يبغى نرجع ونتصالح بدون حل للمشاكل
 

السلام عليكم ورحمة الله وبركاته
ارجووكم ساعدوني في حل مشكلتي قولولي وش أسوي آملي فيكم بعد الله واللي ماعنده جواب يدعيلي
انا متزوجه لي سنه وعدة آشهر لدي طفله المشكله آن زووجي إذا تهاوش معي نظل مانكلم بعض بالأسابيع
يحاول يكلمني وآرجع اكلمه بدون حل للمشكله احاول اتفاهم معاه عشان ننهي الموضوع ونتفاهم
وماعاد بنزعل كل وقت بس يرجع لنفس الشئ انا اللحين طفح عندي الكيل ولي اسبوع ماآبغى اكلمه
ومش حابه آشوف وجهه مقهوووره يبغى نرجع ونتصالح بدون حل للمشاكل اللي بعاني منها من يووم تزوجته
مايوديني لاهلي إلا بالموووت واللحين يقول مافي روحه لاهلك مع ان اهله نروح لهم تقريباً يوميا الوقت هذا
ماعاد اكلمه لاني حاولت كثير اتفاهم معاه بس رافض قلتله مثل ماتبغى تبر اهلك انا آبغى ابر اهلي بعد طلبت
اروح مره بالاسبوع رفض مع انه يكون في الدوام كل فترة روحتي لاهلي واشياء كثيرره قاهرتني بس خلاص ماعاد
اقدر اكتب من القهر ماعاد انام كويس ودمعتي ملت فراشي انا مش مقصره معاه بشي ابد وهو يعترف بس مدري ليش الانانيه واحس ان المشكله من اهله يقولون لاتوديها عند اهلها مع ان بناتهم يجوون عندهم ليش يبغون يحرموني من اهلي هم في النهايه اهلي قبل ماآكون زوجه لولدهم لانهم كم مره قالولي اقعدي في بيتك مافي روحه عند اهلك ،،،،،،،،،ساعدوني وش اسوي وهل زعلي هذا مبرر للي قاعد يصير لي،،،لااحد يقولي تفاهمي ان سكت لان الكلام ماعاد ينفع معه،،،حسبي الله وكفى

رد : آرجوووكم ساعدووني
 

حاولي انزلي لمستوى تفكيره وافهميه واحتويه سميت حواء بحواء لانها تحتوي الرجل وتصبر عليه وانت تنازلي علشان المركب يمشي وطولي بالك وادعي وانت ساجدة اللهم اني اسالك رضاك لانه اذا رضي الله ارضا عنا جميع البشر

رد : آرجوووكم ساعدووني
 

http://www.66n.com/forums/showthread.php?t=240944 افتحي هذا الرابط واسمعيه راح تلقي الحل لمشكلتك

رد : آرجوووكم ساعدووني
 

ياأختي المشكله مو في الهجران وبس المشكله انه مابيحققلي شئ ابغاه وشئ ماله عذر يمنعني منه لاآجد في زوجي الرحمه انام بجانبه وانا في اشد الحزن وهو يدير ظهره لي يكاد قلبي يتفطر من هذا الاسلوب

رد : آرجوووكم ساعدووني
 

زيارة اهلك ممكن تكون اسبوعيا لكن بعض الحريم كل يوم عند أهلها كانه دوام
يمكن عشان كذا منعك . أو ٱنـَYOUـِت نقلتي صورة سلبية بطريقة ما
حاولي معرفة السبب

رد : آرجوووكم ساعدووني
 

لاياأختي انا من يوم تزوجته وهو مايبغى ارووح لأهلي وانا قلتله مره وحده بالأسبوع بس مافي فايده
وأهلي طيبين عمرهم ماتدخلوا بيني وبين زوجي بالعكس مايلاقي
إلا احترام وتقدير منهم

رد : آرجوووكم ساعدووني
 

أنا حاسة فيك بس أنا كل ثلاث سنين أشوف أهلي مرة بس عادي أدعي ربي انه يجمعني فيهم دايما قولي يارب وربي يغيره
لا تزعلي وتهمي حالك طالما دعيتي يعني بجيكي الفرج مو مشكله اصبري

رد : آرجوووكم ساعدووني
 

انا اشوف مو من حقه

اصري على موقفك

كل اسبوع يوم او يومين تشوفين اهلك حلو

رد : آرجوووكم ساعدووني
 

حتى لو اهلها سيئين او مو عاجبينه مو من حقه يمنعها

رد : آرجوووكم ساعدووني
 

لا املك سوى الدعاء لك الله ييسر امرك
شيء يقهر .. يزور اهله بشكل يومي وبالمقابل يحرمك انت من اهلك
زوج اناني وجاهل هل اعجبه حالكما مما ترتب غن حرمانك من اهلك .. هل هو سعيد و متفاخر لانه طبق ما يمليه عليه اهله .. هل هو مرتاح لتعاستك
الله بهديه و يهدي اهله او يبليه ويبلي اهله ..اسفة لكني انقهرت منهم واشفق على حالك اختي الكريمة فما بيدك حيلة الا التضرع الى المولى عز وجل وحده الله يفرجها عليك