ابن جيراننا في نفس المنتدى ! محتااااجه استشيركم ..
 

السلام عليكم ..

كنت مسجله بمنتدى يخص مدينتي .. من سنتين تقريبا ومشاركاتي قليله فيه ..

مره من المرات صار حدث في الحي اللي ساكنين فيه .. ونزل موضوع عنه وشاركت فيه ..

بعدها جتني رساله عل الخاص سالني عن بعض الاشياء في الموضوع وكذا وجاوبته .. بعدها صار يقولي معلومات اكثر وقالي انا ساكن في نفس الحي .. وقالي اسم عيلتهم من نفس عيلتنا من نفس الجماعه !!:24: بعدها قفلت الخاص خفت يعرفني وتركت المنتدى

..وصرت اتابع مشاركاته من بعيد \\ متزوج ونفس عمري وعنده طفلين ويفكر بالزواج من اخرى ..

سألت امي عنه طلعت تعرفه ومدحت امه وابوه وعيلته .. قالت وهو الرجال صديق اخوك من بعيد ..
ابي نصائحكم لاني صرت مشتته ماادري وش الصح وش الغلط ..

رد : ابن جيراننا في نفس المنتدى ! محتااااجه استشيركم ..
 

وعليكم السلام ورحمة الله وبركاته
فعلت اللازم بتركك المنتدى
لكن
سالتي عنه اهلك وتسالين عن خطوه تالية!
حسنا:
جازفي باخباره في المراسلات الخاصة ابنة وأخت من انت لأنك تضمنين قدومه

رد : ابن جيراننا في نفس المنتدى ! محتااااجه استشيركم ..
 

مشتته ليه يا عمري

هو تقدم لك ...!


او انتي تخططين له ..؟

رد : ابن جيراننا في نفس المنتدى ! محتااااجه استشيركم ..
 

توهمي نفسك بأنه سيتزوجك ؟؟ أم أنه أخبرك بهذا الشيء ؟؟

رد : ابن جيراننا في نفس المنتدى ! محتااااجه استشيركم ..
 

لا هو بعد ماتركت المنتدى .. رجعت لقيته مرسل لي عل الخاص : وربي انك اللي اتمناها بالضبط ! واسلوبك عجبني ومن هالكلام ... والخ وسألني عن رأيي بالزواج من معدد ... بس انا ماااارديت عليه

رد : ابن جيراننا في نفس المنتدى ! محتااااجه استشيركم ..
 

فكرت اقوله من انا .. بس خفت اندم بعدين .. انا اخااف على سمعتي اكثر من اي شيء ..
وبنفس الوقت لما اقرا مشاركاته باين انسان خلوق ومثقف .. احس فرصه كبيره لي مولازم افوتها ..
وبنفس الوقت مااحب الزواج بهذي الطرق لاني اخاف من مستقبل مجهول بعد كذا ..

فكرت اتعرف على اخواته بس ماصار اي فرصه ابدددداً ..

رد : ابن جيراننا في نفس المنتدى ! محتااااجه استشيركم ..
 

يعني الحين من خلال مشاركاتك في المنتدى وكم رساله خاصه عرف انك انتي اللي يتمناها بالضبط؟؟!

يا اختي ادخلي قسم المقبلين وشوفي عدد اللي خاطبين واللي مالكين واللي يتواصلوا مع نصفهم الثاني ومع هذا مو عارفين وفاهمين بعض ..

انتبهي تجازفين وتقولين له بنت منو وإخت منو إنتي .. وخاصة انه يعرف إخوك .. إلا السمعه ! وانتي ما تدرين شو نواياه .. ؤانتي تقولين بعد ما تركتي المنتدى أرسل لك انه يتمناك؟ يمكن قال لك كذا بس عشان ترجعين تكلمينه ..

إذا مرة مهتمه استخيري وتعرفي على خواته يمكن هو ما يفكر في الزواج الثاني أساسا ..

ترى في نوعيه يلعبون على البنات كذا ..

انتبهي .. والله يوفقك ويرزقك الزوج الصالح ..

رد : ابن جيراننا في نفس المنتدى ! محتااااجه استشيركم ..
 

رفيقتي
الرجل حين يريد الزواج بعد زواجه سيختار زواجا فاخرا تُقبل فيه أنوف الرجال ليخرج من وضع نفسي حرج لانه رغم انه يقدر زوجته يحبها ويحترمها لانها ( مخلصه) الا انه يريد ان يتفقد اناث اخر يكون بهم قرير العين مرتاح البال فيهدا
فتكون خطواته موزونة جداً وحذقه ومتعقله
فلا تظني من رجل عاقل فعلا ولديه اسرة ومن ذات الحي الذي انت به ان يتزوج بهذه الطريقة ولديه الفاخر من الطرق وانت لست ذاك الطريق بل مكان لعوب ليستريح فيه فلا تسمحي لعناء تأخر زواجك يضعك واسرتك تحت نابه
يبدوا أمره مكشوفا ان دققتِ بملامح الامر
تستحقين تقديرك لنفسك!بدل السعي في تقليلها بافسادها بمحادثته او التقرب من إخوته
قري وسيعطيك الله رزقا يحبه
استغفري الله كثيرا

رد : ابن جيراننا في نفس المنتدى ! محتااااجه استشيركم ..
 

رد : ابن جيراننا في نفس المنتدى ! محتااااجه استشيركم ..
 

جزاكم الله خير على نصائحكم ..

أنا الحمدلله ماأخبرته بأي شي عني .. رغم الحاحه علي .

لكن تجيني لحظات لما اختلط بالناس واشوف كل اللي من حولي متزوجات .. أرجع أفكر في أي وسيله أتزوج فيها , وأرجع اتذكره واقول في نفسي هذي فرصتي ليش افوتها !
عشان كذا مو قادره احسم اموري :(