|
اخاف اكحلها اعميها .... ابي شوركم يارجال والنساء مالنا غناه
السلام عليكم ..
جيتكم مره ثالثه هالمره عندي سؤال وابي الرجال بالذات يجاوبون عليه انا مع زوجي مشششاكل زواجنا اكثر من 4 سنوات الزبده مشكلتي انا واريد تغييرها اخوات زوجي لينين ظعيفين مع ازواجهم ودايم شكلهم ضعيف وسم وابشر وان شاء الله انا مع زوجي جفسسه ودلوعه دايم ابيه يركض وراي دايم ابيه يدلعني دايم انا صح دايم الي ابيه يصير مليت من نفسي الصراحه لكن انا ماعرف اقول كلام حلو ولااعرف اصير ضعيفه مع زوجي انا طبيعتي مااحب كثر كلام الحب لاكثر زوجي كلام الحب اقرف ولاكثر ضم وتقارب جسدي اتقرف ولاادري ليه مشاكل كثيره مرت علينا لكن مشكلتي ماعرف اصبر ولااعرف للهداوه رايي لازم يمشي بالطيب بالقوه لازم يمشي واحقد بسرعه على زوجي المقابل زوجي يحبني حب ماشاء الله ودايمآ يقول اشك انك ساحرتني اشك واشك بديت اراجع نفسي اقول وش يحب فيني ؟ عصبيه ولساني طووويل ودلوعه صحيح انا قلبي طيب واعرف للبيت وعيالي الحمدلله مرتبين واذكياء ماشاء الله وسنعين < بعذرهم ماذاقوا الدلال ياحياتي انا مشكلتي دخلت بمشكله اني الوم نفسي كثير كثير الحين زوجي لما يناديني ماقوله سم حاولت وحاولت لاني غرت من اختي واخت زوجي يقولون لرجالهم سم الصراحه مو غيره لكن انا انقهرت من نفسي ودي اتعدل مع زوجي ولاني احب دايما الافضل اسويه حاولت عجززززززززززززززت اقوله سم اقول لكل الناس سم وهو لا اقول لعيالي سم وهو لا ماعرف اكون هاديه معه ابد ابد دايم حاقده عليه الى ان يثبت العكس طبعآآآ هو ماقصر في مواقف سببت لي صدمه نفسيه لكن انا الان احاول انسى وابدا من جديد ابي احس اني ضعيفه مع زوجي واذا قال لا ازعل واسكت بس ماقدرت لساني طويل واذا ماتكلمت اصير زعلانه واطول الزعل لو شي عادي الحين ابي اعرف هل كلمات مثل سم تفرق عند الزوج لما ينادي زوجته ..... انا اقوله هلا ماقول سم السؤال ... للرجااااال خاصه وللنساء عامه انا مر علي كثير دايم الزوجات الي يدللون رجالهم ويقولون لهم سم وابشر وتسكت وتصبر هي الي يطنشها زوجها والي عصبيه وتدلع عليه كثيررررررررررر هي الي يركض وراها زوجها !!! ليه انا اخاف اتغير وبعدها ابلش بعمري يكرهني انا ماشاء الله زوجي يحبني جدا جدا ودايمآ يردد علي انا قمة الوناسه معك انا محظوظ انا وانا ! واذا قلتله الشي الي يضايقني فيه وجاء دوره يقول الحمدلله انا مبسوووووووووووووووط والله ماناقصني شي الا كذا وكذا اشياء مالها دخل بالي انا احاول اعدله هل اعدل هالاشياء مثل طريقة ردي عليه ؟ من هلا لـ سم هل اتغير واكون اكثر صبر للعلم انا ازعل بسرعه بس ارضى بسرعه واشوفه مبسوط ومرتاح ولايجيب طاري هالنقاط هل ممكن شخصيتي تتعجبه ؟ ولو حاولت اقلد اختي واخت زوجي الي هم يشبهون بعض بالشخصيات راح اخرب على نفسي ؟؟ والله محتاره اخاف اسوي نفسي اكحلها اعميها !! معلوومه انا .. اقصد بسم كل الكلام الحلو لكن خليت سم كمثال !! وحطوا في بالكم مدة الزواج احيانا احاول اغير اشياء اشوفها باختي واخت زوجي مثل طريقة الكلام مع ازواجهم ولهفتهم عليهم انا ماحس زيهم انا شوي صعبه ولساني مايعرف اللين بس احيان احاول اقلدهم احس اني مثل الي ضيع مشيته ومشية الغراب ... وادخل بموضوع اخر اني اكره نفسي ومرررررررررررت علي هالمرحله وبصعوبه خرجت منها للعلم انا محبوبه جدآ ولله الحمد عند الاهل والاقارب كذا مره بعملي اتواصل مع زملاء عمل رجال والاحظ اعجابهم باسلوبي ! اكثر من زميلاتي الي يكونون اكثر جمال بالاسلوب وبعضهم الي اسلوبها مثل الي قلتلكم سم وابشر واستغرب انا اشوف اسلوبي مع الرجال مو حلو مره ووضعيف ولين ومع ذلك دائمآ التعليقات على اسلوبي بالايجاب ! هل انا ظالمه نفسي او الرجال تغيرو او زوجي يجاملني ..... وللعلم زوجي من النوع الي يداري المشاعر بزوووووووووووود |
رد : اخاف اكحلها اعميها .... ابي شوركم يارجال والنساء مالنا غناه
زوجك يقول لك كل شي طيب و يعطيك الشي اللي تبغيييييه انت
عشان تكفيه من شرك لانه مايبغى مشاكل .. و لا يبغى وجع راس .. فيكتم بنفسه و يجامل و يداري بخاطرك .. حتى يريح راسه من محاولة ارضائك هو يقدر يكسر راسك .. بس هو شخص مايحب المشاكل و يعرف انه بعدها ماراح يستفيد شي و راح تعملي من الحبة قبة |
رد : اخاف اكحلها اعميها .... ابي شوركم يارجال والنساء مالنا غناه
سؤال للمتزوجات و المتزوجين...
