|
علاقتي بخواتي متكهربه
السلام عليكم ورحمة الله وبركاته شحالكم اعضاء المنتدى انا عندي مشكله مع علاقتي باخواتي انا انسانه عصبيه ع طول انفعل بس احاول امسك اعصابي ولا اتنرفز "اضعف الايمان اني اكشر ووجهي ينعفس" ... اريد حل للعصبيه يعني اذا حد غلط علي اطالعه ببرود ورواقه وكان شي ماسار :25: مشكلتي الثانيه ان اللي حولي ناس اصحاب مصالح اذا عجبعهم شي تقربوا مني واذا مابغوا شي عادي ولا كاننا اهل واخوان " مثال: اذا وحده من خواتي تبى مكان فلانه وصليني "لاني اسوق" طبعا انا ماقدر ارفض لانها محتاجه الخرجه محد بيوصلها غيري .... الحين جا الدور علي "في عايلتنا عيب البنت تخرج بروحها يعني لازم معاي حد " الحين اريد اروح مكان اكلم وحده من خواتي تعالي معاي تقول والله تعبانه مب فاضيه خلي فلانه تروح معاج وع هذا الحال لدرجه ان ماخرج بالمره ... وكل ماقول برجع الحركه بس مب قادره .. احس علاقتنا كاخوات مب نفس اي خوات يعني اذا وحده قالت انتقاد او نصيحه عادي اللي تكلمها تنفجر وتصارخ يعني نحن بدينا الحوال طبيعي ليش الانفعال !!! او تجيكم وحده فرحانه وتتكلم عادي خمس دقايق الا والمود انقلب وتتنرفز وتقول لحد يكلمني انا طفشانه والثانيه اذا حد كلمها وماعجبها الكلام او محد نفذ اللي براسها تزعل بالاسابيع !! الوضع فظيع !!! :29: الله يجزيكم خير انا صدق متضايقه من هذا الموضوع تكلمنا قالوا انتوا السبب عدلوا اسلوبكم سكتنا تضايقنا من الوضع عشان كذا عطوني حلولكم ونصايحكم :24: |
رد : علاقتي بخواتي متكهربه
الله ييسرلك امرك عزيزتي
بالنسبة للانفعال والعصبية حللي فيتامين دال والغدة الدرقية لانه هالامرين يؤثرو كثير في النفسية وسرعة الانفعال والزمي الاستغفار وقراءة سورة البقرة والدعاء وبالنسبة لاستغلال الناس لك فعاملي الاخرين باخلاقك وليس باخلاقهم ولاتنتظري مقابل منهم فالمقابل هو الاجر من رب الارباب ومسبب الاسباب ,,, وان اردت الخروج فخذي معك الخادمة على سبيل المثال او اجعلي مشاويرك تتفق مع مشاوير اخواتك كالتسوق مثلا في وقت يناسبك ويناسبهم |
رد : علاقتي بخواتي متكهربه
السلام عليكم ... العصبيه ما اقدر انصحك من ناحيتهآ . لاني مثلك واكثر . فما احب اكذب عليك امآ بالنسبه لموضوع اخواتك ... ممكن مايكون الموضوع مثل ما انتي فاهمـه .. يعني اعتقد الموضوع مايوصل لمصالح بينكم .. بالنهايه انتم اخوات ومن هالقبيل .. لكن يمكن بجد تكون تعبانه او مشغوله .. وممكن ماشاء الله انتي نشيطه بزياده عنهم وحابه تخرجي .. اما بالنسبه لهم حابين يجلسوآ في البيت او يعملوآ بعض الاشغال .. ______ اذا اتكرر هالشيء وحسيتي فعلا انهم بيطلبونك وقت الحاجه زي مابتقولـي .. ممكن اذا طلبوآ منك شيء .. تعتذري وقتها .. وتبيني لهم انك متضايقه من طريقتهم .. ومجرد مايلاحظوا انك صرتي تقولي لا وتعبانه ومالي نفس اخرج .. بيعرفوآ السبب وبيحسوآ بمرار هالكلمه ( تعبانه - او اتصلي على فلانه تخرج معاك ) وممكن يغيروآ من انفسهم شوي .. |
رد : علاقتي بخواتي متكهربه
مشكورين اخواني نوتيلا و عاشق الأروى ... جزاكم الله كل خير بحاول اطبق نصايحكم وان شاء الله الوضع يتحسن :) |
رد : علاقتي بخواتي متكهربه
عليكم السلام ورحمة الله وبركاته
يبدو انك الكبيرة ؛وهذا شي طبيعي الكل يطلب منك وانتي بطبيعتك ما تقدرين ترفضين لهم طلب. صعب نعاملهم بالمثل انتي احرجيهم بطيبتك وراح يستحون من انفسهم. |
| الساعة الآن 08:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©