|
تعبانه وربي ضاقت عليه الدنيا
مااادري ايش اقولكم منهارة ولامخنوووقه ولاودي حياتي انتهت استغفرالله بس
لو مو خوفي من الله كان ارتحت وموت نفسي انا حظي طايح انا منهارة انا حتى ثقتي بنفسي راحت انا وحد ميته امشي مع الناس انا اعتبر نفسي فاشلة الف مرررة مع اني طلاقي بدون طلب مني طلاقي مفاجئ لي بدون اسباب تذكر طليقي تزوج الربوع وانا مابكيت ع اساس زواجه الا بكيت حسرة ع نفسي حسرة ع اسم مطلقة انا خلاص حياتي انتهت لكن هو حياته بدت فرحان وعايش عريس وانا ادفع ضريبة الزواج ايوه انا وماافي غيري يدفعها للاسف كنت لعبة لمده 4 شهور ورماني ولقي البديل وانا الان مطلقة اعيش الم هذا اللقب عندي اختبار بكرة وماني قادرة اذاكر من البكى وربي نفسيتي زززززززززززززززززززفت اذاكر ليه وانا حياتي منتهيه الكل يقدر يحصل ع دراسة بس مو الكل يقدر يصير سعيد انا كتله من التعااااااااااااااااااااااااااااااااااسة مو عارفه انا ايش اكتب بس متاكدة انكم بتخففون عني بعد الله |
رد : تعبانه وربي ضاقت عليه الدنيا
هو المشكله نوع زوجك هو اللي عايش حياته
واللي يصبر هو اللي يشقى |
رد : تعبانه وربي ضاقت عليه الدنيا
طيب جاوبيني
إنت الحين حيه ولاميته؟ ب أقولك إذا حسيت هزتني سالفه ع طول أفكر ب الموت و أقول الحمدالله أنا أقدر الحين أعدل علاقتي مع ربي لأنه لي مجال غير اللي ب قبورهم! وليش ثقتك تصير زيرو فكري ب سالفتك ب شكل عام لاتغوصين بهالشي وتنسين حياتك وهالشي لازم تتعلمينه ب حياتك حاولي تطلعين نفسك بأقل الخساير نفسيا ( زي إنك مو أول وحده ب العالم تصير مطلقه ) النسيان ترا نعمه كبيره ومافي شي مستحيل أو صعب رتبي أولوياتك |
رد : تعبانه وربي ضاقت عليه الدنيا
احساااااس صععععب حسيت فيه لمجرد سمعت بخطبته كيف اذا سمعت بزواجه ، احيان اقول يمكن لو اسمع بخبر زواجه احسن لان خبر خطبته بداية تعب ونفسيه اما خبر زواجه خلاص نهايه هذا التعب وبيصير واقع لا بد منه اللحين او بعدين بيتزوج .
