|
الصالة عندي كبيرة ممكن مساعدتكم؟
السلام عليكم ورحمة الله وبركاته
الصالة عندي كبيره 6×6 وراح اخليها مجلس حريم وجلسة لي ولزوجتي يعني راح ابدع فيها وغرفتين النوم الداخلية وحده غرفة نوم بإستثناء دولاب الملابس لاني راح احطه بالغرفة الثانيه عشان اتوسع بغرفة النوم واخذ راحتي عشان كذا الصالة يبغالها اهتمام خاص بزيادة عشان بتكون جلسة لي وجلسة للضيوف اذا جو عندي عدة نماذج افكر فيها وابغاكم تساعدوني وتختارون لي النموذج الأفضل طبعاً خلفية التلفزيون راح أغير لونها لورق جدران اللي يجي زي الحجر الحين مشكلتي ماأدري وين احط وجه ذا الكنب http://www.m5zn.com/img/?img=f8a3168df9b624d.jpg وماأستغني عن نصائحكم |
رد : الصالة عندي كبيرة ممكن مساعدتكم؟
اشوف تصميم الصورة رقم ثلاثه .. حلو
و الكنب يكون على شكل حرف L بالإنقليزي ماشالله تصميم الصاله حلو وواسع .. يعطي مجال تبدع فيه من خلال الفازات و التحف الله يبارك لك فيه يا رب موفق .. |
رد : الصالة عندي كبيرة ممكن مساعدتكم؟
أميل لتصميم رقم أثنين بحكم أنه وكأنه جعل المجلس معزول وفي مكان مخصص بينما لو وضعته كما في الصورة رقم ثلاثة فإنه سيأخذ مكان الصالة كاملة حيث الباب بجانب التلفزيون وأيضاً باب المقلط، بينما رقم أثنين أكثر ترتيب وتنظيم للصالة ، أما رقم واحد مادري ليه حسيت أنه يكتم النفس :) وهو كأنه في مقابل الغرفة ومفتوح على المطبخ.
أنصحك برقم أثنين ولن تندم إن شاء الله. |
رد : الصالة عندي كبيرة ممكن مساعدتكم؟
أنا أحب أن يكون الملجس معزولاً في الصالة بعيد عن المدخل وعن المطبخ كما هو الحال مع الصورة رقم أثنين، أما إذا كنت من النوع الذي يحب أن يكون مجلسه مفتوحاً على المطبخ وعلى الغرفة علشان ينتقل بسرعة من المطبخ للمجلس فيصلح لك رقم واحد، لكن أرى رقم أثنين أكثر ترتيب وأكثر تنظيم ويكفي أنه يشعرك بأنك في عالم آخر عن دوشة المطبخ ومعزولاً عن غرفة النوم، بينما رقم واحد لن يكون مناسباً فإنك ستكون مقابل الغرفة بدوشتها وحوستها ويسارك المطبخ بأزعاجه وفضويته.
|
رد : الصالة عندي كبيرة ممكن مساعدتكم؟
اكييد رقم اثنيين لانه صاد عن المطبخ والغرف والمقلط !!
رقم ثلاثه التلفزيون بعيد عن الكنبات حيل وصاير بين البابين!! اما رقم واحد موحلوه كلش |
رد : الصالة عندي كبيرة ممكن مساعدتكم؟
مع الاغلبيه رقم 2..
وانصحك بكنب نيو كلاسيك .. على شكل حرف L ولا انصحك تحط فازات على الارض استغل الجدران كما تفضلت بورق الجدران وضع شاشة أل TV على الجدار ممتاز لاستغلال المساحه .. من رايي انك تاخذ من الاطقم الي كلها صوفه .. يعني مافيها زي الي بالصوره 3 2 1 1 .. لا كلها 3 2 2 .. فهمتني .. ولك انت والمدام كرسيين مريحه متناسقه مع الصاله .. وبكذا كسبتو فخامه .. شكل جديد .. واستغلال للمساحه ماادري انت ناويها مودرن ولا كلاسيك .؟؟ |
رد : الصالة عندي كبيرة ممكن مساعدتكم؟
اقتباس:
معليش لاني غلطت بالمساحه لان طلعت المساحه 4×6 والظاهر اني اشوفها كبيرة عشانها فاضية قبل كذا نزلت عدة نماذج للصالة اللي بأثثها واستقريت على هذا لسببين لان التلفزيون بيكون عند افياش الكهربه وعشان العرض 4 متر يعني مناسب عشان اتفرج للتلفزيون http://www.x88x.com/uploads/13527585311.jpg ابغى نصايح للكنب ؟؟ترون ماعندي خبرة وأول مره أثث علماً بأني ابغى اخلي الصاله جلسه لي ولزوجتي وللضيوف اذا جوها وترون فهمت معنى 2 2 3 وش الالوان المناسبة للكنب ولهالجدار والسيراميك؟؟ يعني قولو لي طاولة شكلها كذا ولونها كذا وكنب صوفه لونه كذا وسجاده لونها كذا وابغى احط ورق جدران ورا التلفزيون لون غامق زي اللي يجي شكله طوب حجري يعني جدار واحد او بس احط ورق جدران مترين حق التلفزيون من فوق لتحت وش رايكم؟؟ هذا الجدار اللي بحط فيه التلفزيون http://www.x88x.com/uploads/13527597191.jpg وهذي الصالة من زوايا http://www.x88x.com/uploads/13527597192.jpg http://www.x88x.com/uploads/13527597193.jpg بإنتظاركم |
رد : الصالة عندي كبيرة ممكن مساعدتكم؟
رقم ثلاثه ..يكون افضل
لوضع الكنب في الركن .. ويعطيك مساحه للحركه داخل الصاله .. مع إمكانية تغيير مكان التلفزيون للجدار الذي بين المقلط والمطبخ بالتوفيق ، والله يجمعك بزوجتك على خير .. ..* |
رد : الصالة عندي كبيرة ممكن مساعدتكم؟
لا كذا المساحه صغرت ..
زي ماقالت شقرديه .. ومو حلو ابد التلفزيون عند المدخل ماقلت لنا ناويها مودرن ولا كلاسيك |
رد : الصالة عندي كبيرة ممكن مساعدتكم؟
افضّل المودرن
|
| الساعة الآن 09:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©