|
هل تقبلين بزوج ضعيف البنيه؟
السلام عليكم و رحمة الله و بركاته
اخباركم ؟ مثل مو واضح بالعنوان هل تقبلين أيها الفتاة بزوج ضعيف البنيه ؟ هذا الامر محيرني جدا جدا جدا والله انه مايهمني الشكل كثير و لكن خلال النظره الشرعيه حسيت انه بنيته جدا صغيره بالرغم من كبر عمره 27-28 مافيه اي عيب من اي ناحيه و لكن هذا الشي جدا قالقني خايفه انه يكون مافي اي تناسب من ناحية الشكل بيني و بينه اخواني يقولون طوله عادي نفس طول واحد من اخواني وممكن اقصر شوي لكن انا خلال الشوفه نظرت له نظره خطافيه و حسيته صغير و كيووت و ماعاد شفته مره ثانيه استحيييت علما انه انا طولي يتراوح بين ال 150 سم و 152سم اعرف انه مافي انسان كامل ولكن هذاعيبه .. تفكيري جدددا غلط و خايفه من الموضوع كله واني اندم من حيييييرتي بس ابببببكي ماهي آرائكم هل هذا السبب يدعو للرفض ؟ ربي يريييح بالكم :24: |
رد : هل تقبلين بزوج ضعيف البنيه؟
وعليك السلام ورحمة الله وبركاته
مرحباً أختي أولاً : هدئي نفسك ليش البكى ..؟؟ ثانياً : ضعف البدنية له عدة إحتمالات .. إذا كان بسبب مرض أو هزال .. فهذا يجب التفكير في قبوله أما إذا كان شكله طبيعي وخلقته وبنيته الجسمية بهذا الشكل فالأمر لا يستدعي كل هذا الخوف والتفكير خصوصاً إذا كان مواصفاته ممتازة وبما أنكِ طولك في حدود 152 سم فلو كان أطول منك قليلاً 160 سم أو زيادة قليلة فهو ممتاز ومتناسق جداً بل أنه حتى لو كان في مستوى طولك فلا مانع أيضاً والعبرة ليست بالطول إنما بالرجل ودينه وأخلاقه وسمعته بارك الله فيك |
رد : هل تقبلين بزوج ضعيف البنيه؟
أنت كمان صغنطوطه يعني مثل ماقال الاخ الرسمي لو طوله 160 واقصر حلو مرا لكم أشوف مناسب..
لو أنك اكبر بالحجم وبالطول كان صح من حقك تحتاري. وماأتوقع رجال أقصر من 150. كثير أشوفهم تقول ابيه طويل واذا تزوجت تخجل تمشي جنبه وتلبس كعب عشان تصير قريبه منه أو تلبس الصنادل العاليه تكون متساويه من تحت كل هذا عشان مايبان الفرق بينهم كثير.. ياقلبي ركزي أهم شيء على أخلاق الرجال .. |
رد : هل تقبلين بزوج ضعيف البنيه؟
عااااادي جدا ومايستاهل انك تبكين عشان هذا الموضوع
اهم شي دينه واخلاقه اذا تمام صلي صلاة استخارة وتوكلي على الله لعلمك زوجي كان نحيــــــــف مره بس طوله معقول على قولك طول اخواني حاليا سمنان شوي وودي انه يرجع مثل زمان بس الظاهر العمر له دوره :26: الله يكتب لك الخير يارب ويوفقك بحياتك ممكن تسألين اخوانك هل شكله طبيعي ولا فيه مشكله لأن عادة البنات صعبه يحددون فالرجال ادرى ببعضهم |
رد : هل تقبلين بزوج ضعيف البنيه؟
مو مهم احنا نقبل
الاهم ان أنت تقبلي فيه وترضي بشكله ... اطلبي من اخوانك يعزمونه وانظري له من خلف الشباك اطلبي صورته .. فاذا ارتحت واطمئننت فتوكلي لى الله .. طبعا كلامي يؤكد كلام الاخوة ان الاهمية في الدين والخلق وما يتبعها من مستزمات الحياة .. ولكن يبقى عامل القبول مهم |
رد : هل تقبلين بزوج ضعيف البنيه؟
إذا مو مرتاحه لاتوافقين..
أهم شي للزواج الناجح القبول من الطرفين |
رد : هل تقبلين بزوج ضعيف البنيه؟
اقتباس:
|
رد : هل تقبلين بزوج ضعيف البنيه؟
نستنا موضوعك بعد الزواج " زوجي سمين وش اسوي:26:
|
رد : هل تقبلين بزوج ضعيف البنيه؟
زوج اختي ما يوصل لكتفي لما اسلم عليه ولا احد عمره من عايلتنا او معارفنا تكلم على طوله
طلوله تقريباً 155 و بالعكس اشهد انه شهم و رجل و معيش اختي احلى عيشة و مخليها ملكه خليك من الطول ودققي في اخلاقه و دينه اللي هي اهم شيء هو لم يخلق نفسه علشان يكون قصير و في النهاية استخيري و الامر راجع لك بالتوفيق اختي الكريمة |
رد : هل تقبلين بزوج ضعيف البنيه؟
انا جدا مرتاحه لكن بعد الشوفه ترددت شوي عشان الحجم والطول
والله خايفه اكون شكليا اكبر منه مرادي تجئني وحده تقولي انا كنت نفس مشكلتك و لكن من عرفته نسييييت حكاية الحجم والطول عشان قلبي يرتاااح |
| الساعة الآن 02:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©