|
علاقة حب , وانفصلنا بسبب ..
السلام عليكم ورحمة الله
بكون وآضح لابعد الحدود > هذا اذا فيه حدود انا مراهق 17 سنة في ظل التطورات التكنلوجيه وظهور اجهزة التوآصل الاجتماعي وسهولة التوآصل بين الجنسين الذكر والانثى انتشر ما يسمى البلاك بيري وهو اكبر ما نكبني في حيآتي ياما وياما تعرفت على بنات > مرآهق كنت اشبك هنا وهناك وصلت لدرجة اني اخرفن البنت واخليها تفعل لي واوفر فلوسي وصلت لدرجة اني العب بصدري بالفوتوشوب كأني معضل عشان بس يخقون الصلاة كنت سيئ جدا فيهآ اصلي كأني صنم لا وضوء ولا شي اغرق بس راسي ويدي عشان اذا احد يقول توضيت اقول ايه ومايشك كنت سربوت من تحت لتحت بس بعقلانيه حتى جا اليوم الي تعلقت فيه بوحده > مب هي زبدة الموضوع تعلقت فيهآ ثم صآرت مشكلة وحذفتني جتني حالة نفسيه حذفت اللسته كلهم ماخليت احد تركت التفعيل لمدة شهرين كذآ بعدها رجعت اضيف بس شبآب البنات كنت اول ما اشك بأي نك على طول تزبيد ثم دليت لين جتني اضافة بأسم بنت هالاسم اعرفه انا من البنات الي كنت اكلمهم قمت غيرت النك كتبت انتقل الى رحمة الله وشلت الصورة وقبلت اضافتها قلت انا اخوه وتوفى هو <مادري ليه ماقدرت اقول الصدق وازبدلها وحذفتها قبل لا ترد هي واستمريت شهور ثم اضافتني مره ثآنيه وقبلت على طول ونسيت اني قلت انتقل الى رحمة الله وتقول هي فلان ؟ قلت ايه قالت ما مت قلت خير قالت اخوك كذا وكذا تذكرت انا قمت صرفت قلت الحيوان كيف مسك جوالي وقمت اصرف وقالت اهم شي انها الحممدلله طلعت كذبه وكذآ واستمرينا بعد ماتعمقت مع البنت لقيتها ملتزمة اذا شآفتني اشغل اغنية تقول طفها اذا ارسلت برودكاست مب زين تعاتبني دايم توصيني على الاذكآر والاستغفار كانت تعجبني جداً روحها جميله اخلاقها اجمل اسلوبها عسل ماتعصب الا بشي يخص الدين جيتها يوم قالت لي ابي اقول لك كلام قلت قلي قالت ذاك اليوم ماصدقت اخوك يوم يقول ذا الكلام و و و و كلام طويل وانها بكت وانها حقدت على اخوي وكذآ قلت اقول اسكتي وخليني انا الي اتكلم بالمهم قلت لها بعد كلام طويل زبدتها اني ابي اتزوجها صآرت سالفة كذآ وبعد فترة صرنا نقول احبك وهالخرآبيط لين قبل رمضآن هذآ كانت نقطة تحول كبيره في حياتي تحول مب صآحي اقترحت عليهآ تعطيني اسمها كامل بس والحي الي تسكن فيه وتزهل ونقطع علاقتنا عشان الله يوفقنا ويجمعنا بالحلال كيف يجمعنا واحنا نعصيه وكذآ تجاملني في البدآية لين اخر لحظة قالت لا قلت ماعد فيه رجوع الله ولا انتي قالت طيب وحذفتها جت ارسلت لي رسالة بن بعد كم يوم تقول ضيقة ومادري وشو وبكآء حاد ومرضت قلت اصبري كلنا سوآ انا اخس منك من بعدها سرت اصلي الصلاة بوقتها وبكل سجود ادعي ان الله يجمعني فيهآ سرت اقرأ الاذكآر سرت استغفرت تغيرت وانقلبت حياتي بس عندي مشكلة مع الاغاني والدخان المهم عرفت بيتهم بعد جهد من البحث والسؤال وسرت امره بشكل يومي والى يومكم وانا كل ما بغيت انام افكر بحاجات الي هي : هل حبنا حقيقي ؟ هل رآح يستمر ؟ قطعنا العلاقة لوجه الله اكيد الله رآح يكرمنا ويجمعنا وان ماحصل نصيب ووصلني خبر انها تزوجت غيري وش بيصير فيني تجيني تخيلات انها طالعه في مكان عام وواحد غريب ماسك يدها ويضحكون ايام ابكي وايام لا افكر اني محافظ على الصلاة وادعي لكن عندي معآصي هل رآح ينظر الله لدعائي وصلاتي ويتغاظى عن المعاصي كل ما حاولت افكر ما اعصي ربي انسى واعصيه واستغفر بس صار حلا كل يوم اعصي واستغفر :( نصآئحكم وشوركم وكل شي 3> ..~ |
رد : علاقة حب , وانفصلنا بسبب ..
