|
اهل الزوج ماموقعهم
السلام عليكم اخواتي في الله كم انا مشتاقة للمنتدي واخباره ان شاء الله الجميع بخير:d مااطول عليكم يااحباب لكن والله حز في نفسي ما اسمعه عن اهل الزوج والتقصير معهم سواء بتقليل الزيارة او الرسمية معهم:( اختي يامن تمنيت في يوما ما ان تحظي بزوج وكم دعوتي الله ان يغينك بحلاله عن حرامه وحين استجاب الله دعوتك تنكرتي وبداتي بترديد اهل زوجي فيهم كدا وكدا وانا قطعت علاقتي بهم ولاازورهم الا كل شهر:( سبحان الله اكنت ستقطعين علاقتك بهم قبل الزواج لا وربي بل ستجعلين من نفسك ملاكا حتي يقبل بك من تقدم لك ؟ مالذي جري ياخوات ضعي في ذهنك ان زوجك ابنهم وابنائك ابنائهم هل ترضين ان يقطع بك احفادك ؟ فلماذا هذا الظلم للاهل ؟ تعبت امه وسهرت الليالي وحين كبر واختارتك زوجة لابنها تقابلين المعروف بالجحود ؟الدينا سلف ودين وغدا ستكبرين وستحتاجين لابنائك واحفادك من حولك ايسرك ان لاترينهم الا كل شهر وبرسمية تامة؟ والعتب كل العتب على الزوج الذي يرضي بان يجعل زوجته تنعزل عن اهله ؟ وبكل نكران يذهب بزوجته كل اسبوع عند اهلها وقد تنام عندهم ؟ اليست امك جدة كما ان ام زوجتك جدة لكن للاسف ضاعت الرجال ولم يبقي سوى اشباه الرجال وحتي لو اهل الزوج اهل مشاكل تذكري انهم لم يكونوا مشركين او كفار لان حتي المشرك يجب معاملته بالحسني ؟ فما ظنك بمن يصلون لله ويعبدونه00 الدنيا دوارة وماترضينه يااختي على اهلك ارضيه على اهل زوجك واسالك بالله ماموقفك من زوجة اخيك لو تقطع صلتها باهلك وعليها قيسي تصرفك وراجعي حسابك فاليوم عمل بلا حساب وغدا حساب بلا عمل والسلام عليكم ورحمة الله وبركاته
|
رد : اهل الزوج ماموقعهم
المشكلة مو بالزوجة المشكلة في اهل الزوج
لان الغيرة تبدأ تشتغل فيهم و يسددون و يقاربون في اظهار الزوجة المخطئة المسيئة و كذلك في اظهار ابنهم في أسوء صورة له أمامها و امام الناس حتى تقوم بالتنكيد عليه اما كل واحدة لو تستطيع ان تكون في احسن علاقة مع اهل زوجها من باب التقرب له و التحبب و التودد |
رد : اهل الزوج ماموقعهم
ترى حتى امهاتنا تعبوا علينا وسهروا الليالي. وولدونا بنفس الطريقه !
