كيف اقنع اخوي يساعدني (مستجدات في الرد 66 ، 67)
السلام عليكم ورحمة الله وبركاته
مساء الخير آلحمدلله ربي رزقني من الضمان الاجتماعي 9000ريال وصرفتها في ملابس وعطورات وكريمات غاليه الثمن واشياء كثيره كانت تلزمني لشرائها إخوي سألني وعلمته بكل اللي شريته قال انتي مبذره وأمي الله يحفظهإ نفس الشئ زعلانه وانا أشوف معها حق توقعت إخوي بيساعدني في تكلفة العمليه وموعدها بعد شهر لأنه وعدني بيساعدني لكن أختي الصغيره زل لسانها بدون قصد وقالتله إني استلمت من الضمان مشكلتي الحين ماعرف أجمع أبدا أحب ادلع نفسي صرت أنزل السوق وقبل مأادخل اقرأ دعاء دخول السوق واشتري أحس بجرح وهم عظيم والم بداخلي مايعلم فيه إلا رب العالمين من الشئ اللي صار لي كيف اقنع إخوي يساعدني أو يمشيلي مصروف شهري أو على الأقل يساعدني في تكاليف العمليه أو يوظفني لأنه عنده واسطه قويه الحين أرحم أمي لأنها شايله همي وودها إني متوظفه عشان أغني نفسي وعيالي اللهم إني وكلت أمري لك فكن لي خير وكيل لا إله إلا الله آرائكم أتقبلها بكل رحابة صدر |
رد : كيف اقنع اخوي يساعدني
يا حبيبة قلبي
ربي يسر امورك ويغنيك من فضله عن منه الناس ربي يسر امورك حبيبتي ويجبر بخاطرك انا مشغولة كثيييييير مع ضيوفي لكن ما قدرت اقرا ردك وما ادعي لك. (((((((سرقت كم دقيقة اشوف اخبار اهلي هنااا. )))))))) ان شاء الله الاخوان والاخوات يساعدونك بعد الله بنصائحهم ولي عودة ان شاء الله |
رد : كيف اقنع اخوي يساعدني
اخوي الكبير قبل طلاقي وعدني انه يوظفني وقالي مستحيل أعطيك قرش واحد
وانتي على ذمة أبو عيالك إذا وظفتك الفلوس تروح في يده ويحظه في خرابيط قالي انسحبي وماراح اتخلى عنك واخلف وعده وكاتمه كل شيء في نفسي |
رد : كيف اقنع اخوي يساعدني
[QUOTE=دوندرمه;2907910]يا حبيبة قلبي
ربي يسر امورك ويغنيك من فضله عن منه الناس ربي يسر امورك حبيبتي ويجبر بخاطرك انا مشغولة كثيييييير مع ضيوفي لكن ما قدرت اقرا ردك وما ادعي لك. (((((((سرقت كم دقيقة اشوف اخبار اهلي هنااا. ))))))) اللهم أمين الله يسعدك يكفيني دعواتك الطيبه اللي طالعه من قلبك الطيب إنتي أختي اللي ماشفتك ولاعرفتك لله لإيحرمني منك |
رد : كيف اقنع اخوي يساعدني
كيف بيساعدك .. و هو شاف المبلغ الي استلمتيه صرفتيه على امور
هي بنظره .. من الكماليات .. الصراحة .. كان الاولى بك الاحتفاظ بالمبلغ للزنقات .. و خاصة انه اولادك ماحد بيصرف عليهم .. . . اطلبي من اخوك يبحث لك عن وظيفة .. بس صعب تطلبي منه مصروف شهري .. خاصة بعد ما شاف انك بسهولة صرفتي المبلغ على اشياء ماهي مررررة مهمة .. |
رد : كيف اقنع اخوي يساعدني
كلنا نحب ندلع نفسنا و ما نحرم حالنا ..
لكن لازم نكون قدر المسئولية اللي على عاتقنا .. |
رد : كيف اقنع اخوي يساعدني
اقتباس:
حتى إخوي يقول 1000عندي مثل الريال ماتهمني ويصرف فلوسه وانا ابدى من الغريب والأقربون أولى بالمعروف والله لو عدوي احتاجني أعطيه عيوني أختي الصغيره قالتله كل يوم نشوفك تساعد غيرنا وموب محتاجين أكثر من أختي وعيالها الله يزيده بس المفروض ماينساني شاكره لك ردك ونصيحتك المره هذي درس لي |
رد : كيف اقنع اخوي يساعدني
الله يسخره لي ويرزقني من واسع فضله ويغنيني بحلاله عن حرامه
متضايقه من حقي أعيش حياتي بما يرضي الله بعد ماستلمت آلحمدلله في تحسن كثير في نفسيتي وشكلي حبيبتي روح الطير إخوي ماراح يوافق انه يوظفني لأن أختي حاولت فيه يوطفها يالله بعد ماترجته وحاولت فيه وافق وألا الآن ماراح يقدم أوراقها |
رد : كيف اقنع اخوي يساعدني
ماشاءالله من وصفك له .
انه مقتدر ماديا ؟ ليه طيب ما يساعدكم .؟ امك ماتقدر تطلب منه ؟ |
رد : كيف اقنع اخوي يساعدني
عمره أخوك مارح يتخلى عنكم بس هو يبي يعطيك قرصة أذن
حقك تدلعي نفسك بس اولادك اولى خاصة انهم في رقبتك حاولي باخوك وقولي له يعطيك فرصة وانك بتكوين قد المسؤليه وبالأخير رزقك على رب العالمين وحده الجئ اليه ليسخر أخاك لك الله يوفقك ويسعدك دنيا وآخره |
الساعة الآن 03:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©