|
حليب فابي ميلك والمكملات الغذائيه
صباح الخيرات والمسرات
ولدي الصغير عنده 11 شهر قبل شهر ونص بدا يزحف ويادوب صار يحبي متأخر كثير يمسك الاشياء ويوقف ويمشي ماسكها عنده اكزيما وعوز فيتامين د عنده بسبب النقص لين عظام كل مره اروح للدكتور يقول لي على حليب فابي ميلك وماكنت اغير لاني غيرت بدل المره عشر فآخر شي استمريت ع سيميلاك غين وارتاح نسبيا عليه سيميلاك بدا ينقطع ويسبب له امساك الله يكرمكم فقررنا نغير الحليب رحنا نشتري بروجرس قال الصيدلي فابي افضل منه وعطيت منه ولدي امس ياعالم ماقدرت انام من النشاط المفرط وبس يصرخ ومعصب عشان ابغى انومه بالرغم من انه يتثائب بس كان ماشالله شاد حيله يبي ينط من السرير ع الكومدينه ويسوي حركات بهلوانيه وصار مايشبع بالرضعه يبي بعد على عكس سيميلاك. يشبع وينام بكل هدوء طبعا الحليب مكتوب عليه حليب ومكمل غذائي والصيدلاني قال انه عادي نعطيه البيديا شور مرتين في اليوم لكن انا ماقتنعت بهالكلام مادام الحليب فيه مكمل غذائي كيف اعطيه الاثنين ! اخاف يجيه فرط حركه ويصير فعقله شي تبعا للكميه المضاعفه من الفيتامينات انا قريت عن البيديا شور انه يسبب نشاط زايد فهل ياترى كل المكملات الغذائيه نفس الشي ؟ للعلم انا مارضعه لاسباب صحيه ويستحق اني اعطي بنتي. بيديا شور. عمرها 4 ونص انصحوني لاهنتوا : ) |
رد : حليب فابي ميلك والمكملات الغذائيه
و الله لا علم لي بس انا استعمل النيدو و قبلها كنت استعمل بلاسمون
بصراحة حسيت بالفرق البلاسمون ما يقدر حتى يخلصه اما النيدو يخلص و يطلب زيادة |
رد : حليب فابي ميلك والمكملات الغذائيه
غاليتي رذاذ
للتو شفت موضوعك انا بنتي عمرها 3سنوات ونص واعطيها بدياشور مع نيدو البدياشور مكمل غذائي ويستخدم للاطفال فاقدي الشهية او اللي ماينوعون باكلهم او حتى يعطى للطفل في وقت عدم قدرته على الاكل فابي ميلك ماعرفه وماعرف احد جربه ولكن بنتي بقولج عن تجربتها كنت اعطيها بدياشور فقط لما دخلت النيدو معاه حسيت عملها نشاط شوي ثم انطفى بالنسبة لولدج اللي اشوفه مادام الدكتور والصيدلي نصحوج فيه فاعطي الولد منه ولما يجيه النشاط خليه يلعب شوي بيشبع ثم يرجع ينام تحياتي |
رد : حليب فابي ميلك والمكملات الغذائيه
يغلق. .....
|
| الساعة الآن 01:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©