صح نفسيتك تعبانه واكيد اللي متعبك اكثر مو خبر زواجه لا انه قدر يبدى حياه جديده وبكل سهوله وانتي لا صح ولا لا ؟ على كلامك ان فترة زواجكم اربع شهور ، احمدي ربك انا سبع سنوات وكمان احمدي ربك اذا ماعندك عيال منه انا عندي ولدين . عزيزتي مافي شئ يدوم لا الفرح ولا الحزن ولا تعب ولا الصحه انتي اللحين تحسين نفسك ميته مافي شئ مهم بالحياه وكل شئ انتهى صح ؟ بس اذا عدت الحاله اللي انتي فيها بتحسين نفسك انولدتي من جديد وصرتي اقوى من قبل بس خلي ايمانك قوي وارضي بالقدر . انا متأكده انه اذا عدت الحاله اللي تمرين فيها بتضحكين على نفسك ليش كنت متضايقه ؟ ليش كنت ابكي ؟ خاصة مثل ماقلتي هو اللي رماك خلاص جااات منه وش تبغين فيه ، يعني احمدي ربك ليل نهار والله يعوضك باللي احسن منه بتقولينن من بيفكر فيني باقولك ربك فوق وماينسى احد (أنا عند ظن عبدي بي إن ظن خيرا فله، و إن ظن شرا فله) . انتي حاطه في بالك انه بيعيش مبسوط وانه وانه.... ومقهوره صح ؟ عزيزتي احنا في النهايه بشر واللي تزوجها مو ملاك لا مثلي ومثلك مافي فرق وبتتحمل اللي انتي تحملتيه واحتمال يسوي فيها اللي سواه معك ويرميها . انتي تفكرين في الحين انه عريس وعايش حياته بس ماراح يظل طول عمره عريس وجربتي الشئ هذا ، بس لا تستعجلين فيه حاجات كثيره تتغير مع الايام والايام بتثبت لك انه مافي شئ يدوم على حاله . يعني انتي ضامنه انه بيعيش طول عمره فرحان ومبسوط ؟ اقولها لك مره ثانيه مافي شئ يدوم على حاله بس لا تستعجلين . تفكرين انه بيسعدها اكثر منك عزيزتي اللي فيه طبع مايخليه ، وحتى لو اسعدها عنده رب بيحاسبه على اللي سواه معك . اعرفي ان كل اللي صار لك خيره وتاكدي منه بعد واي شئ يصير لك قولي خيره وارضي بالقدر وشوفي كيف نفسيتك بعدها . وسبحان الله ماتدرين ايش اللي مكتوب لك بس انتي اصبري وتقربي من ربك اكثر والله برتاحين وكل ماضاقت عليك تذكري (ان مع العسر يسرا ) وماضاقت الا تفرج وايقني فيها ولا تستعجلين الفرج . انا خطب طليقي مرتين بعد طلاقنا وكل مره نفس الافكار تجيني هو بيفرح وانا لا هو بيعيش حياته وانا لا هو بيسوي لها واناماكان يسوي لي وهو بيعيش مبسوط وهو وهو ..واتعب واكتأب ونفس احساسك واجلس بالاسابيع ماانام بس سبحان الله ماتتم خطبته اعرف( ان مع العسر يسرا ) واعرف ان كل افكاري كانت غلط مثل ماقلت لك احنا في النهايه بشر لا هو ملاك ولا هي ملاك . انتبهي لدراستك ومستقبلك محد بيفيدك الا دراستك وحاسه فيك لاني يوم سمعت بخبر خطبة طليقي الاولى كان على ايام اختبارات والله كنت اروح اختبر وانا مو مع الناس كأني في عالم ثاني الناس تكتب الاجابات وانا افكر والله حتى دموع تنزل مني اخلص اختبار وارفع يدي وانا لسه في قاعه الاختبار وادعي وادعي واستغفر ولا همني احد اصلا مااحس ان فيه احد موجود معي والله ايام صعبه بس الحمد لله صحيت في الاخير . والله لو اجلس اكتب من اللحين الى بكره ماراح اخلص . |
رد : تعبانه وربي ضاقت عليه الدنيا
عشان تطلقتي .. تبغين تنتحرين ..!!
