|
محتاره ..
السلام عليكم ورحمة الله وبركاته ..
أنا فتاه أبلغ من العمر 19 سنه تقدم لخطبتي ابن عمي تقريباً عمره 28 سنه .. شخصيتي مختلفه تمامً عن شخصيته .. لكن هذا ما يهم , المهم بحكم انه ابن عمي فأنا أعرف هذا الشخص مثلما أعرف نفسي , كان بينه وبين احدى القريبات علاقة حب وتطورت للخطوبه , لولا ان البنت انسحبت ( لأنه غير متوظف , اساسً هو شخص متهاون وغير جاد .. اهتمامه الكامل يقضيه على امور تافهه , تلوين سيارته , أو سهر بدون فائده ) فتزوجت البنت .. الأثر النفسي له كان قاسي جداً مما جعله يصحى من سباته العميق ويتقدم بطلب وظيفه والآن هو مستقر ويملك شقه .. تقدم ليّ قبل كم شهر .. ورفضت بسرعه حتى بدون تفكير .. والسبب اني كنت كارهته لأني عارفه بمحبته وعارفه بتأثره واهم شي عارفه بعض من سلوكياته السيئه :/ .. المشكلة تقدم لخطبتي مره أخرى .. وهو لا يتذكر شكلي ابداً .. حصل موقف بيني وبينه الأسبوع الماضي كنت في بيت أهله ومريت تفاجأت فيه قدامي ويناظر وشكله مستغرب صديت بسرعه ورجعت للحريم .. اشوف الحريم لما راحوا , قالت أمه انه يسألها من البنت اللي شعرها أشقر ؟ تأكدت انه ما يذكر شكلي فاستغربت شلون اول بنت خطرت على باله بعد البنت اللي كان يحبها أنا ! صراحه حطني بموقف مؤلم بطبيعتي ماحب اجرح احد .. فـ رفضي أكيد بيحطمه .. والمشكلة لاحظت جدتي مستأه من رفضي الأول ..! ثاني شيء لو وافقت .. مجرد الفكرة ماقدرت اتقبلها .. احس بضياع وشتات .. محتاره بأمري جداً .. أوقات أقول بوافق , وأوقات أقول لا .. احتاج لمشورتكم .. .. شُكراً لكم .. |
رد : محتاره ..
وعليكم السلام ورحمة الله وبركاته
أختي على حسب كلامك واضح انك مو مقتنعة فيه اصلاً من الأساس. انتي أستخيري ولا تسمعين لكلام الي يقولك لتزوج ينصلح حال لا حبيبتي انتي مؤ حقل تجارب. لا تتاخذين قرار وتندمين عليه وبعدين ماني شايفة على حسب ماذكرت شي يخليك توافقين. العمر قدامك لا تورطين نفسك عشان جدتي ولا عمي ماحد بيقابله غيرك وساعته ماينفعوك. الله يكتب لك الخير اكثري من الاستخارة وكل شي واضح قدامك مايحتاج احد يقنعك. |
رد : محتاره ..
اقتباس:
اختي ميم ... شوفي مادامك منتي مرتاحه له و تعرفين عنه سلوكيات سيئة لاتوافقين و ما يمنع هذا من الاستخارة ... ونصيحة لاترضين اي شخص مهما كان علي حسابك الشخصي ... هو يتحطم الان احسن من انكم تتزوجون وتصير مشاكل و تأثر علي العائلة كلها وتتسببين بالالم لك وله .. انا صار لي موقف شبيه للي صار لك ، كنت ومازلت ادرس ببعثة في امريكا ، وفي يوم اتصل علي الوالد يقول تري بنت عمتك جوها خطاب ، تبي احجزها لك ؟؟ قلت له صراحة ما شفتها من زمان ما اقدر اخطبها بدون ما اشوفها ، ومادام جاها النصيب الله يرزقها باللي احسن مني .. طبعا والدي زعل ... مرت الايام ورجعت للسعودية ... رحت سلمت علي جدتي ، فقالت لي يا نواف يا حبيبي ،،، عندي لك زوجة ( قمر ) :) وقامت تعدد بالمواصفات ،،، قلت يلله يا جدتي علي يديك .... قالت بنت عمتك !!!! انا انصدمت لاني اعرف ان بنت عمتي مخطوبه .. واللي اعرفه ومتأكد منه ان عمتي تحبني موووووت ( الحمدلله لطيبتي ) و كانت تبيني لبنتها ،، قلت لجدتي راح افكر و ارد لك ... بدأت افكر بالموضوع ... المفاجأة ان بنت عمتي خطبتها رسميا كانت في نفس اليوم بالليل ... تخيلي ؟؟!! لا و