منتدى عالم الأسرة والمجتمع - البليغ'فاكهة الشتاء' عصامية 'المتفاءله بالله ' ارجوكم دلوني على الصح

منتدى عالم الأسرة والمجتمع (http://www.66n.com/forums/index.php)

- ساعدني (http://www.66n.com/forums/forumdisplay.php?f=139)

البليغ'فاكهة الشتاء' عصامية 'المتفاءله بالله ' ارجوكم دلوني على الصح

السلام عليكم ورحمة الله وبركاته

دلتني اخت جزاها الله خير عليكم

بدخل بالموضوع

متزوجة لي12سنه مليئه بالاحزان والمشاكل والربع منها افراح

اول شهر سعاده وبعدها للوقت هذا تعب وعناء 'اكتشفنا بيننا سحر تفرقة وجلست انا ارقيه وادهنه يوميا بالزيت مع محاولات من الجن إذائي وقتلي لكن سبحان الله صبرت والان كل مااذكر اقول بنفسي وشلون غامرت وكنت احاربهم مرعبين ...

الحمدلله من قبل ومن بعد تمكنت من معرفة موقع السحر وخرجته ورجع زوجي لطبيعته مع كلام وسخ وضرب مبرح

الى هالوقت وباقي الاثار حتى الصلاة يصلي ويخلي ولمن اقول له ربي مابيصلح حياتنا لان علاقتك بربك مقطوعه يقول ودي بس شئ يردني ولمن اترجاه نروح شيخ يرفض واجلس اقرا القران بالبيت ونلقى اذيه من الجن

في شعبان امه قالت له زوجتك عندها حافز خذ منها حماتك تعطي زوجها كل حافز وطلع الشغاله وهي مخليتك عبد عندها من بعد كلامها اللي هو وصله بالحرف الواحد تغيرت حياتي جذريا يوميا مشاكل وبس يسب ويلعن وانقلعي بيت اهلك ولمن شفت الحياة زادت صعوبه قلت له انا بقضي للعيد ولمن قضيت وضمن انه خلص من هم ملابس العيد نزلني بيت اهلي وقال لي انا اكرهك اخوي اصغر مني وعايش احسن مني

وجلست عند اهلي وهو راح المحكمه بيطلق واتصل على ابوي الصباح وقال له اذا عندك صك الزواج عطني يبغون المحكمه الصك بطلق بنتك وجاني ابوي يسالني وقلت مااعرف وينه ولاعندي نسخه منه

بعد كذا اتصل علي في نفس اليوم بالليل وقال برجعك ارجعي عشان العيال وكلم ابوي وقال له ماعاد امد يدي عليها ولاامس عرضها لانه دايم يقول اني اعرف شباب ومن هذا الكلام وابوي قال له اثبت لي انها تعرف والله اذبحها بعدين اعتذر وقال اكذب ورجع قال له ابوي اصلا الرجل اذا عرف ان زوجته تعرف شباب مايخليها على ذمته وسكت رجالي

الان يوم 3الحج ضربني وكان بيكسر ظهري وهو اصلا لمن شافني اصرخ واقول ظهري انفجع وعدل وقفتي ولمن عرف اني سليمه كمل ضرب السبب كنت اسوي الغداء وفجاة اتصل صديقه موعدهم بعد صلاة المغرب وانا سويت الغداء العصر مثل ماتعودنا وبعدين قال لولدي قل لامك تعجل الغداء حولت الغداء من قدر عادي للضغط حتى يسرع الطبخ ولمن شاف كذا قلت عشان بسرعه تتغداء وتمشي ومادريت انه كان ناوي شر

وبس كان يقول انقلعي لاهلك ماعندك اهل وابشري بالطلاق

امه اعطته عقد النكاح الاصلي وكل مره يطلعه لي يقول شوفي اي وقت اطلقك والله كان يضربني واسكت عشان ماافترق عن عيالي

بس هالمره كانت غير

اتصلت على ابوي وقال لمي عفشك كله ماعاد فيه رجعه ولميته وسوى لي غرفه خاصه فيني واثثها وقال العيال مع ابوهم بس وقت العيد عندك وبنتك انتي حره تبينها او تروح

عندي ولدين وبنت

الان بعد مارتبت اغراضي بدا القلق يدخل صدري

عيالي وفرقاهم الكبير ماعاد ياكل ويترجاني ارجع معاهم المشكله كنت اقول لزوجي روح تزوج بس خليني مع عيالي اربيهم لكن للاسف همه الطلاق

الصغير يقول والله اشرد اذا مارجعتي

ابوي يقول يبغاك يجيب رجال والاحسن يطلقك

بنتي تعشق ابوها اخدت جوالي واتصلت عليه ورد وقالت له انا شوق يابابا وخلص الرصيد

بعد كذا اتصل بس قفلت الجوال وارسل يابابا الجوال مقفل لكن الله يحفظك بحفظه

كثير مرات سارت مشاكل بيننا والكل يتكلم علينا

ابوه من بداية الزواج يقول له طلقها وش تبغى فيها والسبب اني مبسوطة ماديا

امه تقول طلقها ماتعطيك حافز وهو لو محتاج مااقصر لكنه ضابط وراتبه مايجي ربع حافز

اثثت البيت قالت امه كيف تاثث بيتك واخوك مسكين كسرت نفسه باثاثك الجديد

اخواته كلهم سيئات ومنهم وحدة تبلت علي ودعيت عليها لو كانت ناويه تخرب بيتي الله يخرب بيتها وسبحان الله تطلقت

في شعبان قالوا لجماعتهم اني ضاغطه على اخوهم واني اسرق فلوسه

تعبت من الهم والحزن

حظرني انا وعيالي من الواتس

ماهمه الا يطلق

شلت هم عيالي اللي بس يبكون لاجبت طاري الفراق

وش رايكم بالحل اخوه اللي اصغر منه يحبه هل اكلمه يبعد عن راسه فكرة الطلاق مع العلم اني بقول له لاتخبره بااتصالي وايضا قد اتهمني زوجي ان لي علاقه معاه وانا بريئه

الان هو بيطلق وعيالي معاه وبنتي بخليها عندي والفراق مر

ارشدوني للصواب ودعواتكم لي ولاولادي

دمتم بخير