|
أعيش قصه حب من طرف واحد هل أبوح بها وأتحطم ام أسكت وأندم
السلام عليكم ورحمة الله وبركاته
كل عام وانتو بخير وينعاد عليكم يارب بالصحه والعافيه اليوم انا بامس الحاجه الى خبرتكم ورايكم ومشورتكم علي مابعرف من وين ابدا بس اللي بعرفو اني حاليا عايشه قصة حب وتقريبا ان هاد الحب من طرف واحد لاني لهلأ ما اعترفت بحبي الشخص للي بحبو بيكون ابن خالي اكبر مني بشي عشر سنين ماشفتو بحياتي الا مرتين تقريبا لانو عايش ومستقر برا لمن اجا عنا وزارنا قبل 6 سنين حسيت نظراتو اتجاهي غريبه يعني كل ماتجي عيني بعينو بيتهرب ولمن سافر بكيت كتير وخوصا وانا عم سلم عليه حتى هو ابتسم وغمض عيونو ومشي اانا هلأ متابعاه اول باول ع الفيس كل شي عم يعملو بعرفو امي متواصله معو وبتحبو كتير ومره سالتو امي حكتلو مابتفكر تتزوج من يلي حواليك او مافي بالك وحده بدك ياها حكالها انا لو بدي اخد باخد وحده متلي محترمه ومادبه مو متل اللي هون احيانا بحس اني مراهقه واحيانا بحس انو كل اللي ببالي اوهام واني عم بتخيل الاشياء لانو انا بدي ياها تكون هيك ومابعرف بس عن جد تعبت تعبت كتير بحبو بشكل مجنون ووخايفه اسكت عن هالحب واندم بعدين وخايفه احكي واتحطم نا مو خايفه منو لو تواصلت معو بيضل ابن خالي ورح يخاف علي اكتر من روحو بس خجلانه مو عارفه كيف ابدا هل لو تواصلت معو عن طريق رسائل الموبايل او الفيس بيعتبر هالشي عيب خصوصا انو انسان متفتح وواعي ومتدين بالرغم من انو ببلاد الله اعلم بحالها وانا انسانه خجوله كتير ومحافظه جدا واهلي هيك محافظين بلييز بتمنى منكم تتفهموني وترشدوني شو ساوي وبكون شاكره الكم كتير |
رد : أعيش قصه حب من طرف واحد هل أبوح بها وأتحطم ام أسكت وأندم
مامتك بتتواصل معاه كيف ؟؟؟؟
بالرسايل و لا الفيس و لا كيف ؟؟؟؟ ممكن نلاقي لك طريقة غير مباشرة .. بس وضحي طريقة تواصل امك معاه .. و عمره كم تقريبا عشان نعرف طريقة تفكيره تقريبا |
رد : أعيش قصه حب من طرف واحد هل أبوح بها وأتحطم ام أسكت وأندم
اتوقع عمره 35
ليش ماتزوج لحد دحين ؟؟؟؟ هل انت مستعدة تتغربي عن اهلك ؟ |
رد : أعيش قصه حب من طرف واحد هل أبوح بها وأتحطم ام أسكت وأندم
اقتباس:
ماما بتتواصل عو ع الموبايل وع الفيس ومره سافرت عند خالي بس للاسف هو كان مو موجود بسبب ظروف عملو وعمره 33 قصة اانو ليش ماتزوج لهلأ طبيعة الحياه اللي تربى عليها وعاشها برا هيك بتكون خواتو ما تزوجو الا لما صار عمرن فوق الـ35 وبالنسبه للغربه عن اهلي بتعرفي هلأ مافي غربه وسائل المواصلات والاتصال ماخلت شي اسمو غربه :25: يالله ياعصاميه قديش فرحت بردك على موضوعي حسيت انو لسه عندي امل ربي يسعدك ويوفقك |
رد : أعيش قصه حب من طرف واحد هل أبوح بها وأتحطم ام أسكت وأندم
امممممم ..
