|
زوجي حبيبي يستهزئ فيني!
صباح الخير..
بفضفض لكم شويا عن شي مررة يزعلني بزوجي ولو استمر كدا ممكن راح اكره .. .. .زوجي الله يهديه من يوم تزوجت وهوة بس ينتقد بشكلي ولبسي وجسمي تخيلوا من اول مكالمه لنا يايام الخطبه يقولي من ضحك عليك وقال انك انتي فيك كدا وكدا ..كل شي فيني يتريق عليه مايخلي شي..ولما يسمع احد يمدح فيا يقول يجاملونك ..انا الحمدلله واثقه بنفسي ومستحيل اخلي اي احد كلامه يأثر علي بس لما يطلع الكلام من حبيبي بصراحه من جوة قلبي مررة ازعل وبعض الاحيان اجلس ابكي لكن ماابين له ..عمره بحياته مامدحني بس وقت الجماع يمدح كثير وانا مااصدق مدحه وقت الجماع ..والله من يوم تزوجت انصدمت من كلامه علي كل شي يتريق عليه شعري عيوني انفي فمي جسمي لبسي مافي شي تركه بحاله....مع انه من 8 سنين قبل زواجنا واحنا نحب بعض مووت هوة ولد خالي توقعت لما اتزوج ان راح يقولي كلام يشبع انوثتي طلع العكس ..في البدايه كنت اطنش ومااسمع له لكن مانفع معاه التطنيش ...انا عارفه ان مشكلتي ممكن تكون تافهه بالنسبه لكم لكن والله بالنسبه لي مررة ماثرة فيا لدرجة حتى معاملتي تغيرت معاه ..مو عارفه كيف اغير طبع زوجي جدد ودي يغير طبعه ماابغاه يمدح بس لا يتريق.. |
رد : زوجي حبيبي يستهزئ فيني!
اخوي كذا يعمل مع زوجته
يقول عشانها طول الوقت تمدح بنفسها فيتقصد انه يتريق عليها عشان لاتشوف حالها يمكن نفس الشي زوجك ؟ |
رد : زوجي حبيبي يستهزئ فيني!
والله اذا قاعد يسب فيج قولي وش حلاتي اهبل وكلن ميت عليه اكسري فيه بس مو بهواش
وخلي ثقتج بنفسج قويه ودايم رفعي من نفسج جدامه والله إلى انااا اجوفه حريم جياكر ورييلهم خواتم باصابعهم واياني ويااج تمشين ورى كلمه وتنكسرين انتي الي لازم تسوينه انج ما تتأثرين ولا يهز منج شعره وتاااكدي لو انتي مو عايبته جان ماخذاج وإن شاء الله يجوفج أحلى وحده بالدنياااااا |
رد : زوجي حبيبي يستهزئ فيني!
الحمد لله إنك مافقدت ثقتك بنفسك...
أختي يمكن أنت متميزة عن زوجك في جانب أو أكثر..فمن أولها حب يكسر مجاديفك ويحطمك عشان ماتشوفي نفسك عليه... أو إنك تلفظت بشي يوحي إلى اعجابك بنفسك فأحب يحطمك.. أو مثلا ثقتك بنفسك جدا عالية فأحب يهز هذه الثقة... بما أنه في اللحظات الخاصة يمدح .. فالحمد لله.. ﻷنه في نوعية ماتمدح اطلاقا.. إنت ممكن تستغلي أوقات الصفاء المناسبة وتصارحيه إذا كنت ترين المكاشفة والحوار معه مجدي... |
رد : زوجي حبيبي يستهزئ فيني!
شكله خايف تشوفي نفسك عليه
ظلي على مانتي عليه كل ماتريق عليك بشي أنتي امدحي فيك هالشي واذكري له مدح الناس لك وقوليله مستحيل الناس كلها كذابه الا انت ولو انت مقتنع بكلامك ماانتظرتني 8 سنوات ولو شفتيه زودها بيني له زعلك |
رد : زوجي حبيبي يستهزئ فيني!
خذي موقف .. مو شرط ترفعي صوتك و تصارخي عليه
لا .. حبيبتي .. بس يصدر منه استهزاء لك او كلمة جارحة روحي لعنده وكلميه بكل جدية .. انك ساكتة احتراما له فقط ولا السب و الشتم و التجريح مافي اسهل منه وانك استحملتي كثير واذا فعلا مو عاجبتيه خلاص ايش الي مصبره عليك .. وقولي له لو سمحت خلينا نبدي حياتنا صح بكل احترام و مودة وسيبيه و خليك جديه جدا معاه.. قومي بكل واجباته لكن بدون ابتسامة او كلام عشان يعرف كم كلامه يجرحك ربي يسخر لك قلبه |
رد : زوجي حبيبي يستهزئ فيني!
ليش ماتوضحين له زعلج من أسلوبه؟؟!!
|
| الساعة الآن 10:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©