|
اتمنى شعوري يتغير
السلام عليكم ورحمه الله وبركاته
الحمدالله ربي اكرمني بطفل عمره سنتين الله يحفظه ولدي له ايجابيات كثره ماشاء الله عليه بس سلبياته تضايقني مرررررره احيانا يعاند على شي تافه وانا صبري قليل واعصب بسرعه صحيح اني مااضربه بس اعاقبه والوم نفسي بعد العقاب وخاصه لما ينام واحيانا يمتكلني شعور اني راح افقذه وهذا الشعور مرافقني اول ماولدته صرت ماتمنى طفل ثاني لاني خايفه ماقدر اربي اثنين واني مو قد المسؤليه الحمدالله ولدي ايجابياته الكل يتمناه واكيد هذا من بعد جهدي ولله الحمد وانا اعتبر نفسي ام مثاليه و ولدي راح يفتخر فيني كمان بس ولدي سبب لي عقده نوعا ما اول ماولدته كان عنده مغص الاطفال كنت اظن انه مريض في البدايه كان يبكي ليل ونهار وماكان يخليني انام وانا نفاس حتى الاكل كان صعب اكله كنت اخاف اذا خليته يبكي افقده ولظروف عمل زوجي كان يسافر وماكان احد يخفف عني وكنت ابكي بحرقه بعد اربعه شهور تقريبا الوضع تغير للاحسن بس صرت اول ماشوف مولود صغير اتذكر تعب ولدي وماصرت انظر للمواليد مثل اول << اتمنى المعنى وصل ومع عناده دحين صرت اخاف اعيد التجربه مره ثانيه واقول انا واحد ماقدر عليه فكيف اثنين سؤال الثاني كيف اتحمل واطول بالي مع عناد ولدي ولماذا اشعر اني راح افقد ولدي |
رد : اتمنى شعوري يتغير
قصدك فوبيا > محسوبتك كمان نفس الشعور سابقا بس الآن اتمنى لإبني اخ او اخت عشان يلعبو مع بعض ووووو بس دائما احاول اني ما اتذكر الم الولاده ولا حتى تعب النفاس لأنه ينغص على كل شي
الله يعين |
رد : اتمنى شعوري يتغير
حتى انا يا ام محمد اتمنى لولدي اخ او اخت بس احس اني راح اظلم طفل الثاني لان ماعندي اشتياق لمولود
|
رد : اتمنى شعوري يتغير
حبيبتي دام ولدك الله يخليه لسه صغير خلاص لا تهتمي وتشيلي هم مامنه فائدة
اهتمي بولدك ودليليه وعيشي حياتك وامومتك معاه واشبعي منه ولما تشعري ان صار عندك استعداد لطفل جديد وشعورك تغير بعد سنة او سنتين اقدمي على الخطورة بجراءة وقوة اما الان فهذا ظلم تظلمي نفسك اولا و اخرا وكمان تظلمي ابنك لانك تحرميه من وجودك الان بقربه وما تلعبي معه او تكوني موجودة له وحابسة حالك في تفكيرك وشعورك بالتقصير اطلعي من هذا التفكير واتخذي قرار بتاجل الحمل مدة انتي تشوفي فيها انك تقدري فيها على طفل جديد واجلي التفكير لوقتها اما الان انتبهي لحالك ولبيتك ولطفلك ربي يحميه لك اجلي التفكير لوقت تشعري انتي فيه ان هذا الوقت المناسب لوجود طفل جديد ولا تشعري الان بالتقصير وانك السبب بحرمان ابنك من وجود اخ او اخت له هذا تفكير خطا انا عندي تؤام وبعمر ولدك الله يحميهم ومطلعين عيني ومثلك افكر ما اعيد التجربه وخصوصا حملي صعب وشاقه وما عندي احد يعيني لكن انا الي حطيت وقت معين متى افكر اجيب لهم بيبي جديد يلعبوا فيه وامارس امومتي من جديد لنا الحين ما اشعر بامومة اشعر بالارهاق التام هههههههههههههههه ان شاء الله تعالى بالتوفيق |
رد : اتمنى شعوري يتغير
دوندرمه والله معك حق انا مو مستعده نفسيا بس ولدي كاسر خاطري هو اللي مخليني افكر ايجيب له اخ او اخت وماعندي مشكله في هذا الموضوع بس حاسه اني مو مشتاقه للحمل ولا للسهر ولا لتغير الحفاظه يعني بالاخير مو مشتاقه ابداء من الاول بعد ماحياتي استقرت يعني بعد ماولدي تعود ينام في الليل وبعد ماصار يفهم علي وصرت اخذه للسوق والمطعم بدون ازعاج
|
| الساعة الآن 06:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©