لو حصل اي ظرف مثلا .. او مرت مناسبة له او لأهله .. ماتقدري تستغبي مرة و ترسلي .. ماما تسأل عنكم و تسلم عليكم .. يعني توصلي اي شي .. بلسان امك ؟ . . او مثلا ترسلي .. ممكن ايميل اختك فلانة ؟ بس اخاف اكسب اثم و افتح مجال له للتواصل معك .. . . ما تقدري تتواصلي مع وحدة من اخواته ؟ ماتقدري تضيفي صورة لاطفال العيلة بالفيس تبعك و تعملي تاج لمامتك .. و راح تطلع الصورة عند ولد خالتك ؟ |
رد : أعيش قصه حب من طرف واحد هل أبوح بها وأتحطم ام أسكت وأندم
وعليكم السلام ورحمة الله وبركاته
وكل عام وانتي بخير وسلامة :) عزيزتي . احكي لماما وهي بتحكي مع اخوها على أنه الاقتراح اقتراحها هي وما تجيب سيرتك وهو بيفهم من ابنه .. عادي عندنا الاخوان والخوات بيتفاهموا بهيك مواضيع بدون احراج .. ووالدتك لما سألته عن زواجه أتوقع لأنها حست فيكي . راح تقوليلي بخجل وكيف أفاتح الماما :) بقولك اسأليها . ما لاحظتي أنه فلان كان بيتطلع فيني بطريقة مو طبيعية ؟ .. أنا حسيت أنه بباله شي .. هي راح تسألك عن رأيك ووقتها تقدري تقولي بأنك معجبة بأخلاقه وشخصيته وانه لو تقدم لك ما راح ترفضي . وما دامت العلاقات بين العيلتين طيبة فهي راح تسأل أخوها بدون ما تطلبي منها بشكل مباشر . استخيري وادعي ربنا يوفقك بابن حلال . |
رد : أعيش قصه حب من طرف واحد هل أبوح بها وأتحطم ام أسكت وأندم
عصاااميه
يسعدلي ياكي افكارك بتجنن متلك يسلمووو حبووبه |
رد : أعيش قصه حب من طرف واحد هل أبوح بها وأتحطم ام أسكت وأندم
خاله بيتا << هيك بينادولك هوون مو :)
اكبر شرف الي انك رديتي ع موضوعي قصة انو احكي لامي هاد شي من ساااابع المستحيلات اولا لاني خجووله لدرجة تفوق الوصف مابسترجي افتح تمي بهاد الموضوع قدامها ثانيا صحيح اانو امي وخالي علاقتهم مع بعض اكثر من رائعه ماشاء الله بس مستحيل تحكيلو او تلمحلو بهيك موضوع لانو الله يطول بعمرها عندها افكار انو بنتي تبور ولا اعرضها ع احد حتى لو كان اخوها اعز الناس ع قلبها وبعدين خالي كتيير فررري مخلي ولادو ع راحتهم مستحيل يجبر حدا او يتدخل بحياة حدا فما بالك بهيك موضوع وخواتو كبار وحده عمرا 40والتانيه 35 صعب التواصل معهم يالله عنجد مابعرف تعبت من التفكيير وبتمنى منكم تساعدوني اكتر :( |
رد : أعيش قصه حب من طرف واحد هل أبوح بها وأتحطم ام أسكت وأندم
اقتباس:
الشاب لاحظ دموعك عند الوداع وأكيد فهم .. هو مش ولد صغير ولا شاب مغمض .. أكيد عنده تجارب وبيفهم بهيك أمور .. فلو كنتِ عجبتيه كزوجة فتأكدي بأنه راح يخطبك أول ما يفكر بالزواج . وكلامه مع أمك مشجع وبيدل بأنه باتجاهك . واسمحيلي أسجل احترامي لك ولأمك اللي ربتك .. متوفر عندك كل وسائل التواصل معاه ومع ذلك منعتِ نفسك احتراما لها ولأهلك ولدينك :) خليكي ثابته حبيبتي .. ولا تضعفي وتسقطي من عين ربنا قبل ما تسقطي من عين الشاب |
رد : أعيش قصه حب من طرف واحد هل أبوح بها وأتحطم ام أسكت وأندم
خليها على اللـْـْْ♡ـْْـَِـٍْْهُِوانسي الموضوع
ازا مكتوب لك حيجيلك لعندك بدون مقدمات وتلميحات!! |
| الساعة الآن 03:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©