|
الخطأ على مين ((مستجدات في الرد 19))
الحمد لله على كل حال
في الايام اللي راحت صارت لي مواقف كثيرة اهمها زوجي جاه حادث كسر في رجله ورضوض وخياطه بين حواجبه والدكتور يقول انه مكان خطير يعني ممكن يروح فيها بس ربي ستر انا ما قول اني احبه بس ما اكرهه خفت عليه وعرفت قدره من 4 ايام طلع من المستشفى وصار في البيت تغير كثيير صار ساكت وجلف يعني قاسي مره اول ماجا جيت بأكله لانهم لافّين رقبته رفض بشكل غريب يصارخ وخري شكرا مابي منك شي شكلك داعية علي يوم هاوشتك على قص شعرك وانا موب شينة عشان ادعي عليه عشان هالشي قلت يمكن زعلان لأن السيارة انعدمت قلت له خذ سلف من ابوي واشتري قالي وش شايفتني بزعل على حديد مع كم كلمة غبية غير كدا اللي قهرني انه معطي اخوه مفتاح الشقة امس رن الجرس يوم رحت بفتح الباب لقيت اخوه داخل وقابلني بوجهي لما راح جلس يهاوشني اذا رن الجرس تعالي لي اول ! هم زملاءه في الشغل يجون الصبح توقعت انهم هم جايين والحين يقول يمكن اخوي فلان يجي ينوم عندي شلون باخذ راحتي واخوه هذا كبري ونظراته ماتريحني طففشت انا واحس حياتي كلها غباء ماعمري غلطت عليه ولانكدت عليه كل يوم اطبخ وانظف ماقلت شي قالي تبين اجيب شغالة قلت موب لازم والحين ابي اساعده ويصارخ ويقول ان ماجاني من دعاويك الخطأ على مين ادري كلامي ماينفهم ومشوش بس ابيكم توقفون جنبي ابي اعيش زي الناس طفشت قولو لي الخطأ على مين |
رد : الخطأ على مين
نسيت اقول انه بيسافر بعثه على حسابه ويجمع فلوس البعثة يمكن عشان كدا ضايق صدره ؟!
|
رد : الخطأ على مين
حمدا لله على سلامته
المشكلة يا رفيقتي بانه لاتوجد مشكلة رجل وعز عليه ان تخدم ضعفه امرأه هو يحبها لضعفها واحتياجها له أراد ان يحمي قوته الضعيفة بأخوته حتى يستعيدها بذات القوة السابعة فيعود لزوجته الضعيفة ليش ؟ لانه رجل !!! فقط! وش اسوي؟ عامليه كقوي لا يحتاج قوتك بل لحنانك ولا تأتي بموضوع المال أبدا انت تزيدن ضعفه وتقبلي بل وافرحي بوجود إخوته بخدمته والرجل في حالة مرض فلا تؤاخذيه من الغلطان؟ لان مافي مشكلة يعني مافي طرفين دائن ومدان وعلى هذا لانحتاج لقاضي يحكم بينكم الحياة بسيطه ان تجاوزتي تلك التفاصيل التافهة التي تعكر عليك صفو حياتك وتنسيك كل خططك لتتفرغي لمناقشة تلك التفاصيل الميتة وان ضخمتيها قابليه كزوجة لا الممرضة |
رد : الخطأ على مين
الحمد الله علي سلامت زوجك والله يعطيك الصحه والعافيه ولك اجر كبير عندرب العالمين وهذا وقتك ولا عليك من كلامه المريض بشكل عام مشلكه يسب ويطالب ويقط كلام وانا انتكلم من واقع تجربه
كان اخوي مسوي حادث وجلس بالعنايه المركزه عشرين يوم وبعد ماطلع من العنايه رافقت معه بالمستشفي وهو اصغر مني بعشر سنوات عمره 30 ويغلط علي ويسبني ولكن ماحرك شعره فيني مقدر وضعه وعارف انه مريض وحاله نفسيه حتى الممرضات سبب ازعاج لهن كل شوي يطلبهن واول ماطلع من العنايه يتم ساكت مايرد علي اي انسان امي اخونى خواتي الناس كله ساكت معها بس علي الدكتور يرد المهم مااطول عليك مع الوقت طاب الحمد الله ورجع طبيعي ولا كائن صار شي ونسئل الله العلي القدير يشفي مرضا المسلمين |
رد : الخطأ على مين
اقتباس:
انا جالسة اهتم فيه ليه يعاملني كذا رحت اصلح الغداء وبأكله واكل معه قالي وخري يالمنافقة لاتسوين شي ماتبينه والله حزت بخاطري الكلمة بس سكت وطلعت ولا سويت مشكلة ولارفعت صوتي |
رد : الخطأ على مين
اقتباس:
طيب لدرجة انه يجرح ؟ ويقول كلمات مالها داعي على فكرة هو بعد زعلان لان يقول ماكلفتي على نفسك تجين انا اول يومين ادق على اخوي يوديني ويصرف لحد ماقال لاخوه يجيبني انا لو بيدي نمت معه في المستشفى هو يحسب اني اكرهه وادعي عليه بس ماعمري دعيت عليه من قلبي لدرجة انه يجيه حادث |
رد : الخطأ على مين
اختي لما..
