|
تقلبات زوجي افيدوني
السلام عليكم ورحمة الله
كل عام وانتم بخير عندي مشكله واتمنى تفيدوني فيها اولا انا متزوجه من سنه ونص تقريبا زوجي انسان راااائع بكل ماتعنيه الكلمه ولله الحمد والشكر بس عنده مشكله وهي اني اذا كنت معاه يكون من احسن مايكون في الكلام والتعامل لكن بمجرد اسافر عند اهلي يتغير كل شي يتصل مرات قليله مايسأل ولا يهتم في مرات يعصب بدون سبب واذا سالته ليش معصب يقول من الدوام عليه ظغط. وانا اقول في نفسي وش ظغط الدوام هذا اللي مايجي الا اذا جيت عند اهلي ومرات يذكر اسباب تافهه جدا ماتسبب الزعل مايسأل. اذا محتاجه. شي الا نادرا وبعد تلميح مني مع انه يعطي ولا يقصر بس ما يبادر بها لازم المح له عشان يفهم اني محتاجه شي لاني اكره اسلوب اني اطلب بطريقه مباشره كيف اتصرف مع تقلباته هاذي كل ماسافرت عند اهلي مع العلم اني ما اسافر الا لدراسه ومع اخر يوم دراسي ارجع فورا لبيتي ايش الحل معاه |
رد : تقلبات زوجي افيدوني
زوجك والله أعلم طبيعي
يتغير مزاجه لانه فقدك وفقد حنانك تغاضي وتجاهلي وحاولي اذا كلمك تكون نبرتك حلوة وسمعيه كلام طيب وحلو وصدقيني بيرجع لك عسل الله يهدي سركم ويسعدكم طول العمر |
رد : تقلبات زوجي افيدوني
ما هي أطول فترة متواصله غبتيها عن زوجك ؟ كم عدد الأيام التي غبتيها عن زوجك خلال فترة زواجكم في كل سفراتك لأهلك ؟ |
رد : تقلبات زوجي افيدوني
اطول فتره شهرين تقريبا او شهرين ونص
|
رد : تقلبات زوجي افيدوني
تقريبا .. كم شهر مجموع الفترات التي غبتيها عن زوجك في كل سفراتك ؟ |
رد : تقلبات زوجي افيدوني
تقريبا خمس الى ست شهور بس مو متواصله كان بينها اجازات. واروح له اول ماتخلص دراستي
|
رد : تقلبات زوجي افيدوني
انا اشوف انه طبيعي ... هو يبغاك جنبه وماهو متحمل فراقك ابدا .. لكن بنفس الوقت يحاول ما يبين لك هالشي .... حاولي تجلسين معاه قد ما تقدرين و صارحية بان ودك تجلسين كل الوقت معاه لكن ظروف الدراسة ...
سمعيه دايم كلام حلو ، وخليك حنينه معاه ... نواف |
رد : تقلبات زوجي افيدوني
زوجك يحبك ويموت فيك.. افهمي ولا تخلي منها سالفه
زوجك لو لعاب او عينه زايغه كان ماتصدر منه هالحركات اهنيك على مثل هذا الزوج الرائع الوفي فعودي الى عشه وضميه اليك فلا يفلتن منك فهذا النوع من الازواج كريم اذا اكرمتيه اكرمك بزود قد مايستطيع |
رد : تقلبات زوجي افيدوني
طيب مو المفروض اللي يحب معاملته تبقى مثل ماهي ليه التغير لو يقولي انا متضايق من دراستك والله اتركها عشان خاطره بس مايتضايق وقلتله هالشي بس رفض وقال ان فخور في انك تكملي دراستك انا اسايره اذا تغير بس بمجرد يسكر السماعه انهار لاني مو متعوده على اسلوبه الجاف معي بمجرد اني اروح عند اهلي
|
رد : تقلبات زوجي افيدوني
فترة ستة أشهر من سنة ونصف تعتبر طويلة نوعا ما زوجك يحبك ويرغب منك إكمال دراستك وفي نفس الوقت لا يطيق بعدك فهو في صراع بين محبته لك ورغبته ببقاءك جانبه دائما وبين مصلحتك الدارسيه من ناحية أخرى وهذا الصراع هو سبب جفافه والله اعلم . |
| الساعة الآن 08:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©