هل تفرق كلمه "هلا" عن "سم"؟ |
رد : اخاف اكحلها اعميها .... ابي شوركم يارجال والنساء مالنا غناه
صاحبة المشكلة: أتفهم حقيقة شخصيتك وحقيقة شخصيته.. لكن أرجوا أجيبي بصدق: 1) هل أنتِ تحترمين شخصيته ورجولته؟ 2) هل تنظرين له بنظرة استصغار واحتقار في داخلك؟ 3) هل ترين أنك شخصية أنانية غير معطاءة؟ 4) هل تريدينه أن يشد عليك كي تعتدلين؟ ::: الأخت الكريمة/ لكل شي حد تقريباً..تحمل نفس المعنى. |
رد : اخاف اكحلها اعميها .... ابي شوركم يارجال والنساء مالنا غناه
اقتباس:
لكن هو اثناء النقاش يجيب طاري بعض العيوب الي تضايقه لكن مايجيب طاري هالموضوع نهائي وللعلم انا المموضوع الي كتبته هو زبدة مشكلتي لكن ماني شريره لهدرجه وزوجي ماهو ملاك لهدرجه انا موضوعي يحتوي نقطتين 1- مشكلتي انا بغض النظر عن مسبباتها وعن الظروف واريد تعديلها 2- هل بعض الازواج ماتهمهم هالامور او مثل ماقلت اخوي روح الطير هو يجاملني ويتحاشى مشاكلي ؟؟ |
رد : اخاف اكحلها اعميها .... ابي شوركم يارجال والنساء مالنا غناه
اقتباس:
|
رد : اخاف اكحلها اعميها .... ابي شوركم يارجال والنساء مالنا غناه
اقتباس:
وللعلم انا اخذ حقي ودايما انا الصح سواء انا الغلطانه او هو ... لكن ماني مرتاحه خصوصا اني بين فتره وفتره اقول اتمنى اني اتزوج غيره ويمر على بالي بعض الشخصيات القويه واقول لو انا متزوجه فلان او علان راح احس بانوثتي وانبسط واقدر احترمه فعلا يااخوي البليغ زوجي لو احاول احترمه احس انه مايستاهل مدري ليه احس اني اضحك على نفسي لانه مايناسبه اني اعامله بتقدير |
رد : اخاف اكحلها اعميها .... ابي شوركم يارجال والنساء مالنا غناه
اقتباس:
انتي عندك شعور بالنقص في داخلك عشان جذي تنظرين لعيوب زوجك وماتنظرين لايجابياته ومحاسنه وكأنك ملاك نازل من السماء والله يمكن لو تزوجي واحد غيره ماتكوني بهذي السعادة بس هذا الشيطان يوسوس لك ويقولك انك مو سعيدة مع هذا الرجال وانه ما يستاهلك راح اقولك شغلة مهمة وهي ان الرجال يحب المراة الدلوعة اللي تبسطه بالكلام الحلو وتخلي لسانها يقطر عسل لان مثل ماانتي تحبي تسمعي الكلام الطيب منه هو بعد يحب يسمع الكلام الطيب منك ومو بس كلمة "سم" تدل على الاحترام او الحب!!! "عمري" "حياتي" "تاج راسي" "حبيبي" "روحي" "قلبي" "غلاتي" "عيوني" "الغلا كله" ووووو هلم جرا... انتبهي على زوجك الله يحفظكم لبعض |
رد : اخاف اكحلها اعميها .... ابي شوركم يارجال والنساء مالنا غناه
مكانه المناسب
؛؛؛ |
رد : اخاف اكحلها اعميها .... ابي شوركم يارجال والنساء مالنا غناه
سبحانك يا رب..
توقعتُ أنّ إجاباتك هكذا ستكون. لعلي أعود لموضوعك مرة أخرى إن شاء الله.. مع العلم أنّ لزوجك جانب كبير في هذه المسألة ينبغي عليه علاجه.. ويا ليته يأتي هنا.. ويتم التواصل بيني وبينه بشكل خاص. |
| الساعة الآن 10:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©