|
أخي الصغير وتصرفاته الغريبة !
السلام عليكم
عندي اخ صغير عمره 8 سنوات بس يمشي فالبيت من الصالة للغرفة ومن الغرفة للمجلس ومن الصالة للغرفة متر البيت تمتير ويقعد يدور مع نفسه ويكلم نفسه وكم مرة نبهته قلت له لا تقعد ادور زي كذا هذا غلط روح العب باي شي او تفرج على التلفزيون ومرات اشوفه يدور ومن يشوفني يخاف ويمشي يروح لللتلفزيون ويعننه ماسوى شي هو يدري انه خطأ لكن الظاهر هالشي ملازمه وغصبن عن نفسه شي لا شعورياً يعني ما الحل معه ؟ وماذا تسمى حالته ؟ وهل يحتاج إلى طبيب ؟ |
رد : أخي الصغير وتصرفاته الغريبة !
اغلب الاطفال اللي حولي كذا فأتوقع انه عادي جدا
ذكرتني بأخوي كان يمتر الصاله بالجري من اولها لأخرها وكان جريه مزعج جدا فأمي الله يحفظها احيانا تمنعه من الجري وسبحان الله اليوم الثاني تجيه سخونه وتكرر هذا الموقف كذا مره فصارت تطنشه يجري لين يشبع وحاليا هو بأولى جامعه ماشاء الله فأتوقع ان اخوك طبيعي جدا لاتشيل هم |
رد : أخي الصغير وتصرفاته الغريبة !
في مشاكل في عايلتكم كيف جوكم الاسري مستقر ولا
يشوف مثلا امك تضارب مع ابوك قرات مرة في موضوع لك ان ابوك مريض نفسيا (الله يشفيه يارب ويرفع عنه وعن كل مسلم ) كيف وضعه معاكم لانه بعض الاطفال لما يشوف مشاكل في محيطه تلاقيه يبدا يتخيل خيالات ويعيش فيها عشان يهرب من الواقع عشان كذا تشوفه يتكلم مع نفسه لانه قاعد يتخيل انه يتحاور مع احد ومنسجم في خيالته فما يحس بنفسه والمشي يساعده على التخيل زي الانسان القلق او المنهمك في التفكير تلاقيه يمشي ويدور لان مخه شغال . ان شاء الله مافيه شي خطير بس انتبه لاخوك وابعده عن اجواءالمشاكل تكلم معاه لانه مو شرط مشاكل في البيت ممكن في المدرسة او متأثر من حالة الوالد . وانصحك تتكلم مع دكتور نفسي احسن عشان يوجهك بشكل افضل كيف تتعامل معاه وتخليه يترك هالعاده |
رد : أخي الصغير وتصرفاته الغريبة !
أظن عادي .. مافيه شي
|
رد : أخي الصغير وتصرفاته الغريبة !
عادي خله يفلها يا شيخ ..
كل ما دار ولا راح .. تراقبه .. حتى صار يسوي يعننه يروح للتلفزيون :22: ان شاء الله مافيه الا العافيه .. |
| الساعة الآن 11:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©