الله يخفف عليج و عليه.. راح اقول لج عن تجربتي مع الوالد الله يرحمه و كيف كان يعامل الوالده و يعامل البيت بكبره... وقت مرض الوالد كان وااااايد تعبان... و ما في اي شي يفيده... مجرد مسكنات بسيطه علشان ينام و بس.. و بعدها اكتشفنا ان عنده سرطان و منتشر... في هالفتره كان ما يقدر يتحرك من مكانه... رجل في قوته و فجأه طااااح و ما يقدر حتى يقضي حاجته في الحمام... امر كان صعب عليه جدا... في الفتره اللي كان تعبان فيها كان عصبي جدا...لدرجة انه اعتزل الجميع في الغرفه... و ما يرضى يطلع منها ابدا... كان يكابر و ما يبي يبين انه ضعيف و لكن الألم كان اقوى منه.... بس تعرفين كلنا تحملنا عصبيته لأنه تفهمنا سببها.. مب سهل على شخص يقود نفسه فجأه يكون بحاجه لشخص آخر.... و لكن صدقيني يا لما.... زوجج من داخله مقدر كل اللي سوينه... مقدر كل شي... و راح يذكرها لج بعدين.......... في اخر ايام الوالد في المستشفى... أظن 3 ايام قبل وفاته.... قال لأمي "سامحيني... وايد تعبتج معاي"..... ما تخيلنا انه راح يقول لها هالكلام ابدا لأنه كان وايد عصبي من الألم و المسكنات اللي تخليه مغيب عنا فترات طويله... و لكنه كان يشوفها حوله... و يشوفها كيف حنونه معاه... لما... النظرات تلعب دور... لا تعطينه نظرات حنان... لا تعرضين المساعده الماليه حاليا... لأنه زوجج في اضعف حالاته... هو محتاج انج تتقبلينه مثل ما هو... محتاج انه يحس انه مصدر الأمان لج... امسحي بيدج عليه و هو نايم... قوميه بهمسه... بوسي جبهته بكل هدوء... بدون اي كلام عن وضعه الحالي... لأنه مضغوط اساسا... فخليه شوي... و عطيه حنان فقط... و من ناحية الجماع... إذا ما زالت المشكله قائمه.... فزوجج حاس انج رافضتنه كرجل.... و لازم تعكسين هالنظره عنده... |
رد : الخطأ على مين
قريت مواضيعك!
اسأل الله لك الفرج الفريب تحتاجين لجلسات علاج نفسية عميقة جداً وعليه التعامل مع العلاج بشكل جدي ومسؤول وانتي أيضاً ماراح نفديك وان اجتهدنا لان الموضوع لا ينتهي بالنصح بل بعلاج نفسي حثيث |
رد : الخطأ على مين
اقتباس:
|
رد : الخطأ على مين
بصراحة وأرجو معذرتي ان أسأت التقدير و لكن عذري المسبق هو انني لم اقرأ موضوع او مشكله قبل هذه و سيكون تحليلي مبني على ما طرح في هذا الموضوع فقط .
يبدو لي استنتاجاً أنه يوجد تقصير و تجاهل و نقص في العواطف تجاه زوجك و يستشعر أنكي تكرهينه أو تبدر منكي تصرفات تعزز هذه الشكوك لديه من واقع معاملتك معه و قد يكون و أنا اقول ( قد ) فسر اهتمامك الحالي بالتشفي . مشكلتك تكمن بكي انتي انتي فقط ... لا بد من تغيير معاملتك له و ثقي بأن مشاعر الكره لا تكون موجودة بين الأزواج الا بالتدرج ففي البداية كره لتصرف معين و من بعدها كره لتكرار نفس التصرف و من ثم يعمي الكره حتى تكره كل تصرفات هذا الشخص ومن ثم صراع مشاعر ما بين الكره واللا كره و ليس الحب .. لأن الحب حينها سيكون في عداد الأموات و تصبح الحياة كحال السفينة المبحرة في بحر من الأمواج المتلاطمة و لا يعلم ركابها هل سيصلون إلى الشاطئ ؟ أم ستغرق السفينة موجة من الأمواج المتلاطمة ؟ نصيحة لوجه الله لن يكون هناك من هو أصدق من ذاتك معك و لا أعلم بما بينكما الا الله سبحانه و تعالى ... إن لم يوجد في زوجك ما يستحق الكره ... حاولي أن تحبيه .. لكي يستشعر و يحس قلبه بعطفك عليه إن إحتاج لكي مستقبلاً . |
| الساعة الآن 02:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©