تبا نصيحتي لك انت زي ماقلت مراهق وعمرك 17 لاتفكر بالزواج الان اطلاقا وراك تغلق الثانويه وتكمل جامعتك
اهم من الحب والكلام الفاضي اللي ماينفع وعادي الفترة اللي مريت فيها كلها يومين وتنسا وان بغيت ان تربتط بانسانه انسا انك ترتبط بهذه الطريقه لانك بتعيش وهم وحاله نفسيه وقد يدخل الشيطان فيوسوس لك نصيحتي لك اقطع العلاقه نهائيا وحاول تنسا البنت واشغل نفسك وفكر بمستقبلك من الان عشان لاتندم بكرة الحياه اكبر من كدا |
رد : علاقة حب , وانفصلنا بسبب ..
نصيحة خاف ربك و انساها ...
انت لو تزوجتها اول شئ راح تشك فيها ، واذا انت احسنت النية هي راح تشك ... دق بيوت الناس مع الباب ، وتري انت الي الان صغير علي الزواج ... الله يهديكم ... نواف |
رد : علاقة حب , وانفصلنا بسبب ..
اقتباس:
افكر اطلع بعثه بعد الثانويه وقبل اسافر اتزوج واخذها معي والله ان هذا كله ما كان يخطر على بالي ولا كنت اتوقع انه بيصير مابي انساها ابي اتزوجها :( اقتباس:
لا من ناحيتي ما بشك واذا شكت هي فداها كلي خل تسسوي الي تبي عشان تتطمن وترتاح وانا ناوي ادق بيتهم من بابهم صغير بس ما بتزوج الحين بتزوج بعد الثانويه ...... من امس ردين بس ؟ :( |
رد : علاقة حب , وانفصلنا بسبب ..
هي كم عمرها ؟؟؟ اذا صغيرة ومافي احتمال ان تنخطب خلال السنة الجايه انتظرها وخلك على توبتك والله يوفقك؟
أما إذا في خوف انها تروح منك كلم أمك وقلها انها لافيقة أخت صاحبك وانه من كثر ما أخته شكرت بأخلاقها حبيت ترتبط فيها وظل لح على امك تكلمهم الى أن تشوف انك فعلا جاد ومصمم وتروح تربط معاهم كلام الى أن انت تخلص ثانوية يظل نقطة الأمور المادية .. هل لما تخلص ثانوية بتقدر تدبر مصاريف الخطوبة والزواج ؟؟ |
رد : علاقة حب , وانفصلنا بسبب ..
الله يثبتك عل توبتك ويعينك.
مشكلة المراهقة هذه. ماقدامك الا تدعي الله يثبتك عل طاعته. الزواج مدري يعني لا تتعشم كثير لانه أتوقع ماحد بيزوجك وبعدين بصراحة انت صغير بكره تكبر وتنس. انت اعرف بوضعك ووضع اهلك ومجتمعك. ياليت تشغل نفسك بشي اهم من الزواج تعرف عل صحبة صالحة حاول تلتحق بحلقة لتحفيظ القران اهم شي حاجة تفيدك وتشغل لك وقت الفراغ. وخلك واقعي. فكر زين. الله يرشدك لطريق الحق. |
رد : علاقة حب , وانفصلنا بسبب ..
