|
خطيبي وعيوبه :'(
..
السلام عليكم ورحمة الله لي مملكة صار لي تقريبا أسبوعين بتكلم شوي عن خطيبي اكبر مني بسنه وشوي يعني فارق السن بينا بسيط متفاهمين في أغلب الأمور يموووووت فيني ومتعلق فيني لدرجة المكالمات مره مرتين يوميااا غير محادثات الواتس ملامحه حلوه مستواه التعليمي أقل مني (ثانوي) لكن شغله كويس وراتبه معقول أسلوبه في الكلام ماشاء الله حلو ودمه خفيف وذكي ومن ناحية الاأخلاق .. أخلاقه عاليه محافظ على صلاته في المسجد ومهتم بعمله .. ساكن في مدينه ثانيه .. واللقاءات اللي صارت بينا تقريبا اربع لقاءات والباقي مكالمات بالواتس مشكلتي وين !! بشكله .. شكله مو قبيح لا لكنه سمييييين وقصيييييير .. ولما كان يجي حاولت ألمح له اني أحب الجسم النحيف واللي يهتم بنفسه ومآحسيت انه فهم تلمييحي .. بالعكس لاحظت من خلال كلامه انو حتى مايحاول ينحف أو يدخل نادي او شي حتى لما يمشي أحسه متضايق وذوقه في اللبس اقل من عادي ومن زود الثقه يرسل لي صوره كمان بالبدل .. شخصيته في الواتس ماحبيتها كأني أكلم طفل..بس مضطره أكلمه بالواتس في بعض الامور اللي ماقدر اواجهه فيها وفيه حاجه مره قاهرتني .. يرسل لي بالواتس مسجات حب دقه قديمه حقت أيام النوكيآ .. واكتشفت انها من برنامج محمله عنده احيانا لما تجيني الرساله يجي أسفلها رابط البرنامج هذا مره هذا الشي يضايقني :'( .. خلآص إذا الكلام مو من قلبك لاتنسخ لي رسايل .. ماتو اللي يسوونها.. أول ماتجيني رساله كذا امسحها ماابغى اتذكر لما اشوفها لكنه مصر على الحركه كل شوي يرسل ودي اقوله خلاااااص وكمان لما نقابل بعض ماعمره ضمني أو باسني .. أقصى شي يسويه سلام باليد مع اني متاكده انه يحبني ..لكن ماحبيت ان الرجال يستحي المفروض انا اللي استحي تمنيت انه بادر بحركه او اي شي يخليني افكر فيها دايم وانبسط المشكله دايم أقارن بينه وبين إخوانه اللي اكبر منه متزوجين ويهتمون بأنفسهم وكشخه يمكن يكون فيهم سلبيات مااعرفها بس اتكلم من ناحية الشكل والاهتمام انا مااكرهه بالعكس فيه صفات كثيييره حبيتها بشخصيته بس في نفس الوقت مضايقتني هالأمور اللي تكلمت عنها ودي خلاص أشيلها من بالي لكن ماقدرت :'( |
رد : خطيبي وعيوبه :'(
اختي الفاضلة
لم يمض على الملكة سوى اسبوعين وهي فترة قصيرة جدا وغير كافية للحكم على خطيبك فخطيبك على مايبدو يجهل الكثير من الامور التي تخص المراة فهو يتصرف بعفوية لذلك عليك بالتريث واستغلال الاوقات المناسبة للبوح بما تريدين ففترة الملكة من اهم فترات الحياة الزوجية بل هي الاساس الذي ترتكز عليه علاقة الزوجين ببعضهما البعض فاجعلي منها وسيلة مفيدة تجني عليك ثمارا نافعة في المستقبل فبما انك تعلمين بانه يحبك فبالتاكيد انه سيتقبل منك ماتريدين فقط اختاري الزمان والمكان المناسبين لطلب ماتريدين منه نسال الله ان يوفقك ويسهل امرك اختي الفاضلة |
رد : خطيبي وعيوبه :'(
موصفات ماشاء الله رائعة وخطيبك لسة خجلان شوي ولازم تصبري معاه للأن الظاهر لم يسبق له التعامل مع أنثى
المشكلة إذا كان الرجل جريئ تقولون أنه له سوابق وووو..وإذا كان يستحي تتضمرون يا أختي الفاضلة كلشي فوقت حلو إياك ثم إياك أن تقارني زوجك بإخوانه او اي شيئ أخر للأن المقارنة تشعر الشخص بعدم الإرتياح والقبول ويؤثر ذلك على العلاقة وقد يؤذي ذلك الى الإنفصال لا سمح الله أسأل الله أن يبارك لكما ويرزقما السعادة والذرية الصالحة. وعقبال الباقين إن شاء الله |
رد : خطيبي وعيوبه :'(
هذه امور بسيطه وحلها سهل انشاءالله فلا تدعي هذه الامور تعكر صفوك وفرحتك
|
رد : خطيبي وعيوبه :'(
اختي انتي مبالغه الموضوع بي المره .
اختي من ناحية السمنه . عادي قولي لها انك سمين شوي . اختي انا خطيبتي لما ارسلت لها شوية صور لي كنت فيها شوي نحيف فجرتها في وجهي و قالت لي انتبه تجي لي وانت كذا نحيف و بعدها بشهرين سمنت و دخلت نادي و صار جسمي متناسق و ارسلت لها صوري في الجيم فقالت لي . ﻻﻻﻻ انت ما عندك وسط يا نحيف يا جثه اما مسألة القبله و الضم يا اختي في كثير شباب يحبو يظهرو بشكل الشاب الخلوق و المهذب و يخاف لو قبلك او داعبك ( مع انك حلاله ) تتغير وجهة نظرك عنه او انك تشوفيه انسان غير محترم و مستعجل . و بعدين بعدكم ما اخذتم علي بعض صديقة خطيبتي طلبت الطلاق من زوجها ( مملك عليها ) لانه تجاوز معها بقبل و المداعبات اختي خطيبك انسان محترم فلا تضيعه بشغلات ما تستاهل |
رد : خطيبي وعيوبه :'(
اقتباس:
شكرا لك أخي مارد بالنسبه للبوح والمواجهه في عيوبه أشوفها شوي صعبه على نفسي بالذات اني استحي اكثر منه ممكن مسألة السمنه بعد الزواج أكون قادره على مصارحته فيها بطريقة أو بأخرى لكن الأمور الثانيه مادري اشوفها صعبه شوي آمييييين واياك شكرا لك مره اخرى |
رد : خطيبي وعيوبه :'(
الظاهر زوجك ماشاء الله تبارك الله خام...
وإنت عجولة جدا...وسابقة اﻷحداث.. اﻷخوان واﻷخوات ماقصروا إن شاء الله تستفيدين من ردودهم.. |
رد : خطيبي وعيوبه :'(
اقتباس:
كلامك مريح شكرا لك |
رد : خطيبي وعيوبه :'(
اقتباس:
يعني لو ما تحمس الحين متى !! والزواج اساسا بعد 3 شهور يعني مافيه وقت ودي أعيش ايام الملكه بجمالها |
رد : خطيبي وعيوبه :'(
اقتباس:
والله ودي مررره انه يهتم حتى لو كان هالشي بيسبب لي احراج لكن اذا تاكدت انه مارح ينجرح او يزعل لاني احسه بريء زي الطفل وخايفه ينجرح اشكرك جدددددا |
| الساعة الآن 08:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©