وترى حتى الزوجه لها قلب واهل يتألمون عليها وترى هو اللي خطبها. وماتفضل عليها الفضل لله وهي وهبته حياتها بكل مافيها انه تزوجها هذا مايعني انه يستعبدها. ويذلها لأهله بعدين الاعراب اشد كفرا ونفاقا الاجانب اخلاق اكثر من اللي حولنا خصوصا في هالموضوع ترى مو كل من يصلي. يصلي ومو كل مسلم مسلم اشباه الرجال ؟ ليش ماتقولين عن الاهل اشباه الاهل ليش ماتقولين اغراب لان الوحده لو تحشم ولدها ولا اخوها ماتضره في زوجته لو انها بنت يهود ببساطه لان هي وزوجها. واحد واللي يمسها يمسه لكن امة ضحكت من جهلها الامم |
رد : اهل الزوج ماموقعهم
مع رذاذ خانم
مع الخيل يا شقره هههه |
رد : اهل الزوج ماموقعهم
اقتباس:
طيب الزوجه وشلون تاخذ راحتها عند ناس ماتقدرها ولاتحترمها ليش شفقانه على الامراض خلاص تعاملهم برسميه وزيارة لهم كل شهر مره ولمدة عشر دقايق كافيه عليهم اما الزوج بكيفه يصبح ويمسي عند اهله وما اتوقع وحده تتجرأ تمنع زوجها من اهله لأنها تدري ان جنته وناره تحت رجيلات امه واذا تجرأت ومنعته وسمع كلامها هذيك الساعه لك حق تلومين بس مايكون اللوم على بنت الناس لا والله على الزوج المحترم |
رد : اهل الزوج ماموقعهم
بالعكس والله بعضهم يصيروا اهلك كأنهم امك و ابوك
اعرف وحدة الله يوفقها و يرزقها على قد نيتها ما تروح تتسوق او تتمشى الا و تصر على زوجها انه ياخد امه معاه لدرجة مره من المرات فكر يتزوج الثانية كرغبة فقط فأهله حاربوه و ضغطوا عليه كله من حبهم لزوجته و غير رأيه في الأخير نصيحة لكل زوج و زوجة عامل/عاملي اهل زوجك/زوجتك كأنك تعامل والديك فلن ترى بعدها الا كل خير من محبة و مودة و احترام و تقدير محبتك و احترامك لهم يدل على محبتك لزوجك |
رد : اهل الزوج ماموقعهم
أمين. سبحان الله تكرر كلام امي نصا
ماعلينا لما نعتبرها مثل امنا وتروح تخلينا علكه في افواه الناس ونتكلم ونقول ليش ! وعلى اي اساس ؟ ومامن مجيب ! لما هي تعتبرنا زوجات اولادها. وتميز بينا وبين بناتها لما احنا لازم خطا وبناتها الصح لما تعطي بناتها الحق في التطاول وتكون الحصن المنيع لهن لما تحاول تقلب الرجال على زوجته لمجرد انها ماقدرت تستعبدها هي وبناتها لما هي تقول فلانه بنت فلان. وش اللي خلانا نط من هالناس والناس ذولي جدهم للاب يكون اخو زوجها لما زوجة ولدها. تسهر مع زوجها وهي عروس وماتنام الا الصباح تلبيه لرغبة زوجها وتروح هي تتكلم فيها ليش ماتسوي غدا لولدها. وتقول لها الزوجه اني اسهر وولدك مايخليني انام تقول خليه ماعليك منه ونامي والرجل رافض كلام امه ويفول اسمعي من هنا وطلعي من هنا لما توصل فيها المواصيل ترسل الخدامه تجي تاخذ لولدها الثاني غدا يعني انه ماعجبه غداهم وهو يكلم اخوه ويقول انا تغديت لكن هذي سوالف امي ونقول لها ليش ياماما كذا تقول لمصلحتك يابنتي هذا رجال يبي ياكل مو بس نوم ليش الانسانه اللي منهد حيلها ولا نامت الا 9 الصباح مو انسانه تبي تنام وترتاح لازم يالمكينه. تشتغلي ع العدا الساعه 11 لما بنتها تتزوج بعد شهرين ونفس الحال يتكرر وبنتها ماتنام الا الصباح وتقول للي معها في البيت شيلوا عدا لاختكم. تجي مسيكينه ماتغدت المسيكينه هذي زوجها مايبي اكل ! انا لما تكلمت علي عند القريب والبعيد. عشان سالفه تافهه ماتسوى واحنا اصلا ماتغدينا عندها عشان يعورها قلبها ع اللقمه اللي اكلت ولدها اياها مو احرى انها تسكت مثل ماهي ساكته ع بنتها ومسويتها يادهينه لاتنكتين ليش هي تنام مع زوجها وتجي مع امها تتعدى. وانا انام مع زوجي وتجي تزعجنا بكلامها اللي مثل السم وانا الحنا ماراح من جسمي لما. كل نره تميز هالتمييز هذي نقطه من بحر هذي اعتبرها امي ؟ لا والله ماهي امي ولاوالله اقارنها في شعره من شعرات امي هي مو بس ماعتبرتني بنتها الا كني عدوتها وانا 6 سنوات اقول تتعدل وش النتيجه ؟ انا بديت اتعب وشوي تجيني الامراض بسببها. هي وبناتها. اللي تشجعهم على ايذائي وبنتي ليش انا جايه من الشارع ؟ ماعندي اهل ؟ امي ماتتألم علي ونا وحيده بينهم لكن اهلي اللي مو عاجبينها. ماهم مثلها يتدخلون في اللي مايخصهم ابوي لما دري قبل شهرين. بسوالفهم قال البنت ماترجع قالت امي لا احنا مانسوي زيهم وانا بنفسي حطيت حد لهالمهزله وقطعت كل مايربطنا لكن الله يمهل ولايهمل اشتهيت مره اشوف وحده فيهم لما تغلط اختها تفهمها والله مو عشاني عشانها امهم تقول يابناتي لا هذا خطا الا بناتي وبناتي ولاحد يتكلم في بناتي وكلهم مايعرفون الا انا واخوي على ولد عمي وانا وولد عمي ع الغريب استغفر الله تري اني بديت اكره. زوجي بسببهم اي شي يربطهم بي اكرهه وبعد هذا اهلي ؟ لامو اهلي اللي يطردون بنتي ويكسرون قلبها نهار العيد من بين الاطفال ليش ! لانهم مايحبون امها ياترى وش سوت امها ؟ مااحترمت وتحملت وسةت واكرمت لكن انت اكرمت الكريم ملكته وان انت اكرمت اللئيم تمردا ولاحد يقول قولي هالكلام عند زوجك. ترى ماخفت وقلته لانه عارف وشايف وتعبان وهو يأدب فيهم توصل. فيهم يتبلون علي الاشياء انا مازورهم لان ماعندهم شي. ولاطريق لي صاروا يرسلون لزوجي بالواتساب لكن الجزاء من جنس العمل فرجاء اصابعكم ماهي سوا واهل الزوج مو كلهم اهل زوج ويحشمونه في زوجته واطفاله ومو كل مره صح اننا نحسن. اوقات يكون الصح اننا نخطي والمجرب احكم من الخبير والطبيب والمثاليات لأهلها واللي يستاهلها |
رد : اهل الزوج ماموقعهم
اقتباس:
إن استمروا في الإسائة كوني رسمية معاهم ولا تزورينهم الا في المناسبات الرسمية حتى لو كنتي عارفة انهم ما راح يغيروا تصرفاتهم و تعاملهم معك و قابلي الإسائة بالمعاملة الحسنة انا استغرب من هالكلام لأني لاحظت الكثير بالمنتدى يشتكوا من اهل الزوج او الزوجة و اللي انا شايفة حولي كأخوان او اخوات او قرايب او معارف او زملاء عمل كلهم زي العسل مع بعضهم هل انا من كوكب آخر؟ شيء محير نعم اسمع بهذي المشاكل لكن بنسبة قليلة جدا |
رد : اهل الزوج ماموقعهم
.وصلت بهم الغيره الى الحسد وتمني زوال النعم
.بالعكس كلما احسنتي كلهم كلما اساؤا لك .وكلما تقربتي لهم كل ما اهانوك وابغضوك وحقدوا عليك >>> يعني طبهم الابتعاد عنهم والاحتفاظ بااحترامك لهم وعساك تسلمين منهم بعد .الشيخ الشنيقطي الله يحفظه امر الزوج ان يفصل بين الام وبين الزوجه .للاسف مثل مافيه اهل زوج ينحطون على الجرح يبرى فيه اهل زوج ينحطون على الجرح يسببون له نزيف ... |
رد : اهل الزوج ماموقعهم
الله يعينك رذاذ شيء مو طبيعي ..
الحمدلله علاقتي فيهم طيبه اذا سمعت كلمه منها ادقها بالكلام وهي ذكيه وتفهم وترجع تدق وارجع ادق بأقوى يعني شوفيني افهمك وتهجد .. واحيآن أسوي مآأسمع واني مافهمتها وأمدحها بسرعه على شيء ثاني تقعد تطل فيا منصدمه .. مرا كذا ومرا كذا .. عالحبلين امشي وأمورنا تمام .. وزوجي ماادخله بأي شيء انا اتولى كل شيء من دون يدري 😃 ازورهم كل اسبوع تقريبا واتعشى معهم وصراحه رافعتني فوق تقولي مامثلك احد ولاقد غلطتي على احد .. بناتها الحمدلله يحبوني ويحبون يجوني وقت زوجي بدوام يتسلون عندي الين يجي .ويقولون اسرارهم واساعدهم . |
| الساعة الآن 04:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©