انا من رايي اتزوجها......بلا صغير بلا هم ازا بتقدر ماديا وهيك اطلبها مش هيك احسن مما يعمل حرام؟؟؟؟؟؟؟؟؟هو مو ناضج يمكن بس مو صغير 17 سنة واعي وبعرف شو بدو ما بنحكي عن ولد عمره10 سنين .....ازا بتحبها بجد اخطبها واحكي لامك صدقني هالحل افضل مما ضلك حاببها من بعيد او تحكي معها بالحرام.......وبالاول والاخير استخير وربنا يوفقك يارب
|
رد : علاقة حب , وانفصلنا بسبب ..
اخوي بقولك شي الحين انتي تتخيل هالتخيلات وما بعد تزوجتها اجل أش بتسوي لو تزوجتها هذا اذا تزوجتها من أساسه تعرف بعد عشر سنين اذا ربي أراد رح تتذكر هالموقف وتضحك على نفسك الين تشبع
مافي بنت ملتزمه او حتى محافظة تسوي الي هي عملته ترضى انت أختك تعمل كذا راجع نفسك وهل توبتك صادقه لوجه الله اسأل الله ان يهديك ويثبتك على طريق الحق ويرزقك بالزوجة الصالحة |
رد : علاقة حب , وانفصلنا بسبب ..
اقتباس:
لا ب 6 شهور وش اقول لامي اقول لها انا متعرف على وحده بالبلاك بيري ؟ بتعطيني كف على طول الامور الماديه محلوله اقتباس:
مفرقين امي مطلقة واخواني كل واحد في دولة يدرس واختي متزوجة برا الرياض وانا مع ابوي :( مابي اكمل هالعيشة الخايسه ابي اطلع منها بسرعه ابي اتزوج وافتح بيت من بدري شخصيتي قيادية < اخوي يدرس علم النفس اقدر اتحمل مسؤولية لاسره من وانا صغير عادي انا شاغل بالي بسيرفر وكم موقع والحلقات ما ارتاح فيها اقتباس:
الا احسن من الحرام بمليون مره خصوصاً ان توبتنا صآدقه ودي اعلم امي بس بكون ارمي نفسي بالبحر بلكن اعيش وبلكن اموت وانجلد جلد منها ماعمري شفته اقتباس:
بس ما اشوف ان فيه شي يضحك واحد حب ويبي يتزوج وين النكته بالموضوع الا هي ملتزمة واكبر دليل انها ساعدتني في اننا نقطع العلاقة وانها دايم توصيني بالاذكآر واسلوبها دايم تتكلم مثل كلام المشآيخ والله ملتزمة ومافيه شك والي سوته مراهقه وبعدها تراجعت وعقلت وتوبتي صآدقه ابشرك بأكمل صدق > توبه من العلاقات واني رجعت للصلاة لكن الاغاني حسبي الله ونعم الوكيل :( |
رد : علاقة حب , وانفصلنا بسبب ..
والله ماادري وش اقوووولك
بس اهم شي انك تبت لررررررربك وصحيت من الغفله اللي انت فيها وان شاء الله ربي يعينك وتترك الاغااني ونشوفك بلحيتك يارب وتجي تقولنا اني تطوووعت وانا من ناحيه البنت مااظن ان اهلها بيوافقون علييييييييييييييييييك لانك توووك صغير بالعمرممكن بالعقل كبير بس العمر صغير ومااظن ان في ناس بهالزمن اللي عايشينه يزوجون واحد بقدك او يخطب واحد بقدك ويوافقون عليه الحين ابووو 30 سنه و24 و25 يالله يتحملوون الزوواااج فكيف انت ؟ حاوووول قبل كل شي تستخير مو مره وبس ومرتين لا كثر استخاره وشف وش الله يكتب لك من الخير فيه |
| الساعة الآن 09:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©