يا شيخه ارحمي نفسك من الأفكار هاذي انتي بس لو تتأملين نعمة العافية اللي ربي عطاك ياها تظلين ساجده طول عمرك شيليه من بالك .. وانسي انه موجود في هاذي الدنيا .. تطلق تزوج مرض .. صار معاه حادث ويعني .. !! ايش يهمك فيه يا بنتي صار واحد من الناس خلاص انتبهي لنفسك ولا تتعمقين في جو ( المطلقة ) كثير ترى العمر واحد .. ويمشييي .. ولازم نعيشه براحه و تفاؤل تحكمي على نفسك بالتعاسة .. عشان تجربة صغيره تأثر فيك ..؟؟ احمدي الله .. ترى انتي ما تدرين يمكن ربي بنالك فيها قصور في الجنة وانتي جاية هنا تتسخطي من اقدار الله .. ربي هو اللي أراد لك الزواج و الطلاق .. بيشوف صبرك ان رضيتي وحمدتي لك خير , وان سخطتي و تذمرتي .. انتي اختاري .. يا اما تضيعي اجرك اللي ساقه الله لك او تمضي في حياتك حتى ترين عوض الله لكي احمدي الله ان خرجتي من عند هذا الإنسان بدون أطفال لو رأيتي حالي و حال أطفالي لتيقنتي انك في ( نعيم كبير ) اسأل الله ان يفرج همك في القريب العاجل .. و ان يوفقك ويعوضك خير |
رد : تعبانه وربي ضاقت عليه الدنيا
تعيسة ومنهارة ومخنوقة لأجل مين علشان واحد ما يستاهل دمعه من عيونك
الظالم ربي بيقتص منه والمظلوم ربي ينصره انتي جعلتي حياتك موقفه على واحد عايش حياته بالطول والعرض الطلاق مو عيب أبدا ولاهو نهاية العالم بالعكس احيانا بداية نجاح بقولك بنت عم زوجي تطلقت ومالها سنه ما بكت على الأطلال صحيح حزنت وزعلت لانه كان معها جداً خلوق فما بالك بواحد باااعك كملت ثانوي وجامعه والحين هي مدرسة وفوق كذا ربي رزقها بزوج صالح والحين عندها ولد ليه؟؟؟؟؟ لانها كانت دائم تقول أنا واثقة ان ربي بيعوضني أسعي لرضى رب العالمين يحقق لك امنياتك بس لا تضيعي مستقبلك علشان اي احد مارح تنفعك غير شهادتك الله يوفقك غاليتي ويعوضك ربي من فضله |
رد : تعبانه وربي ضاقت عليه الدنيا
اين قوتك بالله اين ثقتك بالله
قد تكونين حياتك سعيدة مع غيره ولكن اصبري ولاتفكري بحياته فكري بعلاقتك بالله وادعميها بالنوافل والدعاء ودرستك اجعل من اساسيات حياتك عوضك الله بخير منها |
رد : تعبانه وربي ضاقت عليه الدنيا
تخربين حياتك لاجل واحد حقير
|
رد : تعبانه وربي ضاقت عليه الدنيا
انا مثلك تعبت وبكيت وحبست نفسي فكرت اني ماراح أطلع من هالحالة بس أفكر انتحر وأنهي حياتي عشان واحد مافكر فيني لاطبعا أخرجه من كل حساباتي عارفه انها صعبة بس صدقيني الايام كفيلة وربنا ان شاء الله يعوضك بسيد سيده صدقيني بس مجرد تنخطبي تعيشي الاجواء راح تنسييييييه وتقولي انا تعبت نفسي واهلكتها عشان واحد ما يستاهل انتي بس ادعي ربي باخلاص ويقين ومافي شئ مستحيل على الله وكل ماحسيتي بألم أو شفتي غيرك وتمنيتي تكوني مثلها قولي لا حول ولا قوة لي إلا بالله اللهم اجرني في مصائبي واخلف لي خيرا منها عاجلا
|
رد : تعبانه وربي ضاقت عليه الدنيا
أقدر شعورك واحساسك بس اعتبريه هم وانزاح
وترا كل شيء في هالدنيا مقدر ومقسوم ومكتوب تعرفي ليه هذا حاصل لك لانك جعلتي حياتك وحاصرتيها في قاروة واحدة في قاروته لكن الحياة ليست كذا بل هي فسيحة فاخرجي من ذلك وانطلقي للحياة وترا دراستك ووظيفتك ان شاء الله وعلمك هي بترفعك بعد الله وبتجنين منها السعادة لن تعكر عليك صفو حياتك فاهتمي بها وأما اللي راح اللي باعك بيعيه ولو كان غالي وعسى الله يريح بالك |
| الساعة الآن 10:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©