المضحك المبكي ان خطيب بنت عمتي هو ولد خالتي ... و اذكر اني شفت خالتي ببيتنا نفس اليوم فقلت في بالي ( الله عليك يا يمه جبتي خالتي عشان اشوف بنتها : ) ) ,,, يعني عندي خيارين يا بنت عمتي يا بنت خالتي ... ههههههه اكتشفت بعدين ان جدتي كانت تبيني بالغصب لبنت عمتي لان ما ودها بنت عمتي تروح تعيش بالمدينة ،،، ومع اني ما اعرف مشاعرها تجاهي لكن الحمدلله ان الموضوع خلص بسرعة بدون مشاعر و تفكير كثير .. ومن يومها كل ما عرضوا علي اهلي اية بنت من اقاربنا ارفض اذا كانت ما تعجبني ،، ولا اجامل نفسي من اجل الجمال او غيره او اجامل ابوي او اعمامي ولا امي ولا اخواتي .. مع اني متأكد لو اتزوج من العائلة الكل راح يدعمني ماديا و معنويا بشكل كبير ... لكن اهم شئ الراحه .. واولا واخيرا الارزاق علي رب العالمين و بيجيك رزقك ان شاء الله و ولد عمك بيجيه رزقه ... والله يوفقنا جميعا ... نواف |
رد : محتاره ..
كثير من التفاصيل المذكورة لا تهم ...
المهم هو هل هو صالح للحياة الآدمية أو لأ !! تعرفين سلوكياته السيئة وماذكرتيها ... لذلك على حسب سلوكياته .. أما تلميع السيارة والسهر هذي أشياء بسيطة جداً... هل يسكر أو ينكر .. هل هو صاحب علاقات محرمة وطائشة..! هل هو صاحب فواحش .. وسرقة .. زنا .. لواط ..! هل يدخن .. هل يعق والديه .. هل هو تارك لعمود الدين .. هل هو بخيل ....!! هل تعامله مع زملائه سيء .. هل هو غير محافظ على عمله ..! هل يشكو منه جيرانه وأقاربه ..! هذي هي السلوكيات السيئة وانتي ماحددتي ... الله يكتب اللي فيه الخير .. |
رد : محتاره ..
إستخيري رب العباد فهو الذي عنده علم كل شيء |
رد : محتاره ..
الله يكون في عوونك وفكري تمام وشاوري عقلك مزبوط
دمتي بوود .,~ |
...
اقتباس:
بيني وبينك مرات اقتنع ومرات لا .. وبالنسبه للإستخارة .. الحمدلله استخرت .. وماحسيت بإنجذاب او راحه ابد بالعكس .. وعن اني اتخذ قراري من أجل عواطف , أو من أجل شخص محدد فـ صدقتي محد راح ينفعني لولا قدر الله ووافقت وصارت الأمور سيئه ! امين الله يجزاك الجنه .. كلامك جعلني اتقين واثبت على قرار واحد .. وهو اني بتوكل على ربي واتركه يشوف نصيبه .. وان شاء الله ربي بيرزقه على قد نيته .. > شاكره لك جداً :$ |
رد : محتاره ..
اقتباس:
هو ظلمه لنفسه .. وهذا الخطأ اللي كنت برتكبه ! احيان تكون الرؤية واضحه وتكون على إطلاع تام بجوانب الموضوع .. لكن يصعب عليك تحديد وجهتك ..! هذا انا .. والحمدلله اليوم رسيت على برّ الأمان .. بعد ما قرأت ردودكم .. وبعد الاستخاره .. وايضاً ناقشت أمي في الموضوع وبينت لها كل شي .. والحمدلله وقفت بصفي .. الله يجزاك الجنّه .. ويسهل لك أمورك .. |
رد : محتاره ..
اقتباس:
يمكن وحده ثانيه لو يتقدم لها تقول عادي ما يهمني .. لكن اللي يرفع صوته فوق صوت أمه هذا مافيه خير حتى لو يصلي حتى لو وش كان يكفي الجنه تحت اقدامها , وياليت وقفت على رفع الصوت وبس ..! الله يهديه وبس .. ممكن تحص شخص بار بأهله وبخيل مثلاً وممكن عاق وكريم ! البخيل افضله على العاق لان اي شخص بار بأهله .. الله بيوفقه .. وبيرزقه على قد نيته .. والله يعافيك .. |
رد : محتاره ..
اقتباس:
جزاكم ربي الجنه .. ما قصرتوا .. وماخاب من استشار ") |
| الساعة الآن 06:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©