشترى بيت بإسمه ..
و يقول لها ( مالك شي عندي ) ..

هل الزوجه الي تعطي زوجها بطاقه الصراف تكبر بعين زوجها وتصير غاليه ويهتم ويحبها اكثر
لا طبعا ،، بالعكس يبدأ يستغلها و يطمع بزيادة و ما يبان في عينه ..
و شوفي هنا قصة دلوعة مودي ، و صحبتي كمان اشترت سيارة بمية ألف و شويات ، و في الأخير يقولها ( ماعملتي شي )

ليتني عطيت طليقي فلوسي كلها ولا طلقني ليتني عطيته بطاقاتي الفيزا و لاطلقني
لو تبغي واحد يتزوجك عشان ( راتبك ) بتلاقي ملايين ( الذكور ) ..
و هو لو كان بالفعل ( رجال ) .. ما كان تخلى بسهولة و باعك من أجل مطالباتك ( بحقوقك ) ..

ليته يرجع واعطيه كل شي
عزيزتي ، لا تفتحي باب للشيطان ..
ربنا صرفه عنك ، لإنه يدري الخير لك فين ؟؟؟

هل غلطت لما طالبته بمصروف وباشياء
أبدا ما غلطتي ..

بالعكس ، بانت طينته من بدري أفضل ..

.
.

تعرفي ، أنا بطاقة صرافي زوجي ما يعرف رقمه ..
كنت مرات أعطيه يسحب لي مبلغ معين و بسرعة يبان في جوالي كم سحب ..
بس دحين ( مرة وحدة ) غيرت الرقم السري ..

و ايجار البيت ما راح أدفع الشهر هذا ، و كمان السيارة اللي اشتريتها له و كان يسدد لي أقساطها
قلت له يبيعها و يعطيني الفلوس الباقي ( كاش ) ..

.
.

عزيزتي ..

الرجال يبغى وحدة ( هو يصرف عليها ، هي تطلب منه ) .. حتى لو ما يبين لك ..
مافيها شي تساعديه مرات و تتحملي مصاريفك الخاصة من كماليات و غيره ..

لكن ( لازم يعرف اللي له ،، و اللي عليه )
و لو سافر معاك برة ،، كان بهدلك و شرشحك هناك ..

لإنه راتبه هناك يجيه ( جاااااااااااااااااااااااهز ) ..
بس لإنه - محرم - لك فقط ..

و تعرفي ( الفراغ ) .. هو عدو الإنسان ( المغفل ) ..


لي عودة ..

رد : الاخت عصاميه بليز تعالي
 

أحبك الله الذي أحببتني فيه .. : )

و أنا كمان أحبك ، و نفسي أشيله من بالك ..
لإني أعرف إنه شي صعب ..

بس إنت قدها و قدود بإذن الله ..

رد : الاخت عصاميه بليز تعالي
 

انت مستغربة ، ليه تخلى بسهولة ؟؟؟

لإنك تبغي تعرفي ( الإجابة ) ..
تبغي ( سبب منطقي ) ..

.
.

أظن انفصاله عنك ، زعزع ( ثقتك بنفسك ) ..
لكن لا تسمحي ( لشخص مريض ) .. إنه يهز ثقتك بنفسك ..

يمكن خير و إنت ما تدري ..

.
.

رد : الاخت عصاميه بليز تعالي
 

انت بتسألي ، ليه ألوم نفسي ؟؟؟

لإنك تعودتي عالنجاح .. نعودتي تلقي إجابات لنفسك بنفسك ..
لكن مع هذا الشخص ( كنت راح تعيشي طول حياتك و إنت مانت لاقية أي إجابة لأسألتك بحياتك معاه ..
لإنه شخص مريض و معقد نفسياً )

.
.

هذه هي الإجابة ..

لإنه مريض و معقد نفسياً ..

و لا ماكانت زوجته خلعته و قالت بخيل ، و لا كان طلّق قبلك .. و لا تخلى بسهولة عنك ..
واحد بداخله ( خلل نفسي ) .. هذه هي الإجابة كما أرى ؟؟؟

رد : الاخت عصاميه بليز تعالي
 

سامحيني بأجاوبك على أسألتك بمواضيعك .. : )
بس جالسة أقرا موضوع موضوع ، و رد رد .. و أجاوب نفس الوقت على تساؤلاتك من وجهة نظري ..